Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

அந்த குயில் கத்துகிறது
பலம் அனைத்தும் குவித்து
உரக்க.

மரத்தின் மீதும்
மலையின் மீதுமாய்
ஏறி நின்று
கத்துகிறது
யாருக்கும்
கேட்டதாய்த் தெரியவில்லை.

நாம் கத்துகிறோமா
இல்லை வாய் மட்டும்
அசைகிறதா
அதற்கே
சந்தேகம்.

அதன் தலைக்குமேல்
வட்டமடித்த பருந்து
எதற்கெடுத்தாலும்
புலம்பும் சாதியென
எள்ளுகிறது

குயில் விடுவதாயில்லை
உச்சத்தில் நின்று
கூவிட
மாய கையொன்று
அதனைத் தள்ளி
சிரிக்கிறது

கதறலை யாரும்
சட்டை செய்யாததால்
நொந்து
தீயின் நாவையது
தீண்டுகிறது.

அந்த பைத்தியக்கார
குயிலிடம்
எப்படிச்
சொல்வது

உனது கதறலை
ரசிக்கிறது
தள்ளிவிட்ட
மநு
பறவையொன்று...

- அ.கரீம்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh