அண்மைப் படைப்புகள்

கீற்றில் தேட

ariviyal_oli_wrapper

 

ஆசிரியர்: நா.சு.சிதம்பரம் M.Sc., M.A., M.Ed., Cert.in e-Publishing
ஆண்டுக்கட்டணம்: ரூ. 120 வாழ்நாள் கட்டணம்: ரூ. 1500 /-
முகவரி: ஆசிரியர், அறிவியல் ஒளி, 16/29, முதல் தளம், முத்துக்கிருஷ்ணன் தெரு, கொண்டியம்பதி, சென்னை 600079
அலைபேசி: 9444063497   மின்னஞ்சல்:
இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

மனிதர்களின் மேல் தோல் கீழ் மல்பீஜியன் அடுக்குகள் (Malphigian Layers) உள்ளன. இவ்வடுக்குகளில் நிறமித் துணுக்குகள் (Pigment Granules) காணப்படுகின்றன. இவை மனிதனின் தோலின் நிறத்தை நிர்ணயிக்கின்றன. இந்நிறமித் துணுக்குகளில் உள்ள இரசாயனப் பொருள்களின் தன்மை ஒவ்வொருவருக்கும் ஒவ்வொரு விதமாக அமைவதால், நிறமும் வெவ்வேறு விதத்தில் அமைகிறது.
Pin It

இதனை அளக்கும் கருவி எது? குறைந்த, அதிக இரத்த அழுத்தங்கள் எப்படி உருவாகின்றன?

இரத்தக் குழாய்களில் இரத்தம் செல்லும்போது, குழாய்களின் சுவர்களில் இரத்தம் ஏற்படுத்தும் விசையே இரத்த அழுத்தம் எனப்படும். மேலும், இதயம் தொடர்ச்சியாக இரத்தத்தை குழாய்களின் மூலம் உடலின் அனைத்து பாகங்களுக்கும் சுழற்றிக் கொண்டே இருப்பதால் இரத்த அழுத்தம் சீராக இருக்கின்றது. இரத்தக் குழாய்களில் ஓடும் இரத்தத்தின் அழுத்த விசையினை அளக்கும் கருவிக்கு ஸ்பிக்மோமேனோ மீட்டர் (Sphigmomanometer) என்று பெயர். இக்கருவியில் உள்ள பாதரசத் தம்பம் (Mercury Pellet) அழுத்தத்தைத் துல்லியமாகக் காட்டுகிறது.

இரத்த அழுத்தம் எல்லோருக்கும் ஒரே மாதிரியாக இருக்க வேண்டும் என்பதில்லை. மேலும் இது ஆண்கள், பெண்கள், குழந்தைகள், முதியவர்கள், நோய்வாய்ப்பட்டவர்கள் ஆகியோருக்குக் கணிசமான அளவில் மாறுபடுகின்றது. எடுத்துக்காட்டாக 30-லிருந்து 40 வயதுள்ள சராசரி ஆணுக்கு இரத்த அழுத்தம் 120/90 இருக்கலாம். இதையே சாதாரண இரத்த அழுத்தம் என்று கூறுவார்கள். இந்த அளவிற்குக் குறைந்தால் Hypo Tension எனப்படும். குறைந்த இரத்த அழுத்தம் (Low Blood Pressure) என்றும், அதிகமானால் Hyber Tension எனப்படும் அதிக இரத்த அழுத்தம் (High Blood Pressure) என்றும் சொல்லலாம்.

குறைந்த இரத்த அழுத்தத்திற்கு இரத்தச் சேதமோ, இரத்தத்தின் திரவ அளவு குறைவதோ அல்லது Electrolytes எனப்படும் துகள்கள் குறைவதோ காரணமாக இருக்கலாம். அதிக இரத்த அழுத்தத்திற்கான காரணங்கள், அதிகக் கொழுப்பு (Cholestrol) சேருதல், நீரிழிவு நோய் (Diabetes), சிறுநீரகப் பாதிப்புகள், சில நேரங்களில் பெண்களின் கர்ப்பநிலை ஆகியவையாகும்.

இரத்த அழுத்தம் அதிகமானால் இரத்தக் கொதிப்பு ஏற்படுகிறது என்று கூறப்படுவது தவறானது. இரத்தம், எந்த நேரத்திலும் கொதி நிலையை அடைவதில்லை. இரத்த அழுத்தம் அதிகமானால் இதயம் அதிகமான வேலை செய்ய வேண்டியதாகி விடுகிறது. எனவேதான் அதிக இரத்த அழுத்தம் உள்ளவர்களுக்கு இதய நோய்கள் ஏற்பட அதிக வாய்ப்புகள் ஏற்படுகின்றன.

