முறையீடும் கண்டனமும்
நான்கு தசாப்தங்களுக்கு மேலாக நீடித்துவரும் ஈழத்தமிழ் மக்களின் அரசியல் உரிமைப் போராட்டமும், இலங்கை அடக்குமுறை அரசினால் முள்ளிவாய்க்காலில் நடத்தி முடிக்கப்பட்ட இனப்படுகொலையும் உலகெங்கும் வாழும் தமிழ் மக்களையும் மனித உயிர்களை நேசிக்கும் அனைவரையும் மிகவும் பாதித்திருக்கிறது. உலக மக்கள் இலங்கையில் ஈழத்தமிழ் மக்களின் மேல் சுமத்தப்பட்டுவரும் அடக்குமுறையையும், அம்மக்களுக்கு இழைக்கப்பட்டுவரும் கொடுமைகளையும் அதிகமாக உணரும் நிலையில் இன்று உள்ளனர்.
சனல் 4 தொலைக்காட்சி கடந்த வாரத்தில் காட்சிப்படுத்திய இசைப்பிரியா தொடர்பான விபரங்கள் உலகின் பலபாகங்களிலும் வாழும் மக்களின் மனித உணர்வுகளை ஆழமாகத் தூண்டியுள்ளதைக் காணக்கூடியதாக உள்ளது. கல்லையும் கரைந்துருக வைக்கும் அந்தக் காட்சிகள் இறுதிப் போரின் போது அபயம் தேடிய பெண் ஊடகவியலாளரும் இளம் கலைஞருமான இசைப்பிரியாவை இலங்கை இராணுவம் உயிருடன் பிடித்துச் செல்வதை உலகுக்குமுன் ஆதாரப்பூர்வமாக கொண்டுவந்து நிரூபித்துள்ளதுடன் இசைப்பிரியா இலங்கை படையினரால் பின்னர் கொன்றொழிக்கப்பட்டுள்ளதை சான்றாதாரமாக்கியுள்ளது.
சனல் 4 தொலைக்காட்சியின் இதுவரையான இனப்படுகொலையை நிரூபிக்கும் ஆவணங்கள் உலகினை உலுப்பி வருகின்றது. அதே வேளை இதுபோன்ற ஆவணங்கள் அரசியல், மனித உரிமை தர்மங்களுக்கு அப்பால், தனி நபர் நோக்கில் பெருமளவு பணமீட்டவும் சர்வதேச அங்கீகாரத்தினை பெறுவதற்காகவும் வெளிநாட்டுப் பயணங்களுக்காகவும் மோசமாக துஷ்பிரயோகம் செய்யப்படும் நிலையையும் தோற்றுவித்துள்ளது.
லீனா மணிமேகலை என்கிற தமிழ் நாட்டைச் சேர்ந்த ஆவணப்பட இயக்குனர் தயாரித்து தற்போது விளம்பரப்படுத்தப்பட்டுவரும் "White Van Stories" தொடர்பாக எமக்கு ஆழமான கேள்விகள் எழுகிறது. ஒன்று இதன் தயாரிப்பாளரான லீனா மணிமேகலையின் நம்பகத்தன்மை தொடர்பானது. இரண்டாவது இந்த ஆவணப்படத்தில் சாட்சியமாக காட்சிப்படுத்தப்படுபவர்களின் சட்டரீதியான உரிமையும் அவர்கள் இலங்கையில் உயிர்வாழ்வதற்கான பாதுகாப்பு சார்ந்த விடயங்களுமாகும்.
1) தயாரிப்பாளரான லீனா மனிமேகலையின் நம்பகத்தன்மை?
