ஞாயிற்றுக்கிழமைச் சந்தை

உள்ளாடை வெளியாடை
உடம்புக்கும் வீட்டுக்கும்
உபயோக மற்றும் அலங்காரப் பொருட்கள்
செல்போன் லேப்டாப்
வாகன உதிரிப்பாகங்கள்
மருத்துவ உபகரணங்கள்
புத்தகங்கள்...
பழைய புதிய
ஏற்றுமதி இறக்குமதி என
சகலவிதமும் நடைபாதையில்

முன்பு ஒருமுறை சக்கர நாற்காலிகளைக்கூட
பழைய பொருட்கள் கடையில்
விற்பதைப் பார்த்தேன்

சமீபகாலமாக நிறைய இடங்களில் காணமுடிகிறது
உடல் தலையற்ற பெரிய பெரிய
பொம்மைக் கால்களையும் கைகளையும்

முழுதாய்க் கிடைத்தால் எனக்கும் ஒன்று
விளையாட வாங்கித் தருகிறாயா என்கிறாள்
என் மகள்

ஏதேனும் ஒரு திசையில்
குண்டுகள் வெடிக்கும்போதெல்லாம்
என் உடம்பின் ஏதோவொரு பாகம்
ஊனமடைகிறது.


- மாலதி மைத்ரி இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.