Pin It

இந்நூல் சென்னையிலுள்ள வானிலை ஆய்வு மையத்தில் பணிபுரியும் கு.வை. பாலசுப்பிரமணியம் அவர்களால் அறிவியல் ஒளி, தினமணி, தினத்தந்தி, தமிழ்ச்சுடர், தமிழ் நியூஸ், அறிவியல் பூங்கா முதலிய மாத, நாளிதழ்களில் எழுதிய பல கட்டுரைகளின் தொகுப்பாகும். பாலசுப்பிரமணியம் அவர்கள் உதவி வானிலை ஆய்வாளராகப் பணியாற்றி வருகிறார். வானிலை ஆய்வுத் துறையின் வானிலை முன்னெச்சரிக்கைகள் வழங்கல், புயல் கண்டறியும் ராடார், விமான வானிலை, பூகம்பவியல் ஆகிய பல பிரிவுகளில் பணியாற்றியுள்ளார்.

இந்நூலில் அடங்கியுள்ள 31 கட்டுரைகளில் அறிவியல் ஒளியில் வெளிவந்த 13 கட்டுரைகள் தொகுக்கப்பட்டுள்ளது. இந்நூலில் இடம் பெற்றுள்ள கட்டுரைகள் பல்வேறு கால கட்டங்களில் எழுதப்பட்டவை.

அண்டவெளியில் காட்சியளிக்கும் ஒரு தோற்றமான வானத்தில் நிகழும் பல்வேறு நிகழ்வுகள் நமக்கு வியப்பளிப்பவை. மழை, இடி, மின்னல், பனி போன்ற காட்சிகள் பார்க்க இயலும் காட்சிகள் என்றாலும், நம்மால் பார்க்க இயலாத அளவிற்குப் பேராற்றல் கொண்டவை. பல மடங்கு பேராற்றல் கொண்ட இயற்கைப் பொருள்களின் ஒன்றான காற்று புயலாக மாறி வீசும் போது அதன் கொடுமையை நாம் உணர்ந்துள்ளோம். வெயிலின் கொடுமையை, குளிரின் கடுமையை நாம் அறிந்துள்ளோம். எனவே, மனிதனின் தினசரி நடவடிக்கைகளில் வானிலையின் தாக்கம் உள்ளது என்பது தெரிகிறது. அற்த வானிலையைப் பற்றி அறிவியல் ரீதியாகப் புரிந்து கொண்டு செயல்படும்போது பாதிப்புகளைக் கணிசமாகக் குறைக்க முடியும். அந்த வானிலை பற்றிய செய்திகளை ‘வானிலை ஆய்வு வளர்ந்த கதை’ என்று ஆரம்பித்து, ‘டிசம்பர் 26, 2004 - அந்த இரண்டு மணி நேரம்’ என்று 31 கட்டுரைகளில் எளிமையாக எடுத்துச் சொல்ல முனைந்திருக்கிறார் ஆசிரியர்.

இக்கட்டுரைகளில் வானிலை ஆய்வின் வரலாற்றைச் சுருக்கமாகத் தருவதுடன், வானிலை முன்னெச்சரிக்கை வழங்குவதில் முக்கிய இடம் வகிக்கும் வரைபடங்களின் வரலாறு பற்றியும் விளக்கி யுள்ளார். காலக்கணிதம் அறிவோம், மேகம், காற்று, புயல், வடகிழக்குப் பருவ மழை பற்றிய கட்டுரை களும் இவற்றைத் தொடர்ந்து பொதுவான கட்டுரைகளும் இடம் பெற்றுள்ளன.

வானிலை மற்றும் காலநிலை பற்றிய காட்சிகளை அனைவரும் புரிந்து கொள்ளும் வகையில் எழுதப்பட்டுள்ள இந்நூல் அனைவரும் படித்துப் பயன்பெறவேண்டிய நூல் என்பதில் ஐயமில்லை.

வெளியீடு:

முக்கடல், 72, எம்.ஜி. ஆர். சாலை, நங்கை நல்லூர், சென்னை - 600061                                            

விலை: ரூ 150/-   (221 பக்கங்கள்)

எழுதியவர்: கு.வை.பாலசுப்பிரமணியன்    அலைபேசி : 9444365642   
Pin It

இந்நிகழ்வின் அறிவியல் முக்கியத்துவமும்  வரலாற்றுப் பின்னணியும்

17-ஆம் நூற்றாண்டில் கெப்ளரது கோள்களின் விதிகள் மற்றும் நியூட்டனின் இயக்க விதிகளைப் பயன்படுத்தி சூரியக் குடும்பத்தின் அளவினை ‘வானவியல் அலகின்’  வாயிலாகக்  கணித்தனர். வானவியல் அலகு (Astronomical Unit or A.U) என்பது சூரியனுக்கும் பூமிக்கும் இடைப்பட்ட சராசரி தொலைவாகும்.  மேற்கூறிய விதிகள் சூரியக் குடும்பத்தின் கோள்களின் தொலைவை வானவியல் அலகில் கணித்தன.  ஆனால் வானவியல் அலகு என்பதன் அளவைக் கணிக்க இயலவில்லை.  18 ஆம் நூற்றாண்டில்  இந்த  அளவைத்துல்லியமாகக் கண்டறிய கடும் முயற்சிகள்  மேற்கொள்ளப்பட்டன.  இந்த அலகில் ஏதேனும் தவறு நேரிட்டால், பேரண்டத்தின் அள வைக் கணிக்கையில் அந்தத்தவறு பல்கிப் பெருகிவிடும் அச்சம் இருந்தது.