இதன் தயாரிப்பாளர் ஒடுக்குகின்ற அரசுகளுடனும், அதற்குப் பின்னாலுள்ள பன்னாட்டு நிறுவனங்களுடனும் பொருளாதார நலனை முன்னிட்டு செயற்பட்டு வருபவர். இந்திய ஏழை மக்களின் நிலங்களையும் அந்த மக்களுக்கு சொந்தமான வளங்களையும் இந்திய அரசின் உதவியுடன் சூறையாடி வரும் “டாட்டா” பன்னாட்டு நிதி நிறுவனத்திடம் நிதி பெற்று டாட்டாவிற்காக பிரச்சாரப்படம் தயாரித்தவர்.
ஈழத்தமிழ் மக்கள் கொத்துக்கொத்தாக கொல்லப்பட்டுக் கொண்டிருந்த போது தமிழ்நாட்டு படைப்பாளர்கள் கலைஞர்கள் இயக்கம், இந்திய அரசின் கவனத்தினை ஈர்க்கவும், ஈழத் தமிழ் மக்களை அழிவிலிருந்து பாதுகாக்கவும் டெல்லியில் நடாத்திய போராட்டத்தினை அதில் பங்குபற்றியவர்களின் ஒப்புதல் இன்றி தனது ஆவணப்படத்தில் பாவித்தவர். அப்போராட்டம் தன்னால் முன்னெடுக்கப்பட்டது என்கிற தோற்றத்தினை ஏற்படுத்த முற்பட்டவர். இவற்றிற்காக அதில் பங்கு கொண்ட படைப்பாளர்கள் கலைஞர்களால் கண்டிக்கப்பட்டவர். இனப்படுகொலையை நடாத்தி முடிப்பதற்குப் பின்னிருந்த இந்திய அரசின் பாத்திரம் குறித்து இதுவரை வாயே திறக்காதவர் இவர்.
போருக்குப் பின்னும் தமிழ்மக்கள் மீது வடக்கில் நடைபெறும் இன அடக்குமுறையை மூடிமறைத்து, அங்கு ஜனநாயகம், கருத்து சுதந்திரம் இருப்பதாகக் காட்ட அரசியல் உள் நோக்கம் கொண்ட இலங்கை அரசின் நேரடி ஆதரவாளர்களால் (இவர்கள் இனப்படுகொலையை நடாத்தி முடித்த மகிந்தவுக்கு பகிரங்கமாக அறிக்கை வெளியிட்டு நன்றி தெரிவித்தவர்கள்) நடாத்தப்பட்ட யாழ்ப்பாண இலக்கிய ஒன்று கூடலுக்கு தமிழ் நாட்டிலிருந்து சென்று கலந்து கொண்டவர்.
"White Van Stories" படத்தயாரிப்பு முடிந்த கையுடன் அதனை சனல்4 உட்பட மேற்கு நாட்டு ஊடகங்களுக்கு விற்பதற்காக இதன் தாயாரிப்பாளார் காட்டுகின்ற அதிதீவிர ஆர்வம். இதன் திரையிடல் எனும் பெயரில் ஐரோப்பா, அமெரிக்கா நாடுகளுக்கு திட்டமிடும் வெளிநாட்டுப் பயணங்கள். இதன்மூலம் பெறத் திட்டமிடும் பொருளாதார நலன்கள் போன்றவை எமது கேள்விகளுக்கு அடிப்படையாக உள்ளன.
2) ஆவணப்படத்தில் சாட்சியமாக காட்சிப்படுத்தப்படுபவர்களின் சட்டரீதியான உரிமையும் அவர்கள் இலங்கையில் உயிர்வாழ்வதற்கான பாதுகாப்பு சார்ந்த விடயங்களும்.
இந்த ஆவணப்படத்தில் உள்ள பெருமளவிலான காட்சிகள், இதில் தோன்றுபவர்களிடம் உண்மை நோக்கத்தினை வெளிப்படையாகக் கூறாமலும், அவர்களின் ஒப்புதல் இன்றியும் உள்ளடக்கப்பட்டதாக உள்ளது. ஐக்கிய நாடுகளின் மனித உரிமைப் பிரதிநிதி நவனீதம் பிள்ளை இலங்கை சென்ற போது, உறவுகளை பலி கொடுத்த சொந்தங்கள் யாழ்ப்பாணத்தில் நடாத்திய கவனயீர்ப்புப் பேரணியையும் அதில் கலந்து கொண்ட பாதிக்கப்பட்ட மக்களையும் கொண்டது.
