புரட்சி பெரியார் முழக்கம்

ஆண்டுக்கட்டணம் ரூ.150/-
தொடர்புக்கு:  ஆசிரியர், 29, பத்திரிகையாளர் குடியிருப்பு,
திருவள்ளுவர் நகர்,  திருவான்மியூர், சென்னை-41.

 

17.08.12 வெள்ளி               மாலை 5.00         நெல்லை

(தூத்துக்குடி, நெல்லை, கன்னியாகுமரி)

18.08.12 சனி                       காலை 10.00       திண்டுக்கல்

(விருதுநகர்,தேனி,திண்டுக்கல்,மதுரை,    சிவகங்கை)

18.08.12 சனி                        மாலை 5.00         திருச்சி

(திருச்சி, பெரம்பலூர், தஞ்சை, திருவாரூர்)

22.08.12 புதன்                      மாலை 5.00         தலைமை நிலையம்

(வடசென்னை,தென்சென்னை,காஞ்சிபுரம்,    வேலூர்)

23.08.12 வியாழன்             மாலை 5.00         புதுச்சேரி

24.08.12 வெள்ளி                மாலை 5.00         விழுப்புரம்

29.08.12 புதன்                      மாலை 5.00         திருப்பூர்

30.08.12 வியாழன்             மாலை 5.00         ஈரோடு, கரூர்

04.09.12 செவ்வாய்            மாலை 5.00         கோவை

(கோவை மாநகரம், கோவை வடக்கு,    கோவை தெற்கு)

05.09.12 புதன்                      காலை 10.00       மேட்டூர் ( சேலம் மேற்கு)

05.09.12 புதன்                      மாலை 5.00         சேலம் (சேலம் கிழக்கு)

06.09.12 வியாழன்             மாலை 5.00         குமாரபாளையம் (நாமக்கல்)

08.09.12 சனி                        மாலை 5.00         காவேரிப்பட்டிணம் (கிருஷ்ணகிரி)

Pin It

தலைவர் :                                                        கொளத்தூர் தா.செ.மணி

பொதுச்செயலாளர் :                                      விடுதலை க.இராசேந்திரன்

புதுச்சேரி மாநிலத் தலைவர்:                    லோகு.அய்யப்பன்

மாநிலப் பொருளாளர் :                                ஈரோடு ப.இரத்தினசாமி

மாநில பரப்புரைச் செயலாளர்:                  தூத்துக்குடி பால்.பிரபாகரன்

மாநில அமைப்புச் செயலாளர்:                 தி.தாமரைக்கண்ணன்

தலைமை நிலையச் செயலாளர்:             தபசி குமரன்

மாநிலவெளியீட்டுச் செயலாளர் :           சூலூர் நா.தமிழ்ச்செல்வி

மாநில இணையதளச் செயலாளர்:         அன்பு.தனசேகரன்

பெரியார் தொழிலாளர் கழகம்:                 கோபி. இராம. இளங்கோவன், பெ.திருமூர்த்தி

தமிழ்நாடு மாணவர் கழகம்:      கோவை இர.சிலம்பரசன், ஜெயங்கொண்டம் சிவக்குமார், சென்னை ஜா.ஜெயந்தி

தமிழ்நாடு அறிவியல் மன்றம் :                திருப்பூர் ஆசிரியர் வீ.சிவகாமி, புதுவை பேரா.சே.இராமக்கிருட்டிணன், ஈரோடு ஆசிரியர் ப.சிவக்குமார்.

சென்னை மண்டல அமைப்புச் செயலாளர்: அன்பு.தனசேகரன் (வடசென்னை, தென்சென்னை, காஞ்சிபுரம், திருவள்ளூர், திருவண்ணாமலை, விழுப்புரம்)

சேலம் மண்டல அமைப்புச் செயலாளர்: மேட்டூர் அ.சக்திவேல் (சேலம் மேற்கு, சேலம் கிழக்கு, தருமபுரி, கிருஷ்ணகிரி, வேலூர்)

கோவை மண்டல அமைப்புச் செயலாளர்: பல்லடம் சி.விஜயன் (கோவை மாநகரம், கோவை வடக்கு, கோவை தெற்கு, நீலகிரி, திருப்பூர்)

