Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...


உங்கள் ஆடைகளில் மறைய
வெற்றுக்குறிகளோடு
திரிபவர்கள் அல்ல நாங்கள்

காமத்தை காமம் என்றே சொல்லும்
எங்களை ஊருக்கு
ஒருத்தியாக காண்பீர்கள்

எல்லா நிறத்தையும்
அள்ளிப் பூசி விட்டு
கருப்பு வெள்ளையில்
முலை வரைபவர்கள் நாங்கள்

முகம் எதுவென எவருக்கும்
தெரியாது
எங்களுக்கும் தெரியாது

வடிவம் மாறி தொங்கும்
யோனியில் சின்னச்சிறு
சிரைக்காத வயது அவ்வப்போது தோன்றும்

யாரிடமும் அதிகம் பேசுவதில்லை
மது நிறைந்த சனிக்கிழமைகளில்
கொஞ்சம் உளறுவது உண்டு

பசிக்கும் ருசிக்கும் இடையே
யோனிப்பைகள் நிரம்பிய
வண்ணங்களை பட்டாம் பூச்சிகளாய்
கற்பனை செய்வது இடைவேளை

பிறகெப்போதாவது படுவேகமான
தடக் தடக்கோடு
காதுக்குள் காதல் கூறுபவனைக்
காண்கையில்
படக்கென்று பாதிக் காசு போதும்
என்போம்

மீதிக்காசுக்கு காதல் வாங்கிய
திருப்தி...

- கவிஜி

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh