புரட்சி பெரியார் முழக்கம்

ஆண்டுக்கட்டணம் ரூ.150/-
தொடர்புக்கு:  ஆசிரியர், 29, பத்திரிகையாளர் குடியிருப்பு,
திருவள்ளுவர் நகர்,  திருவான்மியூர், சென்னை-41.

 

செப்டம்பர் 17 தந்தை பெரியாரின் 134வது பிறந்தநாளையொட்டி திராவிடர் விடுதலைக் கழகத்தின் சார்பாக பெரியார் உருவம் பொறித்த சுவரொட்டி அனைத்து பகுதிகளிலும் கழகத் தோழர்களால் ஒட்டப்பட்டது. அதில் பெருந்துறை ஒன்றியத்திற்குட்பட்ட திங்களூர் ஆவராங்காடு பேருந்து நிறுத்தத்தில் சுவரொட்டி ஒட்டப்பட்டிருந்தது. செப்.17 இரவு அந்தப் பகுதியைச் சேர்ந்த ஆதிக்கசாதியைச் சார்ந்த கந்தசாமி என்பவர், கிழித்துக் கொண்டிருந்தபோது, அப்பகுதி திராவிடர் விடுதலைக் கழகத் தோழர் அர்ச்சுனன் மற்றும் துரையன், “ஏன் கிழித்துக் கொண்டு இருக்கிறீர்கள்” என்று கேட்டனர். அதற்கு அவர், “இது எங்கள் சாதிப் பகுதி. நீங்கள் இங்கு வந்து சுவரொட்டி ஒட்டுவதோ, கம்பம் போடுவதோ கூடாது” என்று கூறினார். மேலும், திராவிடர் விடுதலைத் கழகத் தோழர்களிடம் சாதியைச் சொல்லி திட்டியும் உள்ளார்.

அதேபோல் அங்கு வந்த மணிகண்டன், “நீங்கள் எதை செய்தாலும் அதை உங்கள் பகுதியோடு நிறுத்திக் கொள்ளுங்கள். இங்கு வந்து பேசக் கூடாது” என்று கூறினார். அதனைத் தொடர்ந்து, கழகத் தோழர்கள் திங்களூர் காவல்நிலையம் சென்று, புகார் கூறினர். தோழர்களின் பல கட்ட நெருக்குதலுக்குப் பின் காவல்துறை சம்பந்தப்பட்டவர்கள் மீது வன்கொடுமை தடுப்புச் சட்டத்தின் கீழ் வழக்குப் பதிவு செய்தனர். சாதிவெறியுடன் பேசிய இரண்டு பேரும் சிறையில் அடைக்கப்பட்டனர்.

இவ்வழக்குப் பதிவு செய்ய மாநில பொருளாளர் ரத்தினசாமி, மண்டல செயலாளர் இராம. இளங்கோவன், தமிழ்நாடு அறிவியல் மன்ற மாநில அமைப்பாளர் சிவக்குமார், மாவட்ட செயலாளர் நிவாசு, பெருந்துறை ஒன்றிய அமைப்பாளர் துரையன், மாவட்ட அமைப்பாளர் அர்ச்சுனன், ஆனந்தராஜ், கோபி ஒன்றிய அமைப்பாளர் விசயசங்கர் மற்றும் அப்பகுதித் தோழர்கள் முன்னின்று பணி செய்யப்பட்டனர்.