17 ஆம் நூற்றாண்டில்  வெள்ளி  மற்றும் புதன் கோள்கள் 1631  ஆம் ஆண்டில்  சூரிய வட்டைக் கடப்பதைக் காண இயலும் என கெப்ளர் கணித்தறிந்தார். எனினும் 1631-ல் நிகழ்ந்த வெள்ளியின்  சூரியக்  கடப்பு  ஐரோப்பிய நாடுகளில்  புலப்படாத காரணத்தால் யாரும் அதனைக் காணவில்லை. பின்னர் ஜெரேமியா ஹாரக்ஸ்  எனும் இளம் ஆங்கிலேயர் 1639-ல் மீண்டும் ஒரு முறை வெள்ளியின் சூரியக் கடப்பு நிகழும் எனக் கணித்தார். அதனை உடனடியாக உலகிற்குத்தெரிவிக்க இயலாததால்   அவரும்  அவரது நண்பரான  வில்லியம் கிராப்ட்ரீ என்பவரும் மட்டுமே 1639-ல் வெள்ளி யின் சூரியக்கடப்பினைக் கண்ணுற்றனர்.  இதன் மூலம் வெள்ளிக் கோளின் சூரியக் கடப்பினை முதன் முதலில் பார்த்தவர்கள் எனும் வரலாற்றுச் சிறப்பை இவர்கள் பெற்றனர். பின்னர் 1677-ல் புதன் கோளின் சூரியக் கடப்பை எட்மண்ட் ஹாலி  கண்டார்.  இதன்மூலம், வெள்ளிக்கோளின் சூரியக் கடப்பின் உதவி கொண்டு பூமிக்கும் சூரியனுக்கு முள்ள தொலைவைக் கண்டறிய முடியும் என்று உணர்ந்தார். பூமியின்  பல்வேறு பகுதிகளிலிருந்து வெள்ளியின் சூரியக் கடப்பை  ஆய்வு செய்து வெள்ளியின் கோண மாற்றத்தை (Parallax) அளப்பதன் மூலம் வானவியல்  அலகின் அளவைக் கண்டறியும் முறையையும் அவர் வகுத்தார். இதன் பின்னர் 1761, 1769, 1874 மற்றும் 1882ல் நிகழ்ந்த வெள்ளியின் சூரியக் கடப்பின்போது உலகெங்கும் வானவியல் அலகின் அளவைக்காணும் பெரு முயற்சி வானவியலாளர்களின் ஒன்றிணைந்த உழைப்பால் நிகழ்ந்தது..

கருந்துளி விளைவு

வெள்ளியின் சூரியக்கடப்பைப் பயன் படுத்தி வானவியல் அலகைக் கண்டறியும் முயற்சியால் மிகவும் முக்கியமான பகுதி வெள்ளிக்கோள் சூரிய வட்டினுக்குள் முழுமையாகச் சென்றடையும் நேரத்தைக் கண்டறிவதாகும்.  இதனை இரண்டாம் தொடுநிலை   (II  contact) அல்லது (Interior Ingress)  என்பர் .

பூமியிலிருந்து தொலைநோக்கி மூலம் இந்த நிகழ்வை ஆராயும்போது இந்தக் கட்டத்தைக் கடந்து சற்று உட்புறமாக வெள்ளிக்கோள் நகர்ந்த பின்னரும் சூரிய வட்டின் விளிம்புடன் கரிய     இணைப்பு ஒன்று தோன்றி ஒரு கருப் புத்திரவத்துளி போன்ற தோற்றத்தை   உருவாக்கியது.  இதனைக் கருந் துளி விளைவு (black  drop effect) என்பர்.

நாம் காணும் சூரிய வட்டின் ஓரத்திலிருந்து வரும் ஒளிக்கதிர்கள் சூரியனின் வளிமண்டலத்தில் அதிகத்தொலைவு பயணம் செய்வதால் ஏற்படும் சூரிய விளிம்புக் கருமையும்  (limb darkening) பூமியின் வளிமண்டல  மாற்றங்களால் தோன்றும் ஒளிவிலகல் விளைவும் இணைந்து கருந்துளி விளைவைத்தோற்றுவிக் கின்றன.  இந்த விளைவின் காரணமாக சூரிய வட்டினுள் மிகச் சரியாக எந்த நேரத்தில்  வெள்ளிக் கோள் நுழைந்தது என்பதனைக் கண்டறிவதில் பிழை  நேரிட்டது.  இதன் காரணமாக வானவியல் அலகைத் துல்லியமாகக் கண்டறிய முடியவில்லை.  1882-ஆம் ஆண்டு நிகழ்ந்த வெள்ளியின் சூரியக்கடப்பின்போது பெறப்பட்ட தகவல்களைக் கொண்டு சைமன் நியூகோம்ப் என்பவர், வானவியல்  வானவியல் அலகு என்பது 149.59 ± 0.31 மில்லியன்  கிலோ மீட்டர்  எனக்கணித்தார்.

