கருக்கலைப்பு

முட்டையை உடைத்து
இரண்டு கருக்களையும் ஒன்றாகக் கூட்டி
தலைக்குத் தேய்த்து வர முடி நன்றாக வளரும்

விடிகாலையில் வெறும் வயிற்றில்
முட்டையை உடைத்து அப்படியே விழுங்கி, பின்
உடற்பயிற்சி செய்து வர புஜபலம் கூடும்

வேண்டாத கொழுப்பு உம் உடலில் சேராதிருக்க
முட்டையின் மஞ்சட்கருவை நீக்கிவிட்டு
வெள்ளைக்கருவை மட்டும் உட்கொள்தல் வேண்டும்

இவையெல்லாம் செய்வதை விடுத்து
அப்படியே அடைக்காக்க விட்டுவைத்தால்
அதிலிருந்து ஒரு கோழிக்குஞ்சு கூட வரும்.

- சின்னப்பயல் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)