என் கதவுகளை உடைத்து
உன்னை நோக்கி
என்னில் அடைத்து வைத்திருக்கும்
உன் சித்திர கலவைகள் சிதறுகிறதே
சேகரித்தாயா?

என் வறண்ட பாலைவனத்தில்
உன் காதல் நீருக்காய்
அலைபாய்ந்த என் ஆசைகளை
பிச்சைக்கார குரலின் நிராகரிப்பாய்
நீ தூக்கி ஏறிந்த நிமிடங்களை
என் கடிகாரத்தில் நான்
காணவேயில்லை.
கண்டாயா?

என்
இதயம் முழுவதும் உன் பெயர் நிரப்பியிருந்தும்
இது ஒரு விபத்தென்றே என்னால்
பொய் சொல்ல முடிகிறது
என்ன செய்வது....
எரிந்த நிலையிலும் என்னால் உன்னை
வெறுக்க முடியவில்லை!

- பாஷா (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)