Pin It

விநாயகன் சிலைகளை ‘பிளாஸ்டோ பாரீஸ்’ போன்ற இரசாயனக் கலவைகளில் செய்து நீரில் கரைக்கக் கூடாது என்று சுற்றுச் சூழல் மாசு கட்டுப்பாட்டு வாரியம் அறிவித்திருந்தது. அதேபோல் சிலைகளின் உயரம் 10 அடிக்குமேல் இருக்கக்கூடாது என்றும் காவல்துறை கண்டிப்பாக உத்தரவிட்டிருந்தது. நீதிமன்றமும் இதே கருத்தை அறிவுறுத்தியிருந்தது. காவல்துறை நீதிமன்ற கருத்துகளுக்கு மாறாக சென்னை திருவல்லிக்கேணி பகுதியில் இரசாயன கலவையால் செய்யப்பட்ட 18 அடி உயர விநாயகன் சிலைகள் வைக்கப்பட்டிருந்தன. இந்தப் பகுதியில் 5 நாட்கள் விநாயகன் விழா என்ற பெயரில் பரப்புரைக் கூட்டங்களை நடத்தி, இஸ்லாமியர்களுக்கு எதிரான பகைமை உணர்வைத் தூண்டி விடுவதை இந்து முன்னணியினர் வழக்கமாகக் கொண்டிருந்தனர். இந்து முன்னணி அமைப்பாளர் இராமகோபாலன், இந்த நிகழ்வுகளில் பங்கேற்று சிலை கரைப்பு நாளன்று விநாயகன் சிலையுடன் மசூதி உள்ள வழியாகப் புறப்படுவதும், பிறகு கைதுச் செய்யப்பட்டு, உடன் விடுதலை செய்யப்படுவதும் வழக்கமாக நிகழ்ந்து வருகிறது. இதன் காரணமாக காவல்துறை சட்டத்தை மீறி வைக்கப்படும் விநாயகன் சிலைகளை அப்புறப்படுத்தும் நடவடிக்கைகளை மேற்கொள்வது கிடையாது.

இந்த முறைகேட்டை சுட்டிக்காட்டி, சட்டவிரோதமாக அமைக்கப்பட்டிருந்த விநாயகன் சிலைகளை அப்புறப்படுத்த வேண்டும் என்றும், அப்புறப்படுத்தா விட்டால், மதவெறி சக்திகளுக்கு எதிராகப் போராடிய பெரியாரின் கைத்தடி களோடு எதிர் ஊர்வலம் நடத்துவோம் என்றும் கழக சார்பில் காவல்துறைக்கு கடிதம் அளிக்கப்பட்டது. காவல்துறை எந்த நடவடிக்கையும் எடுக்காததால் திராவிடர் விடுதலைக் கழகத் தோழர்கள் பெரியார் கைத்தடிகளுடன் ஊர்வலத்துக்கு தயாரானார்கள். சென்னை மற்றும் காஞ்சி மாவட்டத்தைச் சார்ந்த 200-க்கும் மேற்பட்ட தோழர்கள் செப்டம்பர் 23 ஆம் தேதி பிற்பகல் 3 மணியளவில் திருவல்லிக்கேணி அய்ஸ் அவுஸ் மசூதி அருகே திரண்டனர்.

“சட்ட விரோத விநாயகன் சிலைகளை காவல்துறையே அகற்று; தடை செய்யப்பட்ட பகுதியில் மீண்டும் மீண்டும் ஊர்வலம் வரமுயன்று மதக் கலவரத்தை உருவாக்கும், இராம கோபாலனை கைது செய்! வருகுது பார், வருகுது பார்; பெரியார் கைத்தடி ஊர்வலம் வருகுது பார்! மக்களைக் கொல்லும் மதவெறிக்கு எதிராக பெரியார் கைத்தடிகள் வருகுது பார்!” என்பது போன்ற உணர்ச்சி முழக்கங்களுடன் மூன்று பெண்கள் உள்பட தோழர்கள் விநாயகன் ஊர்வலத்துக்கு எதிர் ஊர்வலமாகப் புறப்பட்டனர். காவல்துறை 170 தோழர்களைக் கைது செய்து இராயப்பேட்டையிலுள்ள சமூகநலக் கூட்டத்தில் வைத்திருந்தனர். இரவு 8.30 மணியளவில் ‘விநாயகன்’ கடலில் கரைக்கும் நிகழ்ச்சி முடிந்த பிறகு தோழர்கள் விடுதலை செய்யப்பட்டனர். சென்னை-காஞ்சி மாவட்ட கழகப் பொதுக் செயலாளர்கள், தோழர்கள் பங்கேற்றனர்.

