[9]
நீல வெளியிலாடுகிறாள்
அதரங்கள் குலுங்க
வொரு மாய விளையாட்டு
தொடர்பெல்லைக்குள்
ஆட்ட விதிகளைப் பருகிக் கொண்டிருக்கிறது
கருந்திராட்சைப் பெட்டி
[8]
சேமித்த எண்களை
பூஜ்ஜியத்திலிருந்து வீசுகிறாள்
சிட்டுக்குருவிகளுக்கான
சதுரவானம்
சொற்பருந்துகளுக்கானதாகிறது.
[6]
சொற்களில் சாய்ந்தபடி
அவ் யுவதி
எண்களாய்ப் புனைகிறாள்
யாவரையும்
அகர வரிசையில் அடங்குகிறோம்
யாவரும்
[5]
புரியாத எண்களுக்கான
லிபியன்றைத் திறக்கிறாள்
நிருத்தங்களில் துளிர்க்கின்றன
பக்கங்கள் தோறும்
காதுகள்
[7]
துளியிரவாய் தொங்கும்
அச்செவ்வக வெளவால்
பகலினையுண்டு
எண் புழுக்கைகளாய் கிடத்துகின்றன
கனிகின்றன அவள் சொற்கள்
[6]
ஒலிவலையில் சிலந்தியானவள்
சாறுருஞ்சிய
புன்னகையின் இருமருங்கிலும்
நிழல் வீசுகின்றன
சினேக விருட்சங்கள்
[2]
அவசரமாய் நெய்து முடிக்கிறாள்
சிலநேரம்
குறுஞ்செய்தியன்றை
தொடர்பெல்லைக்கு வெளியே
பூக்கும் சொற்கள்
நிர்வாணம் துறக்கிறது
[0]
'ரிங்டோன்' அற்ற உலகில்
வோர் நாள்
அவள் மரணம் செப்பனிடப்படுவதாய்
திடுக்கிடும் துர்கண்களை
பெயர்த்துகிறாள்
இமைகளறுகின்றன இரவுகள்
[1]
'சுவிட்ச் ஆப்' செய்யப்படாத
அவள் காலை
அலைபேசிக் கோபுர
பின்னணியில் நீந்த
சுடர்கின்றன எண்கள்
[0]
மீண்டும்
விளையாடத் துவங்...
- பொ.செந்திலரசு