என்றபோதும் சுமார் மூன்று லட்சம் கிலோமீட்டர் அளவுக்கு இந்த அளவில் தவறிருக்க வாய்ப்பு உள்ளதாகக் கருதப்பட்டது.  ரேடார் அலைகளை சூரியனுக்குச்  செலுத்தி, அவை சென்று திரும்பும்  நேரத்தைக் கணித்து தற் காலத்தில் சூரியனின் தொலைவு கணக்கிடப் படுகிறது.  இதன்படி சூரியன் தொலைவு 149, 597, 870.691 ±  0.030 கிலோமீட்டர்   என்று அறியப் பட்டது.  இதில்  வேறுபாடு  30 மீட்டர்  அளவே யிருக்கும் என்பது குறிப்பி டத்தக்கது.  என்ற போதும் ரேடார் தொழில் நுட்பம் இல்லாத அக் காலத்தில்  வெள்ளியின் சூரியக்கடப்பின் மூலம் நம் முன்னோர் கள் சூரியனின் தொலைவைக் கண்டறிந்த  கடும் முயற்சி இணையற்றது.  இன்றும் பள்ளிக் குழந்தை கள்  உதவியுடன் சூரியனின் தொலைவு காணும் முயற்சி 2012 ஆம் ஆண்டின் சூரியக் கடப்பின்போது பல்வேறு நாடுகளில் மேற் கொள்ளப்பட்டு வருகிறது.  இந்நிகழ்ச்சியில் கலந்து கொள்ளும் மாணவர்கள், வெள்ளி, சூரியன், கோள்களின் இயக்கம், கணிதம் போன்ற பல்வேறு  துறைகளில் அனுபவம் பெறுகின்றனர்.

கண்  பாதுகாப்பு

சூரியனை வெறும் கண்களால் பார்ப்பது மிகவும் ஆபத்தானது.  மேலும் எக்காரணத்தைக் கொண்டும், தொலை நோக்கி அல்லது  பைனா குலர் மூலமோ அல்லது எந்த உருப்பெருக்கு கருவியைக் கொண்டோ சூரியனை நேரடியாகப் பார்க்கக் கூடாது .  அப்படிச் செய்தால் கண் பார்வையை இழக்க நேரிடும்.  சூரியனைக் காண எளிய  ஒரு வழி சூரியனின் பிம்பத்தை ஒரு வெண்திரையில் விழச் செய்து பார்ப்பதாகும்.  ஒரு  சிறிய  5 மில்லி மீட்டர் அளவிலான துளையை ஒரு அட்டையில் ஏற்படுத்தி அதன் வழியே ஒரு கண்ணாடியின் உதவி கொண்டு சூரிய ஒளியைப் பாய்ச்சினால் அட்டையின் மறுபக்கத்தில் சற்று தூரத்தில் சூரியனின் பிம்பம் உருவாகும்.  அங்கு ஒரு வெண்ணிற அட்டையைப் பயன்படுத்தி சூரியனின் பிம்பத்தைக் காணலாம்.  இதில் ஒரு சிறு புள்ளிபோல வெள்ளிக்கோள் நகர்வதைக் காணலாம்.

ஒரு சிறிய கண்ணாடியில் சிறு துளையிட்ட அட்டையை ஒட்டி சூரியனின் பிம்பத்தை அந்தத்துளை வழியே ஓர் இருண்ட அறையில் அமைந;த வெண்திரையில் பாய்ச்சியும் காணலாம்.  தொலைநோக்கி அல்லது பைனாகுலரின் வழியே வெளிவரும் சூரியனின் பிம்பத்தைத் திரையில் விழச்செய்தும் காணலாம்.  பற்ற வைப்பவர்கள் பயன்படுத்தும் 14-ம் எண்  (Welders glass shade No.14) ஒளி வடிகட்டி கொண்டும் சூரியனைக் காணலாம்.  எனினும் ஒளிவடிகட்டிகளில் கீறல்களோ, துளைகளோ இல்லை என்பதை உறுதிப்படுத்திக் கொள்ள வேண்டும்.

சென்னை பெரியார் அறிவியல் தொழில் நுட்ப மையம் பி.எம்.பிர்லா கோளரங்கத்தில்  2004 ஜுன் மாதம் 8 ஆம் நாள் பொதுமக்கள் வெள்ளிக் கோளின் சூரியக் கடப்பினைப் பாதுகாப்பாகக் காண தக்க ஏற்பாடுகள் செய்யப்பட்டு 8 தொலைநோக்கிகள் வாயிலாக சூரியனின் பிம்பத்தைத் திரையில் விழச் செய்து பொதுமக்கள் காணும்படி ஏற்பாடு செய்யப்பட்டது.   காலை 10.45 மணி முதல் மாலை 4.51 மணி வரை அதனை பொது மக்கள் கண்டுகளித்தனர்.  இவ்வரிய காட்சியை   சுமார் 11,000 பேர் கண்டு களித்தனர்.

