தேவதைகளைக் கொண்டாடுவதொன்றும்
பெரிய விஷயமேயில்லை
பிசாசுகளை மதித்து நடத்துவதுதான்
அரிய காரியமே
0
தேவதைகளுக்குக் கட்டுப்படுவதென்ன
ஆச்சரியம்
பிசாசுகளின் சொல்பேச்சுக் கேட்பதுதான்
அதிசயம்.
0
தேவதைகளை நேசிப்பது
சர்வசாதாரணம்
பிசாசுகளிடம் பிரியமாயிருப்பதே
அபூர்வம்
0
தேவதைகளை மறந்துபோனால்
தப்பில்லை
பிசாசுகளை மன்னிக்காதிருந்தால்
தவறுக்கும் தவறான தவறு
0
தேவதைகளை வழிபடுவது
சகஜம்
பிசாசுகளை வாழ்த்துவதுதான்
சிலாக்யம்
0
ஆனால் ஒன்று
எந்த நேரமும்
பிசாசுகள்
தேவதைகளாக வடிவெடுக்கலாம்
அதே போல தேவதைகளும்கூட
பிசாசுகளாக
உருமாறலாம்
ஏனெனில் எல்லாமே
ஒரு நூலிழையில்தான்
இருந்து வருகிறது பாப்பா.