அரசியலின் முதல் பலி உண்மை. யாரை நம்புவது? மெத்தப் படித்தவர். டெல்லியிலும் வேட்டி கட்டி தனது தமிழ்ப் பண்பாட்டைக் கட்டிக்காப்பவர். தமிழ்ப் பண்பாட்டின் முதன்மையான அங்கம் உண்மை ஆயிற்றே! அது தெரியாதா இவருக்கு?

சொந்த தொழிலில்லாமல் அரசியலில் ஈடுபட்டால் நேர்மையாக இருக்க முடியாது என்று, காமராசர் ஆட்சியைப்பற்றிப் பேசும்போது, இவரிடம் கொஞ்சம் நேர்மை இருக்கும் என்றிருந்தேன்.

எப்படிப் பேசுகின்றனர்! தன்மானத்தை இழந்து இவர்கள் பெறுவது என்ன?

எதற்காக இவர்களுக்கு பணமும் பதிவியும்? எவ்வளவு சேர்க்கப்போகிறார்கள்?

மிருகங்கள் கூட, பசியாறியபின், அருகில் விளையாடும் மான் குட்டிகளையும் ஒன்றும் செய்வதில்லை. தேவைக்குமேல் ஆசைகொள்விதுமில்லை, தேவையின்றி யாரையும் துன்பிப்பதுமில்லை.

பரிணாம வளர்ச்சியடைந்த மனிதன் எப்படி இருக்க வேண்டும்?

ஏன் இந்த அளவற்ற ஆசை?

சிந்திக்கத் தெரிந்த மனிதனுக்கு 'எதிர்கால அச்சம்'. அதைப் போக்க மாற்று வழிகளுண்டே! மலையளவு சேர்ப்பது அச்சத்தை மிகைப்படுத்தாதா? இது பகுத்தறிவா?

அச்சங்களையும், துன்பங்களையும், இன்பங்களையும் பகிர்ந்து வாழும், இலகுவான பொது உடைமை வாழ்க்கை இவர்களின் பகுத்தறிவுக்கு அற்பாற்பட்டதா?

ஏழைகளின் கோபம் இவர்களுக்கு 'தற்கால அச்சமாகத்' தெரியவில்லை! அதனால் தான் 'எதிர்கால அச்சத்திற்காக' இவர்கள் 'பேயாய்' அலைகிறார்கள்.