Pin It

நான்மணிக்கடிகை என்பது ஏறத்தாழ 2000 ஆண்டுகளுக்கு முன்பு எழுதப்பட்ட சிறந்த நூல். இதிலுள்ள ஆறாம் பாடல் நல்ல கருத்தைச் சொல்கிறது. கள்ளிச் செடியின் வயிற்றில் உயர்ந்த பொருளான அகில் தோன்றும். மான் வயிற்றில் மணம் வீசக்கூடிய அரி தாரம் பிறக்கும். கடலிலுள்ள சிப்பியில் ஒளி முத்து உருவாகும். இப்படி, சாதாரண உயிரினங் களில் புகழ் மிகுந்த - உயர்வுடைய - பொருள் கள் பிறக்கும். ஆகவே, மிகச் சிறந்த மனிதர் எங்கே தோன்றுவார் என்பதை யார் அறிவார்? என்று அந்தப் பாடல் அழகாக அறிவிக்கின்றது. இங்கே கூறப்பட்ட அரிதாரம், இன்று கஸ்தூரி என்று சொல்லப்படுகிறது. இது மானின் வயிற்றில் இருந்து கிடைக்கிறது என்பதை, இரண்டா யிரம் ஆண்டுகளுக்கு முன்பே, தமிழர்கள் அறிந்திருந்தார்கள்.

இந்தக் கஸ்தூரி தரும் மானைப் பற்றி வடபுல இராமாயணம் குறிப்பிடுகிறது. காட்டில் இராமனுடன் இருந்த சீதையைக் கவர்வதற்கு இராவணன் விரும்பினான். அவன் மாரிசனை அழைத்தான். மான் வடிவம் கொண்டு சீதையின் முன்னால் செல்லும்படி சொன்னான். மாரீசன் அப்படியே செய்தான். அவன் மேற்கொண்ட உருவம் கஸ்தூரி மான் என்று அந்த நூல் அறி விக்கின்றது.

இயற்கையின் படைப்புகளில் மானும், மயிலும் அழகின் சிகரங்கள். புள்ளி மான்,  கலைமான், கடமை மான் முதலிய பலவகை மான்கள் காடுகளில் உலவுகின்றன. கஸ்தூரி மானும் குடும்பத்திற்கு உரியது. இது உருவில் சிறியது.  இதன் உயரம் 50 செமீ அளவு இருக்கும். இதன் எடை ஏழேகால் கிலோ. இதன் தலை சிறியதாய் இருக்கும். இதன் உடல் பகுதி பெரியதாய்த் தோன்றும். இதன் உடல் அமைப்பு ஏறத்தாழ முயலைப்போன்றிருக்கும். இதன் தலை வலிமை குறைந்தது. இதன் வாய் வினோதமானது. இதன் உடலில் உள்ள நீண்ட மயிருக்குள் அது அடங்கி இருக்கும். இதன் காது நீள் வட்ட வடிவில் இருக் கும். இதன் உடலில் மயிர் அடர்ந்திருக் கும். அது பழுப்பு நிறமாக அமைந் திருக்கும். இந்த மான் நீண்ட ஓய்வுக்குப் பின்பு தன் உடலைக் குலுக்கும். அப்போது அதன் உடலிலிருந்து மயிர் உதிரும். பொதுவாக மானின் உடலில் கொம்புகள் உண்டு. ஆனால், கஸ்தூரி மானின் தலை யில் கொம்பு வளர்வதில்லை. காட்டு மானின் தலைப்பகுதியில் முகச் சுரப்பு உண்டு. அப்படிப்பட்ட முகச்சுரப்பு கஸ்தூரி மானிடம் இல்லை. ஆனால் மற்ற வகை மான்களிடம் இல்லாத பித்தப் பையை இது பெற்றுள்ளது. தற்காப்புக்காக மான், கொம்பைப் பயன் படுத்தும். கொம்பு இல்லாத கஸ்தூரி மான், அதற்குப் பதிலாகக் கூர்மையான கோரைப் பற்களைப் பெற்றுள்ளது. இந்தப் பற்களே இதற்கு ஆயுதமாகப் பயன்படுகின்றது. எல்லா மானின் வயிற்றிலும் நான்கு உள் பிரிவுகள் உள்ளன. கஸ்தூரி மானின் வயிற்றிலும், இத்த கைய நான்கு உள்பிரிவுகளும் உள்ளன. இந்த வயிற்றமைப்புக் காரணமாகவும் முகத்தோற்றம் காரணமாகவும் இது மான் குடும்பத்தில் சேர்க்கப் பட்டுள்ளது. மற்ற வகை மான்களைப் போலவே, இது, வயிற்றிலுள்ள புல் உணவை, வாய்க்குக் கொண்டு வருகிறது. அசை போடுகிறது. இது மலைப் பாங்கான பகுதியில் வாழ்கிறது. அதற்கு ஏற்றபடி இது கால்களைப் பெற்றுள்ளது. இதன் காலிலுள்ள குளம்புகள் வலிமையானவை. கூர்மையானவை. வழுக்குப் பாறைகள் - பனி படர்ந்த பெருங்கற்கள் - ஆகியவற்றின்  மேல் ஏறுவதற்கு ஏற்றபடி இதன் கால்களில் குளம்பு கள் அமைந்துள்ளன.

