பொய் குறிகள்

குறிகளை சிலர்
குறிக்கோளுடன்
அணுகுவர்

பலரின் குறிகள்
பக்தர்களையே
பதம் பார்க்கும்

குறிவைத்து தாக்கப்படும்
சமூகங்களோ இன்னும்
தங்கள் குறிகளை
தயாரிக்கவேயில்லை

குறிகளுக்கும்
இலக்குகளுக்குமிடையே
வாழ்க்கை
குறிக்கப்படுகிறது

எத்தனைமுறை
ஏமாற்றப்பட்டும்
ஓட்டுக்குறி
ஒழுங்கமைவதேயில்லை

குறிவித்தியாசப்படுகிறது
இனத்திற்கினம்
நீளமாக; ஆழமாக

எல்லாகுறிகளும்
அடுத்தவர்
விடுதலைக்கே ஊறுவிளைவிப்பதால்

நிறைவேறாமல்தான்
போய்விடுகின்றன
பாசிசப் பொய்க்குறிகள் 

- கவிமதி, துபாய் இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.