Pin It

மரணத்தை மூலதனமாக்கி வயிற்றைக் கழுவும் நிலையில்தான் பட்டாசுத் தொழிற்சாலையில் நமது மக்கள் வேலை பார்க்கிறார்கள். 39 உயிர்களைக் காவு கொண்டு விட்டது சிவகாசி அருகே இருந்த சட்டவிரோதமான பட்டாசு தொழிற்சாலை. மரணமடைந்தவர்களில் 63 சதவீதம் பேர் ‘தலித்’ சமூகத்தினர் என்று கூறப்படுகிறது.

இந்து மத இழிவின் வெளிப்பாடான ‘தீபாவளி’க்கு பட்டாசு வெடிப்பதை மதச் சடங்குகளில் ஒன்றாக திட்டமிட்டு மாற்றினார்கள். பின்னர் - இது வேறு வேறு நிகழ்ச்சிகளுக்கும் அரசியல் கட்சிகளின் ‘திருவிழாக்களுக்கும்’ விரிவுபடுத்தப்பட்டு, பட்டாசு விற்பனைக்கான சந்தை விரிவானது. உயிருக்கு ஆபத்தான இந்த ‘பட்டாசு’ தயாரிப்புத் தொழிலை கருநாடகம், கேரளம் போன்ற மாநிலங்கள் முற்றாகத் தடைசெய்துவிட்டன. ‘அணு மின்சாரம்’ என்றாலும் ‘ஆபத்துக்குரிய பட்டாசு’ உற்பத்தி என்றாலும் அது தமிழகத்தில்தான் தங்கு தடையின்றி அனுமதிக்கப்படுகிறது.

தமிழ்நாட்டுக்கு பட்டாசும் வேண்டாம்; பட்டாசுத் தயாரிப்பும் வேண்டாம்; இந்த ‘மரணப் பிடியில் நிறுத்தும் தொழிலை’ நம்பியிருக்கும் மக்களுக்கு மாற்று வாழ்வாதாரத்தை உருவாக்கி, அவர்களை விடுவிக்க வேண்டிய பொறுப்பு, மக்கள் நல அரசுக்கு உண்டு.

‘தீபாவளி’ கொண்டாடும் மக்களைக் கேட்கிறோம், உங்களின் மகிழ்ச்சிக் குதூகலத்துக்காக பட்டாசு தயாரித்த உழைக்கும் ஒடுக்கப்பட்ட மக்கள் பிணமாகி விட்டார்கள். அவர்களின் மரணத்தில் நீங்கள் துயரமடைவது உண்மையானால், குறைந்தது பட்டாசு வெடிப்பதையாவது நிறுத்துகிறோம் என்ற முடிவை எடுங்கள்! வெடித்துச் சிதறும் ஒவ்வொரு பட்டாசு சத்தத்திலும் மரணத்தை முதலீடாக்கி, உடலால் ஒவ்வொரு நாளும் ரசாயன நச்சுகளால் செத்துக் கொண்டிருக்கும் இந்த தொழிலாளர்களின் உழைப்பு இருப்பதை எண்ணிப் பாருங்கள்!