ஆண்சிங்கம் பிடரி மயிரைப் பெற் றுள்ளது. ஆண் யானை வலிமையும், நீளமும் உடைய தந்தங்களைக் கொண்டுள்ளது. ஆண் மயில் நீளமான அழகிய தோகையுடன் விளங்கு கிறது. இவற்றைப் போலவே, ஆண் கஸ்தூரி மானும் தனிச் சிறப்பு ஒன்றைப் பெற்றுள்ளது. அதனுடைய வயிற்றின் அடிப் பாகத்தில் ஒரு பை உறுப்பு உள்ளது. அதில் சுரப்பி ஒன்று இருக்கிறது. இந்தச் சுரப்பி வாசனை நீர்ப் பொருளைச் சுரக்கிறது. அதுவே கஸ்தூரி யாகும். இந்தக் கஸ்தூரியைச் சுரப்பதால், இது கஸ்தூரி மான் என்ற  பெயரைப் பெற்றது.

கஸ்தூரி என்பது என்ன? இது நறு மணம் வீசும் பொருள். இது சிவப்பும், பழுப்பும் கலந்த நிறம் கொண்டது. மனிதர்கள்  கஸ்தூரி மானைக் கொல்வார்கள். கஸ்துரி சுரப்பியைத் தனியாகப் பிரித்தெடுப்பார் கள்.  அதை உலர வைப்பார்கள். இதிலிருந்த நீர்ப்பொருள், சிறு சிறு மணல் போன்ற வடிவம் பெறும். இவற்றைக் கொண்டு வாசனைத் திரவியம் தயாரிப் பார்கள். இது மேலும் பலவிதங்களில் பயன்படுகிறது. தமிழகத்தில், இது சன்னி பாதாதிகேச ரோகங் களுக்குத் தயாரிக்கப்படும் மருந்தில் பயன் படுத்தப்படுவதாக அபிதான சிந்தாமணி என்ற தமிழ்க் கலைக்களஞ்சியம் கூறுகிறது. பாம்புக் கடி நஞ்சைப் போக்கும் மருந்து தயாரிப்பதிலும்  இதன் பங்கு உள்ளது. கஸ்தூரி மாத்திரை என்ற சித்த மருத்துவ மருந்துகளில் இதன் பெயர் இடம் பெற்றுள்ளது. கஸ்தூரிப் பொருளில் ஐந்து வகை உள்ளன என்றும், அவை, கரிகை, திலகை, குளுந்தை, பிண்டகை, நாயகை என்றும் தமிழ் லெக்சிகன் அகராதி அறிவிக் கின்றது.

கஸ்தூரி மான்கள் இமயமலைப் பகுதி யிலும், கிழக்கு ஆசிய நாடுகளிலும் வாழ்கின்றன. மான்கள் சமுதாய உணர்வு டையவை. வானில் தவழும் மேகக்கூட்டத்தைப் போல் சேர்ந்து வாழும் இயல்புடையவை. ஆனால், கஸ்தூரி மான்கள் தனியாக இருக்கும் நிலா போன்றவை.  இவை கூட்டமாகச் சேர்ந்து வாழ்வதில்லை. சில சமயம், ஆண் கஸ்தூரி மான், தன் துணை குட்டியுடன் ஒன்றாக இருப்பதும் உண்டு.

கஸ்தூரி மான்கள் மலைப் பாறைகள் மேல் தாவிச் செல்லக்கூடியவை. சாய்வான மரத்தின் மீதும் ஏறி நடக்கக்கூடியவை. இவை புல் தின்னும். தழையையும் மெல்லும். குருத்தைக் கடித்துண்ணும். வேர்களையும் உணவாகக் கொள்ளும். அவசரமாகத் தின்ற தீனியை அசை போடும். சிறுத்தை, தன் வாழிடப் பரப்பை வரையறுத்துக்கொள்ளும். அதைப் போலவே, ஆண் கஸ்தூரி மானும் தான் வாழும் இட அளவை வகுத்துக் கொள்ளும். தன் உடலின் சுரப்பி ஒன்று வெளிப்படுத்தும் நீர்ப்பொருளை வாழிட எல்லையிலுள்ள பாறை, செடியின் கிளை முதலியவற்றில் தடவி வைக்கும். இதன் மூலம் மற்ற மான்களுக்குத் தனக்குரிய இடத்தை அறிவிக்கும்.

