வீட்டை இடித்து விட்டார்கள்
ஒவ்வொரு எலும்பாய் பிரித்தெடுத்துவிட்டார்கள்
சதையை அறுத்து
மாமிசத் துணுக்குகளாய் கொத்திவிட்டார்கள்
இதயத்தைப் பிடுங்கி எறிந்துவிட்டார்கள்
இனி அந்த வீட்டை
உயிர்தெழுப்ப முடியாது
அதே போலொரு வீடு
அந்த வீடாகாது
இடிக்கப்பட்ட ஒவ்வொரு வீடும்
தலைமுறைகளின் வாசனையைக் கொண்டிருக்கிறது
ஞாபகங்களாய் விரிந்திருக்கிறது
ஒரே வீட்டிலிருந்த
ஒவ்வொரு மனிதனின் நினைவும்
ஒரே மாதிரியல்ல
தினம் தோறும்
நினைவுகளால் வெள்ளையடிக்கப்படுவது வீடு
- கோசின்ரா