Pin It

ஏழை, எளிய, நடுத்தர மக்கள் மீது கூடுதல் சுமைகளை திணிக்கும் நட வடிக்கைகள் தான் நாட்டின் பொருளா தாரத்தைக் காப்பாற்றுவதற்கு அல்லது சீரமைப்பதற்கு சரியான வழி என்ற கொள்கைகளையே ஆளும் மத்திய ஆட்சி தொடர்ந்து பின்பற்றி வருகிறது. இப்போதும் பிரதமர் மன்மோகன் சிங், அதே பல்லவியைப் பாடுகிறார். டீசல் விலை உயர்த்தியதற்கும், சில்லறை வர்த்தகங்களில் நேரடி அன்னிய மூலதனத்தை அனுமதித்த தற்கும் நாட்டின் பொருளாதார நிலையை ஒழுங்குப்படுத்து வதற்கான நடவடிக்கைளே என்று சாதிக்கிறார். சர்வதேச நாடுகளிலிருந்து பெரும் தொழில் ‘முதலைகள்’ - இந்தியாவில் முதலீடு செய்வது மட்டுமே நாட்டின் பொருளாதார வளர்ச்சிக்கு வழி வகுக்கும் என்கிறார்கள். இந்தப் பொருளாதார மேதைகள்! இதற்காக பல லட்சம் கோடி வரிச் சலுகைகள் வாரி வழங்கப்படுகின்றன.

நடப்பு ஆண்டு சராசரி தனி மனித உற்பத்தியின் வளர்ச்சி 8 சதவீதம் உயர்ந்து, இந்தியா உலக நாடுகளோடு போட்டிப் போடத் தொடங்கிவிட்டதாக இந்த நிபுணர்கள் கூறினார்கள். இதே கால கட்டத்தில் வறுமைக் கோட்டுக்குக் கீழே வாழும் மக்களின் எண்ணிக்கை கடுமையாக அதிகரித்துள்ளது என்பதுதான் உண்மை. இதன் அர்த்தமென்ன? நாட்டின் உற்பத்தி வளர்ச்சியின் பயன் அந்த மக்களுக்குப் போய்ச் சேராமல், நாட்டின் வளங்களை பெரும் தொழில் நிறுவனங்களுக்கு சாதகமாக திருப்பிவிடுகிறார்கள் என்பதுதான்!

எப்போது வி.பி.சிங் மத்திய அரசு பதவிகளில் பிற்படுத்தப்பட்டோருக்கு 27 சதவீத இடஒதுக்கீட்டை அமுல்படுத்தத் தொடங்கினாரோ அப்போதே ஆளும் பார்ப்பன வர்க்கம் திட்டமிட்டு காய்களை நகர்த்தத் தொடங்கிவிட்டது. இந்தியாவின் அதிகாரத்தை ஆட்டிப் படைத்து வந்த பார்ப்பனர்கள், தங்கள் ஆதிக்கக் கோட்டை சரியத் தொடங்கிவிட்டதாகவே அலறி வீதிக்கு வந்து போராடிப் பார்த்தனர்.

பார்ப்பனரல்லாத வெகுமக்கள் சக்தியிடம் தோல்வி கண்டவர்கள் ‘உலகமய மாக்கல்’ கொள்கையை தங்கள் கைகளில் எடுத்துக் கொண்டார்கள். பன்னாட்டு நிறுவனங்கள், உலக வங்கி மற்றும் சர்வதேச நிதி நிறுவனங்களுடன் கைகோர்த்துக் கொண்டு இந்தியாவின் அதிகாரக் கட்டமைப்பை தகர்க்கத் தொடங்கினார்கள்.

பொதுத் துறை நிறுவனங்கள் படிப் படியாக மூடப்பட்டு தனியார் துறைகள் வளர்க்கப்பட்டன. இடஒதுக்கீடு கொள்கைகள் நீர்த்துப் போகச் செய்யப் பட்டன. விவசாயத் துறை நசுக்கப்பட்டது. தாழ்த்தப்பட்ட, பிற்படுத்தப்பட்ட  விவசாயிகள் ஆயிரக்கணக்கில் தற்கொலை செய்து கொண்டனர். பலர் வாழ்வின் விளிம்பு நிலைக்குத் தள்ளப்பட்டனர்.

