![](../../images/blank.gif) |
கவிதை
ஏற்புடையதாய்...
செல்வராஜ் ஜெகதீசன், அபுதாபி
வெகு நேரமாய்
விவாதித்துக்
கொண்டிருக்கும்
வெள்ளைக்கார
நண்பா..
ஒருவேளை
சோறில்லை என்றால்
ஒருமாதிரி ஆகிப்
போகிறது எனக்கு.
பச்சைக் காய்கறி
பழங்களோடு
பம்பரமாய்
சுழல்கிறாய் நீ.
இல்லை என்று
சொல்வதற்கு
இருமுறையாவது
யோசிக்கிறேன் நான்.
சட்டென்று நோ
சொல்கிறாய்
சாம பேதம்
பார்க்காமல்.
ஆயினும்
இங்கொன்றும்
அங்கொன்றுமாய்
இரண்டு
மனைவியென்றும்
இன்னொன்றுக்கான
முனைப்பில்
இருப்பதாய்
சொன்ன உன்
எகத்தாள சிரிப்பு
ஒன்றும்
ஏற்புடையதாய்
இல்லை எனக்கு.
- செல்வராஜ் ஜெகதீசன், அபுதாபி ([email protected])
இவரது மற்ற படைப்புகளைக் காண இங்கே அழுத்தவும்
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
|
![](../../images/blank.gif) |
|