ஈரோடு மண்டல அமைப்புச் செயலாளர்: கோபி. இராம. இளங்கோவன் (ஈரோடு, நாமக்கல், கரூர்)

திருச்சி மண்டல அமைப்புச் செயலாளர்: த.புதியவன் (திருச்சி, அரியலூர், பெரம்பலூர், புதுக்கோட்டை)

தஞ்சை மண்டல அமைப்புச் செயலாளர்: நா.இளையராஜா (தஞ்சாவூர், நாகை, திருவாரூர், கடலூர்)

மதுரை மண்டல அமைப்புச் செயலாளர்: சி.இராவணன் (திண்டுக்கல், மதுரை, மதுரை புறநகர், தேனி, சிவகங்கை, விருதுநகர்)

நெல்லை மண்டல அமைப்புச் செயலாளர்: கோ.அ.குமார் (கன்னியாகுமரி, திருநெல்வேலி, தூத்துக்குடி, இராமநாதபுரம்.)

Pin It

‘திராவிடர் விடுதலைக் கழகம்’ என்ற பெயரில் கொளத்தூர் மணியைத்தலைவராகக் கொண்டும் விடுதலை இராசேந்திரனைப் பொதுச்செயலாளராகக் கொண்டும் புதிய அமைப்பு தொடங்கப்பட்டுள்ளது.

புதிய அமைப்புக்கான அறிவிப்பு 12.08.2012 அன்று ஈரோடு செல்லாயி அம்மாள் திருமண மண்டபத்தில் நடந்த கலந்துரையாடல் கூட்டத்தின் இறுதியில் அறிவிக்கப் பட்டது. பெரியார் திராவிடர் கழகத்தில் இருந்த தோழர்கள் - கொள்கையை முன்னெடுப்பதிலும் - இயக்கச் செயல்பாடுகள் குறித்தும் - எழுந்த கருத்துவேறுபாட்டின் காரணமாக – தனியே பிரிந்து வந்து இந்தப் புதிய அமைப்பை உருவாக்கியுள்ளனர். தமிழ்நாடு முழுவதும் இருந்து தனி பேருந்துகள், வாகனங்களில் இருந்து 1500 க்கும் மேற்பட்ட பெரியார் தொண்டர்கள் இதில் பங்கேற்கின்றனர்.

பெரியார் திராவிடர் கழகத்தில் மாநில செயற்குழு உறுப்பினர்களாக இருந்தவர்களின் பெரும்பான்மையினர் இதில் பங்கேற்று புதிய அமைப்பு உருவாக்கியுள்ளனர் என்று கொளத்தூர் மணி தெரிவித்தார்.

டிசம்பர் 24, 25 தேதிகளில் ஈரோட்டில் இரண்டு நாள் மாநில மாநாடு மற்றும் “மனுசாஸ்த்திர எரிப்பு போராட்ட விளக்க மாநாடு” நடத்த முடிவு செய்யப்பட்டுள்ளது என்றும், 1929 இல் செங்கல்பட்டில் பெரியார் கூட்டிய இரண்டுநாள் மாநாட்டில் - சுயமரியாதை இயக்க முதல் மாநாட்டில் - தீர்மானங்கள் நிறைவேற்றப்பட்ட நாளான பிப்பிரவரி 28 இல் தமிழ்நாடு முழுவதும் - சமுதாயத்தை பிறப்பின் அடிப்படையில் கூறுபடுத்தும் - மனுசாஸ்த்திரத்தைத் தடைசெய்யக்கோரி - மனு சாஸ்த்திர எரிப்புப் போராட்டம் நடத்துவது என்றும் முடிவு செய்யப்பட்டது.

