Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

night 360கழுத்தறுத்து தொங்கிய
வௌவாலின் கனத்த
மௌனமாய் நீள்கிறது
இவ்வெளியெங்கும் முகங்கள்....

ஆதரவற்ற ஒற்றைக்குரலாய்
தடதடத்து தனித்தடங்குகிறது
நடுநிசிகள்......

எப்படி தேடியும்
கிடைக்காத புத்தனை
தேடலுக்குள் அடக்குகிறது
போதி மரக்கிளைகள்......

தீப்பிடித்த வீட்டின் பரபரப்பாய்
கலைந்து, களைத்துப் போகிறது
மடிக்கிடத்தும் தாதிக்களின்
ராத்திரிக் கண்கள்......

நேற்று எறிந்த பிணத்தின்
தீவிரத்தில் இன்றும், இப்போதும் கூட
கசிகிறது
நிலவின் வெம்மைகள்....

- ஆனந்தி ராமகிருஷ்ணன்

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh