இளம்பச்சை பூக்களும் மஞ்சள் வண்ணத்துப் பூச்சிகளும்!

எதிர்வீட்டுச் சிறுமியின் 
வெளிர்நீல பிராக்கில்
 
இளம்பச்சை பூக்களும் 
மஞ்சள் நிற வண்ணத்துப் பூச்சிகளும்
ஈரம் சொட்ட காய்கின்றன
மாடிக் கொடியில்
 
ஸ்கூலிலிருந்து 
வீடு திரும்பியதும்
டியூஷன் கிளம்பிவிடுவார்கள்
 
சிறுமியும்
இளம்பச்சை பூக்களும்
கூடவே
மஞ்சள் வண்ணத்துப் பூச்சிகளும்!
 
*****
 -இளங்கோ (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)