Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

கீற்று படைப்புகளை மின்னஞ்சலில் பெற...

Enter your email address:

Keetru RSS Feed

அண்மைப் படைப்புகள்

கடைசி பதிவேற்றம்:

  • திங்கட்கிழமை, 22 மே 2017, 10:11:16.
நிராகரிப்பை நெருப்பெனலாம்
சிறுதுளியும் ரணவலிதரும்
கதவு மூடும் சப்தம்
கண்பார்வையின் மாற்றம்
எல்லாவற்றிலும் கசிகின்றது
நிராகரிப்பின்
தீத்திரவம்
நிராகரிப்புகள் இயல்பாய்
நிகழினும்
வருத்தங்கள்
வடிகால் தேடும்
நீட்டிய கைகளை
நிராகரிக்கும் குழந்தை,
விரும்பிய பெண்ணின் வீட்டு
வெறுமை சன்னல்,
சிநேகப் புன்னகையை
எதிர்கொள்ளா நண்பர்கள்,
வைத்த வணக்கத்தை
வாங்கிக்கொள்ளா
அதிகாரங்கள்,
நிறுத்தத்தில் நிற்காது
செல்லும் பேருந்துகள்,
உணவுக்கானத் தட்டு
வைக்கப்படும் ஓசை,
கைகழுவியபின்
இடமற்றுப்போகும் பந்தி,
சாலையோர வியாபாரியிடம்
பேரம்பேசி வாங்கியபின்
அவன் இயல்பாய்
துப்பிய எச்சில்.
இப்படி எல்லாவற்றிலும்
இருக்கிறது
நிராகரிப்பின் கரிப்பு.
நிராகரிப்பு
நிரம்பிய வாழ்வில்
நிராகரிப்பதில்லை
யாரையும் வாழ்வு
கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh