அவ்வாறாய் அதனைக் கீழ்மையென்பாய்..

அதை ஒரு தந்திரமென்றான்
மறுப்பதற்கில்லை
என்ன செய்யலாம்

ஏற்புடைய
மற்றுமொரு தந்திரத்தை
எடுத்து நீட்டினேன்

மிகக் கீழ்மையான
தந்திரமென்றான்

மனப்பிறழ்வின் அகக்கிடங்கிலிருந்து
ஒன்றைக் கண்டெடுத்தேன்
ஏற்றுக்கொள்

இது குரூரமானது என்றான்
கீழ்மையே மேல் என்றான்

சிரிக்கும் சாத்தானின் பாதம் தொட்டு
குரூரத்தை முத்தமிட்டு நீட்டினேன்
தந்திரம் புனிதமடைந்தது

*****
-- இளங்கோ ( இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)