மலை ஆடுகள், மலைப்பாங்கான இடத்தில் வாழும். சில சமயம் மனத்தை உலுக்கும் சத்தம் அங்கு எதிரொலிக்கும். வலிமை கொண்ட இரண்டு ஆண் ஆடுகள் தங்கள் தலைகளை மோதிச் சண்டை போடுவதன் விளைவாக அந்தப் பேரொலி அந்தப் பகுதியில் எதிரொலிக்கும். பெண் ஆட்டுடன் இணைவதற்காக அப்போராட்டம் நடக்கும். இப்படிப்பட்ட மோதல் சண்டை ஆண் கஸ்தூரி மான்களிடமும் உண்டு. இவற்றுக்குக் கொம்பு இல்லை. ஆனாலும் கடுமையான போட்டி உண்டு. இவை தம் கோரைப்பற்களை  ஆயுதமாகப் பயன் படுத்தும். ஆண் கஸ்தூரி மான்கள் கழுத்தை வளைக்கும். எதிரியின் கழுத்தில் தம் கூர்மை யான - நீளமான - கோரைப் பற்களை ஊன்றிப் புண் ஏற்படுத்தப் பெரு முயற்சி செய்யும். ஆழ மிகுதி காரணமாக இரத்தம் வரும். வலி தாங்க முடியாத ஆண் மான் தோல்வியை ஒப்புக் கொள்ளும். ஒதுங்கிச் செல்லும். இப்படிப்பட்ட போராட் டம் காரணமாகப் பல ஆண் கஸ்துரிமான் களின் கழுத்தில் வடுக்கள் காணப்படும். சில சயமம் கழுத்தில் ஏற்பட்ட பெரிய புண்ணின் விளைவாக ஆண் மான் இறந்து விடுவதும் உண்டு.

பெண் கஸ்தூரி மானின் வயிற்றில் கரு ஐந்து மாதங்கள் வரை வளரும். பின்பு அது ஒரு குட்டி போடும். சில சமயம் அது இரண்டு குட்டிகளை ஈனுவதும் உண்டு. தாய் மான், குட்டியைப் பாறைச் சந்தில் மறைத்து வைக்கும். அது உணவு தேடப் போகும். குறிப்பிட்ட நேரத்தில் அது குட்டி இருக்குமிடத்திற்கு வரும். அதற்குப் பால் ஊட்டும். நான்கு வாரங்கள் சென்ற பிறகு குட்டி மான் நடக்கும் ஆற்றலைப் பெறும். பின்பு அது தாயைப் பின்தொடரும். ஓராண்டு வரை அது தாயின் பாதுகாப்பில் இருக்கும். அது முழு வளர்ச்சி பெறும். அதற்குப் பிறகு தாயிடமிருந்து பிரியும். தன் வாழ்க் கையை அமைத்துக்கொள்ளும்.

கஸ்தூரி மானுக்கு இயற்கையான பகை விலங்குகள் உண்டு. நரி முதலியவை அதை வேட்டை ஆடும். ஆனால், மனிதன் தான் அதன் கொடிய பகைவன். கஸ்தூரிக்காக அவன், அந்த அழகிய மானை அழிக்கிறான். அநியாயமாகக் கொல்கிறான்.

கஸ்தூரி வாசனைப் பொருளைத் தரும் மற்றொரு விலங்கு கஸ்தூரி மாடு. கிரீன்லாந்து, கனடாவின் வட பகுதி முதலிய பனிபடர்ந்த இடங்களில் இது வாழ்கிறது. இது நான்கடி உயரம் இருக்கும். இதன் உடலில் மிகவும் அடர்த்தியான மயிர் உள்ளது. அம்மயிருக்கு அடிப்புறத்தில் மென்மையான மயிர் உள்ளது. கோடைக் காலத்தில், குளிர் தாங்கும் போர்வை போன்ற இந்த மென்மையான மயிர், கஸ்தூரி மானுக்குத் தேவைப்படாது. ஆகவே, அது அந்த மென்மையான  மயிர்களை உதிர்த்து விடும். அப்பகுதியில் வாழும் மக்கள் அதைத் திரட்டு வார்கள். ஆடையாக நெய்து விடுவார்கள். கஸ்தூரி மாட்டின் முகம் அச்சமூட்டுவதாக இருக்கும். அமெரிக்க நாட்டின் பைசன் என்ற காட் டெருமையின் முகத்தை நினைவூட்டுவ தாக  இருக்கும். இதன் கண்களில் முரட்டுத் தனம் பொங்கும். இதற்குச் சிறிய கொம்புகள் உண்டு. அது சற்று முன்னோக்கி வளைந் திருக்கும். மனிதர் சிலரின் முகத்தில் முடுக்கி விடப்பட்ட மீசை வீரத்தை வெளிக்காட்டும் சின்னம் போல் காணப்படுவதுண்டு. கஸ்துரி மாட்டின் வளைந்த கூர்மையான கொம்புகள், அந்த மீசைகளைப் போன்று தோன்றும்.  இந்த மாட்டின் சிறிய கொம்புகள் பகை உயிரிக்கு அச்சமூட்டும்.

