எனக்கும்
உனக்குமான
சந்திப்புக்கள்
உனக்குத் தெரியாமல்
ஒவ்வொரு
பகலும்
இரவும்
 
என்
மெல்லிய
கனவுகளை
நொறுக்கி விடாமல்
மிகவும் பத்திரப்படுத்தி
பலமான இதயம் கொண்டு
தாங்கிச் சென்றேன்
உன்னைச்
சுற்றியே

அரங்கேறத் துடித்த
ஆசைகளை
அவிழ்த்தெறியாமல்
சேகரிக்கத் துவங்கினேன்
உன்
காதலின்
கரங்களால்

என்
காதலின்
வேட்கையதில்
ஒரு
மௌனப் போராட்டம்
உடைப்பெடுத்த நதியாய்
என்
மனப்பிரவாகம்

நாட்களின்
அவகாசத்தை
அதிகாரபூர்வ
அறிவிப்பை
சொல்லிச் சொல்லி
மாய்ந்தன
நம்
காதலின்
கலப்பில்லாச் சொற்கள்

உன்
மனம்
உறிஞ்சிய
வேர்ப்பரப்பில்
சாய்ந்து
கொண்டது
என்
இதயம்

Pin It

கையில் ஊன்றுகோலின்றி
கம்பியில் நடந்து
செல்லும்
வித்தைக்காரன் நீ

தொட்டால் சுட்டெரிக்கும் நீ
தொட்டால் குளிரும்
நீரிலும் கருத்தரிக்கிறாய்

புத்தம்புது தொழிற்ப் புரட்சி
யுத்தமின்றி சத்தமின்றி
உன்னால்தான் வந்தது

விஞ்ஞான அறிவியல்
கண்டுப்பிடித்து தந்த நீ
கண்டுப்பிடிக்க முடியாத இடத்தில்
ஒளிந்துகொள்கிறாய் சில நேரம்

நீ....
வரும் நேரமும் போகும் நேரமும்
அரசால் அறிவிக்கப்பட்டாலும்
அதையும் தாண்டி
அடிக்கடி காணாமல் போகிறாய்

கண்ணாம்பூச்சி விளையாடி
நீ ஒளியும் போது
கற்கால உலகுக்கே எம்மை
கடத்திச் செல்கிறாய்

விளம்பர வெளிச்சத்தில்
வெள்ளமாய் நீ விரயமாவதை
தடுக்காதவர்கள்

உன்னை சொட்டு சொட்டாய் பயன்படுத்த
சிக்கன வாரம் கொண்டாடுகிறார்கள்
உழவுக்கும் நெசவுக்கும்
உன் தரிசனம் இலவசமென்று
ஆணையிட்ட அரசு
அடைத்த கதவை திறப்பது எப்போது?

சுரண்டும் அந்நியர் தொழில் நடத்த
சிரித்துக்கொண்டே கைகொடுக்கும் நீ
சொந்த நாட்டான் தொழிலுக்கு உதவாமல்
இருட்டுக் குழியில் குப்புறத் தள்ளுகிறாய்

ஆலையில் வேலை செய்ய
தொழிலாளர்கள் வந்தாலும்
நீ வராததால் உற்பத்தி முடக்கம்
உழைப்போர் வயிற்றில் அடிவிழுகிறது.

கட்டண உயர்வோ கழுதை கவ்வும்
நீ காணாமல் போகையில்
கண்களும் குருடாகும்

காற்று வேண்டுமானால் நீ வேண்டும்
வீட்டு விசிறி சுழல வைப்பாய்
நீ வேண்டுமானால் காற்று வேண்டும்
காற்றாலையில் கூடுதல் உற்பத்தி
நீ தொடர்ந்து கிடைக்க
கூடங்குளத்தை காட்டும்... இவர்கள்
ஊழல் குளத்தில் மூழ்கி கிடப்போர்

வற்றாத சூரிய ஒளியை
எப்போது பயன்படுத்துவார்களோ?

Pin It