Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

தேவையானவை:

மத்தி மீன்/ சார்டைன் (sardine).........1 /2 கிலோ
மிளகு..................................................1 தேக்கரண்டி
சீரகம்...................................................1  தேக்கரண்டி
சோம்பு.................................................1 /2 தேக்கரண்டி
இஞ்சி.................................................. 1 இன்ச் நீளம்
பூண்டு.................................................. 10  பல்
எலுமிச்சை சாறு................................1  தேக்கரண்டி
தயிர்(விரும்பாதவர்  தவிர்க்கலாம்)..1 /2 தேக்கரண்டி
உப்பு........................................................தேவையான அளவு
எண்ணெய் .............................................100 மில்லி
கறிவேப்பிலை ..(தேவையானால்)....அலங்கரிக்க

செய்முறை:

மீனை நன்கு சுத்தம் செய்யவும். மிளகு, சீரகம், சோம்பு இவற்றை எண்ணெய் விடாமல்  வறுத்து நைசாக அரைக்கவும். இஞ்சி, பூண்டையும் நன்கு அரைக்கவும். பிறகு ஒரு பாத்திரத்தில் அரைத்த இஞ்சி,பூண்டு விழுது, மிளகு, சீரகம், எலுமிச்சை சாறு, தயிர் + உப்பு போட்டு நன்கு கலந்து, அதனை  கழுவிய மீனில் நன்கு தடவி வைக்கவும். தேவையானால் மஞ்சள் பொடி சேர்க்கலாம். இதனை குளிர்சாதன பெட்டியில் குறைந்தது ஒரு மணி நேரம் வைக்கவும். 3 -4 மணி நேரம் வைக்கலாம்.

அதன்பின், அடுப்பில் கடாயை வைத்து, அதில் பாதி எண்ணெய் ஊற்றி சூடானதும்,மசாலா பிசறிய     10மீனை மெதுவாக அடுக்கி வைத்து, அடுப்பை மிதமான தீயில் எரியவிடவும். அதனை கொஞ்ச நேரம் கழித்து, மீன் உடைந்து விடாமல் மெதுவாக புரட்டிவிடவும். எண்ணெய் போதவில்லை என்றால் ஊற்றவும். அடுத்த பக்கமும் வெந்ததும், மீனை  உடையாமல் புரட்டவும். இரு பக்கமும் மீன் மொறு மொறு என வெந்ததும் எடுத்து தட்டில் வைத்து கறிவேப்பிலை தூவி சூடாக பரிமாறவும்.

இந்த வறுத்த மத்தி மீனை எந்த குழம்பு சாதத்துக்கும் தொட்டு சாப்பிடலாம். இதில் ஏராளமான ஒமேகா- 3 - கொழுப்பு அமிலம் உள்ளது. மத்தியின் சுவை, கடல் மீன்களில் தனித்துவமானது..!

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh