Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

தொடர்புடைய படைப்புகள்

சிந்தனையாளன்

ஏற்றி ஆகிவிட்டது எழுபத்தோ ராண்டின்

ஏகாதி பத்திய எடுபிடி ஆட்சியில்

போலி விடுதலைநாள் கொடி யேற்றம்

மக்களின் வாழ்வோ கழு வேற்றம்

 

படி நிலையில் சாதியை வைத்து

படைத்தான் இறைவன் கதைபல இட்டு

மானுட சமநிலை மறுக்கும் நாட்டில்

விடுதலை? திருநாள் இந்தி யாவில்

 

காதலர்களின் ஆடை களைந்தது வன்கொடுமையே

ஆக்சிசன்மறுத்து மடிந்தமழலை அரசின் கொலையே

மக்களின் நலனைக் காக்கத் தவறுது

வந்தேமாதரம்! இந்தியத்தேசியம் எங்கே வாழுது

 

மனுவின் பேதம் மீண்டும் வருது

சூத்திர ருக்குக் கல்வி மறுக்குது

மத்தியமாநில அரசுகள் நீட்டி(ய)ன கயிறில்

மாட்டிக் கொண்டாள் அனிதா உயிரை

 

சமூகநீதி சமவுரிமைக்குப் பெருங் கேடிது

உழைக்கும் மக்களின் வாழ்வைப் பறிக்குது

பெரியாரையும் அம்பேத்கரையும் ஏந்து வோம்

விகிதாச்சாரப் பங்கீட்டை வென் றெடுப்போம்

 

அணுவுலை நியூட்ரினோ மணல் கொள்ளை

உரிமைப் பறிப்பை எதிர்த்தால் கடுஞ்சிறை

உழவன் வாழ்வில் அன்றாடம் தற்கொலை

இந்திய நாட்டில் யாருக்கு விடுதலை?

 

யாருக்கு இங்கே விடுதலையின் குடிஅரசு

மோ(ச)டிச் சட்டத்தின் சனநாயக(?) அரசு

இந்திய - (இந்து)த் தேசியத்தைமறுப்போம்

தேசியஇன உரிமைகளை வென்றெடுப்போம்!

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh