(குன்றுகளைப் போன்ற இளங்களிறுகளின் மீது (நின்று) வானத்தையே தடவுவன போன்று, (தாம்) உற்பத்தி செய்த பொருட்களே தமக்கு எட்டாது, மானிட வாழ்வை (வாழ முடியாமல்) தொலைத்து விட்ட தோழா! (உழைக்கும் வர்க்கத்தின்) ஆசான்களான கார்ல் மார்க்சும், லெனினும் (நமக்குக்) கொடையாகக் கொடுத்து இருக்கும் மாசில்லாத வழியில் (வர்க்கப்) போரைத் தொடுத்தால், உன் சினம் மிகுந்த பார்வையினால் (மானிட வாழ்வின் அனைத்துக் கேடுகளுக்கும் அடிப்படையான) சந்தைப் பொருளாதார முறையை ஒழித்து விடலாம்; (மேலும்) உன் கனிவு மிக்க பார்வையினால் (உழைக்கும் மக்களுக்கு மட்டும் நன்மை செய்யும்) நல்லரசை அமைக்கலாம். (சுரண்டலாளர்களின் தயவில் வாழும் இலக்கியவாதிகளைப் போல்) சூரியனில் நிலவையும், சந்திரனில் வெயிலையும் தேடி அலையாது, அறிவியலின் நுணுக்கங்களைத் தெளிவாக உணர்ந்து கொண்டு இப்புவியைப் பண்பான வாழ்க்கை வாழ்வதற்கான இடமாக மாற்றுவாய்.)