செப்டம்பர், அக்டோபர், நவம்பர் மாதங்களில் தோழர்களுக்குக் கொள்கைப்பயிற்சி வகுப்புகளை நடத்தவும் தீர்மானிக்கப்பட்டுள்ளது என்றும் செய்தியாளர்களிடம் கூறிய திராவிடர் விடுதலைக் கழகத்தின் தலைவர் கொளத்தூர் மணி, புதிய அமைப்பு, பெரியாரின் அடிப்படை இலட்சியங்களான சாதி ஒழிந்த சமுதாயம் அமைக்க - பெரியார் வலியுறுத்திய கொள்கைகளுக்கு முன்னுரிமை தந்தும், தமிழர் இன ஒடுக்குமுறைகளுக்கும், பெண் விடுதலைக்கும், பகுத்தறிவுக் கொள்கைகளுக்கும்முனைப்பான இயக்கங்களை நடத்தும் என்றும் மேலும் கூறினார்.

Pin It

2001 ஆம் ஆண்டு “பெரியார் காலத் தமிழகத்தை உருவாக்குவோம்” என்ற முழக்கத்தோடு நாம் பயணத்தைத் தொடங்கினோம். தோழர்களின் உழைப்பாலும், தொண்டினாலும் கட்டி எழுப்பிய நம் இயக்கத்தின் செயல்பாடுகள், இயக்கத்திற்கு வெளியே கொள்கை ஆதரவாளர்களால் பெரிதும் வரவேற்கப்பட்டது. வெற்று மேடைப் பேச்சுக்களன்றி, நாம் மேற்கொண்ட செயல்பாடுகளாலேயே நம் கழகத்தின்மீது அனைவரின் கவனமும் ஈர்க்கப்பட்டது என்பதே உண்மை. பெரியார் நமக்கு விட்டுச்சென்ற சமுதாய இழிவுஒழிப்பு, ஜாதி – தீண்டாமை ஒழிப்புக்கான செயல்பாடுகளை முன்னெடுக்கும் முயற்சிகளில் கழகத்துக்கு உள்ளேயே நாம் கசப்பான அனுபவங்களை சந்திக்க வேண்டியிருந்ததை இங்கே திரண்டிருக்கும் நாம் அனைவரும் அறிவோம்.

பெரியார் நடத்திய சுயமரியாதை இயக்கமானாலும், திராவிடர் கழகமானாலும், அந்த இயக்கங்கள் கொள்கை சார்ந்தவைகளாகவும், கொள்கையை மக்களிடம் கொண்டு போவதற்கே என்ற பார்வையுடனும் அதற்கேற்ற நெகிழ்ச்சித்தன்மையுடனும், இயக்கத்தை தலைவர் பெரியார் கட்டியமைத்தார். சுயமரியாதை இயக்கம் ஓர் அதிசயமான இயக்கம் என்று அவர் எழுதினார். அமைப்புகள், அதிகாரங்களின் மய்யங்களாக்கப்பட்டு, அதன் வழியாக தனிமனித முனைப்புகள் மேலோங்கும்போது, கொள்கைச் செயல்பாடுகள் பின்னுக்குத் தள்ளப்படும் இடர்ப்பாடுகளைக் கடந்த சில ஆண்டுகளாகவே நாம் சந்திக்க வேண்டியிருந்தது.

அதனால் கொள்கைச் செயல்பாடுகளின் வேகம் குறைந்து, ஒரு கட்டத்தில் தேங்கிப்போனது, மேலும் முன்னெடுக்க முடியாத நிலைக்குத் தள்ளப்பட்டோம். இந்தத் தடைகளை அகற்ற நாம் மேற்கொண்ட பல முயற்சிகள் பயன்தராத நிலையில் மீண்டும் பெரியார் காலத் தமிழகத்தை உருவாக்கி அவர் விட்டுச் சென்ற கொள்கைகளை மேலும் தெளிவோடும், புரிதலோடும், வேகத்தோடும் கொண்டு செல்ல வேண்டிய கடமையை ஆற்றுவதற்கும், அதில் தங்களை இணைத்துக்கொள்ளுவதற்கும் முன்வந்துள்ள தோழர்களாக நாம் திரண்டிருக்கிறோம். பெரியார் காலத்திலும் பல்வேறு கால கட்டங்களில் இத்தகைய கொள்கை மாறுபாடுகள் – முரண்பாடு களை பெரியார் சந்திக்க வேண்டியிருந்தது. அப்போதெல்லாம் அவர் மேற்கொண்ட அணுகு முறைகளை நாம் பாடமாகக் கொண்டு கொள்கைக்காகவே அமைப்பாகியிருந்த நாம், அமைப்பின் பெயருக்காகப் போராடிக்கொண்டிருக்க வேண்டாம் என்று முடிவெடுத்தோம். நமது தோழர்களின் கருத்தும் உணர்வும் இதே போன்று இருந்தது நமக்கு மேலும் நம்பிக்கையையும் ஊக்கத்தையும் தந்தது.

