எனவே வேறுவழியில்லாமல்
நானும் உன்னை காதலிக்கிறேன்.
பரஸ்பரம் நாம்காதலிப்பது நிதர்சனமான உண்மை.
மழைக்கால மாலையில்
மெல்லிய விளக்கொளியில்
உணவகத்தில் அருகருகே நாம்
தட்டிலிருப்பதை நான் பார்க்க
தவிப்புடன் நீ என்னை பார்த்து
“காதல் உணவுக்கு எதிரியல்ல” -என
அன்பாய் பேசி ஆதரவாய் அமர்ந்தாய்
பாத்தி கட்டி விழுங்கும்
பக்கத்து மேசைக்காரரை சுட்டி
அமர்த்தலாய் புன்னகைத்தாய்
உன்னைக் காதலிப்பதால்
உனது அறிவுரையை
பரிசீலிக்க வேண்டிய
தார்மீகக் கடமை
எனக்குள்ளது
காதல் தெய்வீகமானதுதான் !
தாஜ்மகால் வந்ததே காதலால் தான் !
எல்லாம் தெரியும் - அதற்காக
உன்னைப்போல்
ப்ளாஸ்டிக் கவரோடு சேர்த்து
பீடாவை சாப்பிட
என்னால் முடியாது.
- பத்மப்ரியா (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)
