நகையே!

அக்கா வரும் போதெல்லாம்
நடக்க வேண்டியிருக்கிறது
அடகுக் கடைக்கு.

தங்கச்சிக்காகவும் இனி
தனியாக வாங்கிச் சேர்க்கணும்.

கல்லூரிக்கனவில்
மூழ்கியிருக்கும் தம்பிக்கு
அம்மாவின் தாலிக்கொடி
இன்னமும் மீட்கப்படவில்லை

அண்ணனின் பயணத்திற்கு வைத்த
அண்ணியின் வளையல்களும்
அவளுடைய வாழ்க்கையும்!

அணிவதற்கன்று;
அவசரத்திற்கென்று
ஆகிவிட்ட உனக்கு
நல்ல பெயர் தான்
நகையே!

- இப்னு ஹம்துன் இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.