இப்போது நாம் உருவாக்கிடும் இந்த அமைப்பு பெரியார் இலட்சியப் பயணத்தில் மேலும் ஒரு முன்னோக்கிய வளர்ச்சியே தவிர பிளவோ, பின்னடைவோ அல்ல என்ற சரியான புரிதலோடு, மீண்டும் பெரியார் காலத் தமிழகத்தை உருவாக்கி பெரியார் விட்டுச்சென்ற சமுதாய இழிவு ஒழிப்பு, ஜாதி, தீண்டாமை ஒழிப்பு, பெண்விடுதலை, தமிழருக்கான விடுதலை என்ற செயல்திட்டங்கள், கருத்தாக்கங்களோடு பயணத்தைத் தொடர உறுதியேற்போம்.

நாள்: 12.08.2012                                      கொளத்தூர் தா.செ.மணி - விடுதலை க. இராசேந்திரன்

இடம்: ஈரோடு

Pin It

டெசோ நடத்தும் மாநாடு குறித்து பல்வேறு விவாதங்கள் எழுந்துள்ளன. மத்தியில் ஆளும் கட்சியின் ஒரு அங்கமாக உள்ள தி.மு.க முன் முயற்சி எடுத்தும் இந்த மாநாடு குறித்து -ஈழத்தில் வாழும் தமிழர்களும் - புலம்பெயர்ந்து வாழும் தமிழர்களும் கவலையுடனும், எதிர்பார்ப்புடனும் இந்த மாநாட்டு முடிவுகளுக்குக் காத்திருக்கிறார்கள்.  தமிழ் ஈழ ஆதரவு அமைப்பு நடத்தும் மாநாட்டில் தமிழ் ஈழம் குறித்து தீர்மானங்கள் எதுவும் வராது என்று தி.மு.க தலைவர் கலைஞர் கருணாநிதி வெளியிட்ட கருத்து - தமிழர்களுக்கு முதல் அதிர்ச்சியாகி விட்டது. தமிழ் ஈழம் குறித்த தீர்மானம் வரவில்லை என்றாலும் - குறைந்தது கீழ்க்கண்ட முடிவுகளையாவது வலியுறுத்த வேண்டும் என்பதே நமது எதிர்பார்ப்பு.

1. ஈழத்தமிழர்கள் - ஒரு தனித் தேசிய இனம்

2. அவர்களுக்குத் தங்கள் அரசியல் எதிர்காலத்தை நிர்ணயித்துக்கொள்ளும் சுயநிர்ணய உரிமை கோர உரிமை உண்டு.

3.2009 இறுதிப் போரில் ஈழத்தில் நடந்தது இனப்படுகொலையே.

4. எனவே இனப்படுகொலைகள் நடந்த நாட்டில் அய்.நா வே முன்முயற்சி எடுத்து வாக்கெடுப்பு

நடத்தியதைப் போல் ஈழத்தமிழர்களிடமும் வாக்கெடுப்பு நடத்த வேண்டும்.

தமிழீழ ஆதரவாளர் கூட்டமைப்பு நடத்தும் மாநாட்டில் தமிழீழம் பற்றிய தீர்மானம் இல்லை என்றாலும், வெறுமனே ஒரு பெரிய மாநாடு கூடிக்கலைவதாக அமைந்து விடாமல் ஈழத்தமிழர்களுக்கு ஏதேனும் பயன்சேர்க்க வேண்டுமானால் இந்தக் கோரிக்கை களையாவது தீர்மானமாக நிறைவேற்ற வேண்டும் என்று வலியுறுத்துகிறோம்.

நாள்: 03.08.2012                                                                                                  கொளத்தூர் மணி )

இடம்: திருச்சி

Pin It

உட்பிரிவுகள்