இந்தக் கஸ்தூரி மாடு கடுங்குளிரையும் தாங்கக்கூடியது. ஒரு டிகிரி பாரன் ஹீட்டுக் கும் கீழாக கழித்தல் நாற்பது டிகிரி (-400 ) குளிரிலும்   இது உயிர் வாழும். பனிப்புயலை யும் எதிர் கொள்ளும். அப்போது இது, பனிக் கட்டித் தரையில் படுத் துக்கொள்ளும். கஸ்தூரி மானைப் போல் இது தனித்து வாழாது. காட்டு மானைப் போல் கூட்டமாக வாழும். துரத்தும் சிறுத்தையைக் கண்டு, காட்டு மான்கள் உயிர் தப்புவதற்காகப் பாயும். தாவி ஓடும்.ஆனால், கஸ்தூரி மாடு அப்படிப்பட்டது அல்ல. பகை உயிரி வருவ தைக் கண்ட தும்  ஒன்று கூடும். அரை வட்டக் கோட்டின் அமைப்பில், பகை உயிரின் முன்னால் நெருக்க மாக இருக்கும்.  தாக்கப் போகும் நிலையில் தலை தாழ்த்தி நிற்கும். பகை உயிரியை முறைக்கும். இதைக் கண்ட பகை உயிரி பின் வாங்கும். அஞ்சி ஓடும்;  சில சமயம், அரை வட்ட அமைப்பிலுள்ள ஒரு கஸ்தூரி மாடு, பகை உயிரியை நோக்கி முன்னேறும். உருமு வது போன்று முழங்கும். இந்நிலையில் கண்ணிற்குக் கீழிருக்கும் சுரப்பி ஒன்றை பின்னங்காலால் உரசும். அதிலிருந்து நீர்ப் பொருள் வெளிவரும். அது கீழே தரையில் விழும். அது ஒருவித வாசனை கொண்ட நீர்ப் பொருள். பூமியில் விழுந்த அது ஒரு குறிப் பைப் பகை உயிருக்கு உணர்த்தும். ‘இது எங்கள் இடம். இங்கே நீ வராதே’ என்று மறை முகமாகக் கஸ்தூரி மாட்டின் கருத்தை அறிவிக் கும். அந்த எச்சரிக்கைக் குறிப்பைப் புரிந்து கொண்ட பகை விலங்கு பின் வாங்கிச் சென்று விடும்.

பெண் கஸ்தூரி மாடு ஒரு கன்று ஈனும். இது தன் கன்றின் மேல் முழுக் கவனம் செலுத்து வதில்லை. வீட்டுப் பசு, தன் கன்றை அக்கறை யோடு காப்பாற்றும். ஆனால், கஸ்தூரி மாடு ஓடும்போது, தன் கன்று தன்னைப் பின்பற்றி வருகிறதா என்று கூட கவனிப்பதில்லை. இதன் விளைவாகக் கன்று தாயை விட்டுப் பிரிந்து விடும். அது பால்குடிக்கும் வாய்ப்பைப் பெறாமல் இறக்கும். அல்லது பனிப்படல நரி அதைக் கொன்று தின்றுவிடும். இந்தக் கஸ்தூரி மாடு முன்பு வட அமெரிக்காவில் கூட்டம் கூட்டமாக வாழ்ந்து வந்தது. பேராசை கொண்ட மனிதன் , இந்த மாடுகளை அழித்துவிட்டான். இன்று அங்கு ஒரு கஸ்தூரி மாடு கூட இல்லை. சில நல்லவர்கள் உலகின் வட பகுதியில் ஒரு சில கஸ்தூரி மாடுகளைக் கண்டார்கள். அவற்றைக் கொண்டு வந்தார்கள். ஸ்கேண்டினேவியா, இரஷ்யாவின் வடக்குப் பகுதி ஆகிய இடங்களில் அவற்றை விட்டார்கள். அந்தப் புகலிடங் களில் அவை பாதுகாப்புடன் வாழ்கின்றன.

கஸ்தூரி போன்ற வாசனைப் பொருள் கொண்ட வேறு சில உயிரினங்களும் உள்ளன. கஸ்தூரி வாத்து என்பது அவற்றில் ஒன்று. இது அமெரிக்காவிலும், ஆஸ்திரேலியாவிலும் வாழ்கிறது. எனவே, அந்தக் கண்டங்களின் பெயரால் அழைக்கப்படுகிறது. கஸ்தூரிப் பூனை என்பது மற்றொரு விலங்கு. இதுவும் அமெரிக்காவில் உள்ளது. ஒரு வேளை இது தமிழ்நாட்டின் புனுகுப்பூனை போன்ற விலங்காக இருக்கலாம். கஸ்தூரி எலி என்று கூட ஓர் உயிரி உள்ளது. இது வும் அமெரிக்காவில் உள்ளது. இதன் உடம்பிலிருந்து ரோஜாப் பூவின் வாசனை வெளிப்படுகிறது.

தமிழ்நாட்டில், மரம், செடி இனத்தில் கஸ்தூரி என்ற அடைமொழி சேர்க்கப்பட்டு வழங்கப்படுகிறது. கஸ்தூரி எலுமிச்சை என்று ஒரு மரம் சொல்லப்படுகிறது. இது சீனக் கொளுஞ்சி என்று அகராதி அறிவிக்கிறது. கஸ்தூரி மல்லிகை என்பது ‘நறுமணம்’ வீசும் பூவாகும். கஸ்தூரி மஞ்சள் என் றும் இங்கே சொல்லப்படு கிறது. கஸ்தூரி மரம் என்று ஐரோப்பாவில் ஒரு வகை மரம் உள்ளது.

Pin It

உட்பிரிவுகள்