வீதியில் அலையும்
கனவெதையும்
வேடிக்கைப் பார்த்ததுண்டா?
வேகம் மின்னவும்...
வேதனைச் சொட்டவும்....
தாகம் பருகவும்...
தாபம் உண்ணவும்....
பளபளக்கும் அந்தப் பார்வையில்
நாளையை உடுத்தும் ஆர்வம்.
புதிய திசைகளை
பிரசவிக்கத்துடிக்கும்
அந்தப் பாதங்களில்
விலக்கப்பட்ட தீப்பொறி.
யுகம் சமைக்கும் சில.
சுயம் எரிக்கும் சில.
வழிமறித்து அவற்றை
விசாரித்துப் பார்த்தால்
ஒருவேளை கிடைக்கலாம்
நம் பழைய விலாசங்கள்.

- இப்னு ஹம்துன் இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.