அப்பேரணி நடந்து கொண்டிருந்த போது, அவ்விடத்தில் கமராவுடன் தயார் நிலையில் இருந்த இயக்குனர், அதில் கலந்து கொண்ட மக்களின் உணர்வு நிலையை சூழ்நிலைக்கமைய தமக்கு சாதகமாக பாவித்துள்ளார். அத்துடன் உண்மைக்கு மாறான தகவல்களைக் கூறி, அவர்களின் இருப்பிடம் சென்று பல விடயங்களை படமாக்கி உள்ளார். இம்மக்களை நம்ப வைப்பதற்காக உள்ளூரில் உள்ள சிலரை பாவித்துள்ளார். இந்த ஆவணப்பட விளம்பரம் youtube இல் விளப்பரப்படுத்தப்பட்ட போது, இதில் வாக்குமூலம் வழங்கிய ஆறு பேர்களின் அடையாளம் மறைக்கப்படாத புகைப்படங்கள் காட்சிப்படுத்தப்பட்டுள்ளது.
இந்த ஆவணப்படத்தில் வாக்குமூலம் வழங்கியவர்கள் அப்பட்டமாக இலங்கை அரசாங்கத்திற்கு இதன் மூலம் காட்டிக்கொடுக்கப்பட்டுள்ளார்கள். (இன்னமும் அவர்கள் இராணுவ கண்காணிப்பின் கீழ்தான் வாழ்ந்து வருகிறார்கள்) அவர்கள் மோசமான உளவியல், பாதுகாப்பு நெருக்கடிகளை எதிர் கொள்கிறார்கள். இதில் சம்பந்தப்பட்ட பலர் இந்த படத்தில் இருந்து தம்மை நீக்குமாறு லீனா மணிமேகலையை தொடர்பு கொள்ள பலமுயற்சி எடுத்தும் லீனாவை தொடர்பு கொள்ள முடியாது இருப்பதாக தெரிவிக்கின்றனர்.
பாதிக்கப்பட்டுள்ள பெண்களின் சார்பில் ஒரு அறிக்கை வெளியிடப்பட்டுள்ளது http://www.oodaru.com/?p=6747 (இணைப்பில் முழு அறிக்கையும் உள்ளது) இந்த விடயத்தில் அக்கறை கொண்ட பல எழுத்தாளர்களும் ஊடகவியலாளர்களும் லீனா மணிமேகலையிடம் கேட்டும் அவரிடமிருந்து உதாசீனமான பதில்களே கிடைத்து வருவதாக தெரிவிக்கின்றனர். இலங்கையில் லீனா மனிமேகலைக்கு தொடர்பாளராக இருந்த கிளிநொச்சியில் வதியும் எழுத்தாளர் ஒருவர், தனக்கு இது பற்றி தெரியாது என கைவிரிப்பதாக பாதிக்கப்பட்ட மக்கள் தெரிவிக்கின்றனர். இதன் இயக்குனர் ஆவணப்படத்தினை ஐரோப்பிய ஊடகங்களுக்கு விற்பனை செய்வதிலும் ஐரோப்பிய பயணத்திலும் காட்டும் ஆர்வத்தினை பாதிக்கப்பட்ட மக்களின் குரலுக்கு காட்டுவதாக இல்லை.