கல்வி மற்றும் மருத்துவத் துறையில் அரசு, தனது கடமைகளைக் கைகழுவி விட்டது. இப்போது பார்ப்பனரல்லாத சமூகத்தினரிடம் உள்ள வணிக நிறுவனங்களையும் முற்றாக ஒழிக்க பன்னாட்டு வணிக நிறுவனங்களை அழைத்து வந்து விட்டனர். இந்த நிலையில் பார்ப்பன பன்னாட்டு-பனியாக்களிடம் மண்டியிட்டுக் கொண்டு பல ஆயிரம் கோடி ரூபாய் லஞ்சத்தை சுருட்டிக் கொண்டு, நாட்டை ஆளும் கட்சிகள் மக்களுக்கு துரோகம் செய்து வருகின்றன.

இந்த பார்ப்பன தேச விரோதிகள்தான் உரிமைகளுக்குக் குரல் கொடுக்கும் இயக் கங்களை தேச விரோதிகள் என்கின்றனர்.
- இதுவே இன்று நாட்டில் நடக்கும் அரசியல், பொருளாதாரம் எல்லாமுமே!

Pin It

முதுகுளத்தூர் கலவரத்தை ஒடுக்குவதில் ஆளுங்கட்சியான காங்கிரஸ் தனது முழுக் கவனத்தையும் செலுத்தியது. காங்கிரசின் செயலுக்காகப் பெரியார், காமராஜரைப் பாராட்டினார். அது மட்டுமின்றி, “இக்கலவரத்தில் சமூக விரோதிகளைக் கடுமையாய்த் தண்டித்துச் சமூக ரீதியாக ஒடுக்கப்பட்ட மக்களுக்குப் பாதுகாப்பு ஏற்படுத்தாவிட்டால், அம் மக்களின் சார்பில் போராட்டத்தில் குதிப்பேன்” (விடுதலை) என்று அறிக்கையும் விட்டார்.

ஆனால், பெரியாரின் இயக்கத்திலிருந்து கிளைத்தவர்களான அண்ணாவும் அவரது இயக்கத்தினரும் மற்றும் பல எதிர்க்கட்சிக்காரர்களும் ஓட்டுக்கள் பெறுவதை எண்ணி ஆளுங்கட்சிக்கு எதிராகவே செயல்பட்டனர். முதுகுளத்தூர் கலவரம் நடந்து கொண்டிருக்கையில் எதிர்க்கட்சியினர் தஞ்சாவூர் தொகுதியில் நாடாளுமன்றத்துக்கு நடந்த தேர்தலில் தேர்தல் பிரச்சாரம் செய்து கொண்டிருந்தார்கள். எதிர்க்கட்சிகள், நெருக்கடியைப் பயன்படுத்தி அதிகாரத்தைப் பிடிப்பதற்கு முயற்சித்தனவேயன்றி, கலவரத்தை நிறுத்துவதற்கான எத்தகைய நடவடிக்கையையும் மேற்கொள்ளவில்லை.

‘தூவல்’ துப்பாக்கிச் சூட்டை முதன்மைப்படுத்திப் பேசியே மறவர்களைத் தத்தம் பக்கம் ஈர்ப்பதில் அவை முழுக் கவனத்தையும் செலுத்தின. ‘தூவல்’ துப்பாக்கிச் சூட்டை எண்ணி முதலைக் கண்ணீர் வடிக்கும் அரசியல்வாதிகள், ‘வீரம்பல்’ கோயிலுக்குள் தஞ்சம் புகுந்த மக்கள் மீது சாதி வெறியர்கள் துப்பாக்கிச் சூடு நடத்தியும், தாக்கியும், பெண்களை அவமானப்படுத்தியும், மிருகத்தனமாக நடந்து கொண்டதைக் கண்டிக்காமலும் வருந்தாமலும் இருப்பது ஏன்? (விடுதலை) என்று பெரியார் மட்டும் மறுதலையாகச் சிந்தித்து எழுதினார்.

- செ.சண்முகபாரதி எழுதிய இம்மானுவேல் தேவேந்திரர் - கதைப் பாடல் ஆய்வு நூல் பக்கம் - 70

Pin It

உட்பிரிவுகள்