ஓடிஓடி மூச்சு வாங்குது - கொஞ்ச நேரம்
ஓய்வாக இருக்கத் தோணுது
கூடிப்பாடி ஆடத் தோணுது - பாழாப்போன
கூட்டணிங்க கால வாறுது!
எத்தனையோ தேர்தல் பார்த்து - சங்கரனார்
கோயிலிலே என்ன ஆனது?
எத்தனையோ கொடுத்தும் பாத்தது - இருந்தாலும்
அத்தனையும் தோத்துப் போனது!
எத்தசொல்லி ஓட்டு கேட்பது - எந்நேரம்
குத்தம்சொல்லி நாக்குக் கூசுது
கத்திக்கத்தி தொண்ட போவுது - ஒருபக்கம்
பெத்ததுங்க வெட்டி மாயுது!
யாதுமற்ற நிராயுத பாணி - அப்படியே
போனாலும் ஆகா(து) போணி!
போதுமிடைத் தேர்தல் சாமி - ரொம்ப ரொம்பப்
பொல்லாதவங்க போயஸ் மாமி!
மதுக்கோட்டை அல்லி ராஜ்ஜியம் - சரிந்திங்கே
புதுக்கோட்டை ஆகும் பூஜ்ஜியம்
ஜெயிப்பதல்ல எங்கள் இலட்சியம் - எதிரியாள்
தோற்பதுதான் ரொம்ப முக்கியம்!
யாராவது நில்லுங் கப்பா - எங்களுக்கு
நின்னுநின்னு காலு வலிக்குது
போராட ஆகா தப்பா - மத்தவங்க
போங்கஅங்க “முரசு” ஒலிக்குது.