இந்த ஆவணப்படத் தயாரிப்பு சட்டரீதியான உத்தரவாத விடயதானங்களை கொண்டிருக்காது இருப்பதுடன், எந்த கொலைகளை தடுப்பதற்காக பிரச்சாரப்படுத்தப்படுகிறதோ, அதனை உயிர்தப்பி வாழும் மக்கள் மீது நிகழ்த்தப்பட வாய்ப்பளிக்கிறது. எந்த அறப்பண்புகளுக்கும் எதிரான, ஒரு தனி நபரின் நலன்களை இலக்காக்கி வியாபரப்படுத்தப்படுகிறது.
இந்த ஆவணப்படம் ஈழத்தமிழ் மக்கள் மீதும், ஒடுக்கப்படுகின்ற மக்கள் மீதானதுமான அக்கறையின் பால் எடுக்கப்பட்டுள்ளது என்கிற பார்வை இருப்பின் அது மிகத் தவறானதாகும். ஈழத்தமிழ் மக்களின் உயிரையும் வாழ்வையும் அம்மக்களின் இதுவரையான எந்த துன்பங்களிலும் பங்கு கொள்ளாதவர்கள் “சந்தை நிலவரங்களுக்கு தக்க வகையில்” தனிப்பட்ட நலன்களுக்காக பாதிக்கப்பட்ட மக்களின் வாழ்வை பாவித்து சூறையாடும் கொடுஞ்செயலை நாம் கண்டிக்கிறோம். லீனா மணிமேகலையின் இந்த ஆவணப்படம் மோசமான வணிக நோக்கு கொண்டது என்பதும், அது பாதிக்கப்பட்டுள்ள ஈழ மக்களுக்கு ஒரு நன்மையையும் பெற்றுத் தந்து விடப்போவதில்லை என்பதிலும் பாதிக்கப்பட்டு துயருற்றுள்ள மக்களின் சார்பில் நாம் உறுதியாக இருக்கிறோம்.
எமது இந்த முறையீட்டையும் கண்டனத்தினையும் சமூக வலைத்தளங்கள், மற்றும் ஊடகங்கள் வழியாக அனைவரையும் சென்று சேர உதவுமாறு உங்கள் அனைவரையும் கோருகிறோம்.
- ஈழ, தமிழக படைப்பாளிகள் கலைஞர்கள் இயக்கம்
என்னடா , வெள்ளைவான் படங்காட்டுற இந்தியப் பெண்மணியின் ரசிகர் மன்ற தலைவர்கள் ஒருவரையும் இவ்வளவு விமர்சனம் வந்தும் இன்னும் விவாத அரங்கில் காணவில்லையே எனப் பார்த்தேன். வந்து விட்டார்கள் . வக்காளத்துடன். அந்த வக்காளத்தில் , ஊடறுவுக்கு பதில் கூறப்பட்டுள்ளது . அப்படம் தயாரிப்பு சம்பந்தமான ,முக்கிய விடயங்களான 1. இலங்கையில் பாதுகாப்பு அமைச்சின் அனுமதியை அந்த இந்திய பெண்மணி எப்படி - யாரால் பெற்றார் ? 2. அவருக்கு பண உதவி , மேற்கு ஐரோப்பிய நாடு ஒன்றின் , வெளியுறவுக் கொள்கை வகுப்பு நிறுவனத்தின் உதவியில் வாழும் - இலங்கையில் இருந்து புலம் பெயர்ந்த ஊடகவியலாளர்/களா ல் ஏற்பாடு செய்து கொடுக்கப்பட்டதா இல்லையா ? 3. இதே நபர்களே இலங்கையில் சகோதர மொழி பேசும் சிலரை , அந்த ஆவணப்டத்தில் பங்கு கொள்ள வளி செய்தவர்கள் என்பது பொய்யா ? C 4 உடனான தொடர்பையும் இவர்களும் - புலிகளுடன் தொடர்பில் இருந்தவரும் ஏற்பாடு செய்து கொடுத்தது பொய்யா ?
