Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

தமிழ்த் தேசிய‌த் தமிழர் கண்ணோட்டம்

(குழந்தைகளைக் கொஞ்ச ஒரு தமிழக் கொஞ்சுமொழி)

உறைந்து கிடந்த உள்ளத்தை

நெருப்பின்றிச்

சிரிப்பெடுத்து உருக்குகிறாய்.

மெல்லக் கரைகிறேன் நான்.

சின்ன விரல்கொண்டு

சீராய் எனை வார்த்து

முன்னர் நிலை செய்தாய்.

அதனால் இன்று

உன்னைப் பாடுவேன்.

குமரிமக்கள் வாழ்வியலே

கொடுந்தமிழின் பேரறமே

குறள்பிறந்த பேரறிவே

புறத்தின் பொருட்செறிவே

அன்பின் அகப்பாட்டே

ஐம்பெருங் காப்பியமே

பதிணெண் கீழ்க்கணக்கே

பழகுதமிழ்ப் பத்துப்பாட்டே

உறையூர் மென்துகிலே

மறைமலைத் தனிமொழியே

பாண்டிய நன்முத்தே

பாவாணர்த் தமிழ்ச்சொல்லே

சேரமான் குறுமிளகே பெருஞ்

சித்திரனார்ப் பாவீச்சே

கீழடியின் நன்மணியே

கிஆபெ குறள்விரிவே

தென்மொழித் திரவியமே

சிந்துத் தமிழறிவே

சுமேரியச் சொற்கூட்டே

சொல்பிறந்த நல்லுலகே

மயக்கும் பறையலியே

மாண்புறு தமிழிசையே

பண்ணே பழந்தமிழே - இன்று

உன்னைப் பாடிடுவேன்.

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh