 |
கட்டுரை
ஆசை
பிச்சினிக்காடு இளங்கோ(சிங்கப்பூர்)
அது வெகுநாட்களாய்
நிறைவேறாமல் இருக்கிறது
ஒவ்வொருமுறையும்
அதை
ஒதுக்கிவைத்துப் பார்க்க
ஆசைப்படுகிறேன்
அடுத்தமுறையில் என்று
சமாதானம் கூறிக்கொண்டு
சவாரி செய்துவிடுகிறேன்
நிழலை நிஜமாக்கிவிடுகிறது
நிஜம் நிழலாகிவிடுகிறது
முழுமையாய் அதை இன்னும்
முறைப்படுத்திக்கொள்ளவில்லை
அந்த நதியைத்தாண்டாமல்
ஆயிரம் நிகழ்ந்துமென்ன?
எதிர்பார்ப்புகளால் நிறைந்த
குடத்தைக் காலிசெய்வதாகவே
என் வேள்வி நீள்கிறது
வேள்வியின் விளிம்பில்
அது என்னை வரவேற்கலாம்!
அந்தத் தளத்தில்
நான்
அடியெடுத்து வைக்கலாம்!
அங்கிருந்து என்
பரிசுத்த தாகம் தீர்க்கப்படலாம்
அதற்கானப் பயணம்
நிகழலாம்
அதுவரை
அதனுடன்
ஊடும் பாவுமாக
உலாத்தலைத்தான் மகுடச்சொற்களால்
முடிசூட்டிக்கொள்கிறேன்
- பிச்சினிக்காடு இளங்கோ ([email protected])
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
|
|
|