குளோபல் தமிழ் நியூஸ் இணையம் நடத்துபவர் நோர்வே அரசின் மூலம் பணம் பெற்று , இந்திய ஊடகவியலாளர் மூலம் ஒரு படம் தயாரித்தார் . அவரிடம் கூட , பணம் எங்கிருந்து வந்து என்ற கேள்விக்கு இன்றும் பதில் இல்லை . மேற்படி வக்காளத்து வாங்குவோர் போல வெறும் வாய்சவடால் மட்டுமே பதிலாக வந்தது . ஆவணப்படம் தயாரிக்கும் ஊடக வியலாளர் தொடக்கம் - நாளாந்தா கூலிக்கு எழுதும் பத்திரிகையாளன் வரை, அடிப்படைத் தர்மங்களை- விழுமியங்களை - Ethics, (also known as moral) கடைப்பிடிக்க வேண்டுமென்பது சர்வதேச ஊடகப்பரப்பில் எழுதப்படாத "சட்டம்". அந்த Ethic இல் முக்கியமான ஒன்று , Transparency . அதாவது வெளிபடையாக - வெளிப்படைத் தன்மையுடன் இயங்குவது . முக்கியமாக பணம் வழங்குநர்கள் (Sponcers )சம்பந்தமான வெளிப்படைத் தன்மை! காரணம் : ஊடகம் என்பதுவும் - அதை கையாள்வதும் கூட அதிகாரப்பிரயோகம ் தான் . அரசு செய்யும் அதிகாரம் ஜனநாயக தன்மையுடன் , வெளிபடையாக இல்லாத போது - அதிகாரதுஸ்பிரயோ கம் நடக்கும் போது , அதை தட்டிக் கேட்கும் கடமை ஊடகத்துக்கு - அதை பிரயோகிபோருக்கு உண்டு . இதன் அடிபடையில் , ஊடகவியலாளரிடம் அந்த வெளிப்படையான தன்மையை , கோருவது தவறல்ல . அக் கோரிகைக்கு ஆதாரத்துடன் பதில் அளிக்க வேண்டியது ஊடகத்தின் - அதைப் பிரயோகிப்போரின் கடமை - பொறுப்பு - தர்மம் . இந்த வகையில் , வெள்ளைவான் படங்காட்டுற இந்தியப் பெண்மணி அவர் முன் வைக்கும் கேள்விகளுக்கு பதில் கூற வேண்டும் . அது அவதூறாக இருந்தாலும் , வெளிபடையாக இருப்பதன் மூலம் - பொறுப்பாக பதில் கூறுவதன் மூலம் தன் வெளிப்படைத் தன்மையை - உண்மைத் தன்மையை நிலை நாட்ட முடியும் . ஆவணப் படம் தயாரிக்கும் போது , உயிர் பாதுகாப்பு , மற்றும் தவிர்கமுடியாத source களின் தகவல்களை வெளியிடதேவை இல்லை . ஆனால் , பின்ணணியில் இயங்கியோர் - பணம் கொடுதோர் பற்றி அப்படத்தின் முடிவில் - மற்றும் விளம்பரத்தில் வெளியிடுவது வழமை.
"இனப்படுகொலையை நடாத்தி முடிப்பதற்குப் பின்னிருந்த இந்திய அரசின் பாத்திரம் குறித்து இதுவரை வாயே திறக்காதவர் இவர்."
என்று குறிப்பிட்டுள்ள ீர்கள்.
'செங்கடல்' படத்தில் இந்தியாவிற்கு எதிரான பல வசனங்கள் இடம்பெற்றிருந்த ன. அந்த படம் வெளியான புதிதில் ஒரு பெரிய கட்டுரையே ஆனந்த விகடனில் வந்திருந்தது. அதில் அந்த வசனங்களுடன் பிரசுரித்திருந்தனர்.
நீங்கள் கூறிய பல விடயங்கள் நியாயாமாக தோன்றினாலும், அது உண்மையா என்னும் சந்தேகம் எழுகிறது. உங்கள் பதில்?
RSS feed for comments to this post