ஒரு தேதி
போதுமானது.
கொடியவாயில் குருதிவழிகிற
மிருகமொன்று
வெறிநடனம் ஆடிக்களிக்க
ஒரு தேதி
போதுமானது.
உயிரோடிருக்கிற உடல்கள் மீது
அத்தனை வாஞ்சையோடு
கொலைத்தோட்டாக்களைப்
பதியனிடுவதற்கு
ஒரு தேதி
போதுமானது
இன்னது நேர்கிறதென்று
அறிந்துகொள்ளுமுன்
உயிரைவிடுகிற
கூட்டத்தைத் தேர்வுசெய்வதற்கு
ஒரு தேதி
போதுமானது
ஒரு சாலைச்சகதியை
ரத்தக்களறியாய்
நம்பகத்தோடு
குழைத்துவைப்பதற்கு
ஒரு தேதி
போதுமானது
அடுத்த தினங்களில்
சில வீடுகளை
சில கூட்டங்களை
சில குழுக்களை
ஓய்விலாது ஒப்பாரியிட வைப்பதற்கு
ஒரு தேதி
போதுமானது
ஒரு அரசாங்கத்தின்
அணிவிக்கப்பட்ட
அதிகாரத்தை
நெகிழ்ந்து இளைத்த
சாமானியர்களின் மீது
ரவைதுப்பி அழிப்பதற்கு
ஒரு தேதி
போதுமானது
இன்னுமொரு தேதி
வரும்
என்கிறதைச்
சொல்லாமற்சொல்லி
வைப்பதற்கு.
ஒரு தேதி
போதுமானது
எடுத்துக்கொண்ட உயிர்களுக்குப்
பரிசாக
பணத்தாட்களை
பிண்டம் செய்து
வாயிலடைப்பதற்கு
ஒரு தேதி
போதுமானது
ஒரு அரசாங்கம்
எத்தனை
அன்பானது
என்பதை
நிறுவி மகிழ்வதற்கு.
சாலச்சுகம்
கீற்றில் தேட...
தொடர்புடைய படைப்புகள்
அண்மைப் படைப்புகள்
- விரக்தியின் விளிம்பில் மோடி...!
- வீரவணக்கம்
- அரசியல் மாண்புக்கு இழுக்கு
- திராவிட இயக்கத் தமிழர் பேரவை வழங்கும் கருஞ்சட்டை விருதுகள்
- இரண்டு மகாநாடுகள்
- கருஞ்சட்டைத் தமிழர் மே 18, 2024 இதழ் மின்னூல் வடிவில்...
- கலகம் செய்யும் கலைஞர் டி.எம்.கிருஷ்ணா
- 11வது புதுச்சேரி சர்வதேச ஆவணப்பட குறும்பட திருவிழா
- The Man Who Sold His Skin - துனிசியா நாட்டு படம்
- ஏழைக்குழந்தைகள் படும் பாடும் அதிக பட்ச வன்முறை உலகமும்
- விவரங்கள்
- ஆத்மார்த்தி
- பிரிவு: கவிதைகள்
RSS feed for comments to this post