தேவையான பொருட்கள்

கோழித்துண்டுகள் - ஒரு கப்

முட்டை - ஒன்று

சோயா சாஸ் - 2 மேசைக்கரண்டி

ஸ்வீட் கார்ன் - ஒரு கப்

சிக்கன் ஸ்டாக் - 4 கப்

சோள மாவு - 2 தேக்கரண்டி

வினிகர் - ஒரு தேக்கரண்டி

செய்முறை

கோழி இறைச்சியை ஐந்து கப் தண்ணீர் ஊற்றி நன்கு வேகவிட வேண்டும். சுமார் அரை மணிநேரம் வெந்த பிறகு அந்த நீரினை வடித்து 4 கப் அளவிற்கு தனியே எடுத்துக் கொள்ள வேண்டும். வேக வைத்த கோழி இறைச்சியில் இருந்து எலும்புகளை நீக்கி, கறியை தனியே எடுத்துக் கொள்ள வேண்டும்.

இப்போது வடித்த நீரில் எலும்பு நீக்கிய சிக்கன் துண்டங்களையும், ஸ்வீட் கார்னையும் சேர்த்து வேக வைக்கவேண்டும். சிறிது வெந்தவுடன் சோள மாவினை சிறிது நீரில் கரைத்து சிறிது சிறிதாக ஊற்றிக் கலக்கி வேகவிட வேண்டும்.

முட்டையை உடைத்து ஒரு கப்பில் ஊற்றிக் கொண்டு, அதையும் சிறிது சிறிதாக கொதிக்கும் சூப்பில் சேர்த்து நன்கு கலக்க வேண்டும். முட்டை கெட்டியாகாமல், மெல்லிய இழைகளாக மிதக்க வேண்டும். கடைசியில் சோயா சாஸ், மிளகுத் தூள், வினிகர், உப்பு சேர்த்து இறக்கி பரிமாற வேண்டும்.