ஒரு வித விலகலும் நெருக்கமும்

மிகவும் ரசிக்கிறேன்
கருப்பு வெள்ளை புகைப்படங்களை
கருப்பா? சிவப்பா? மாநிறமா?
என் சொல்லாத
அதன் வெளிப்படையான ரகசியத்தை..
-----------
முன் பின் பார்த்தறியாத
முகங்கள்
முதலில் புகைப்படங்களில்
பார்க்கப்படுகையில்
திணிக்கப்படுகிறது
ஒரு வித விலகலும்
நெருக்கமும்..
---------------
புகைப்படங்கள் ரகசியங்களற்றவை
சொல்லிவிடுகிறது
எடுக்கப்பட்ட நொடியில்
கொண்டிருந்த
மனதின் அசைவுகளை

- இசை ப்ரியா (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)