sinthanaiyalan logo 100

தொடர்பு முகவரி: 19, முருகப்பா தெரு, சேப்பாக்கம், சென்னை - 05.
தொலைபேசி: 044-28522862, 94448 04980
ஆண்டுக் கட்டணம்: ரூ.120, வாழ்நாள் கட்டணம்: ரூ.1000

அமெரிக்க வெள்ளை இனவெறிக்கு, கறுப்பர் படுகொலை!

அசாமிய இந்து மதவெறிக்கு, இஸ்லாமியர் படும்பாடு!

பாக். இஸ்லாமியர் ஆதிக்கத்தில், இந்துக்கள் படும் அல்லல்!

இவர்களை மிதிக்க வேண்டியவர்கள் மக்களே!

720 கோடி மக்கள் வாழும் இன்றைய உலகில், கடவுளை நம்புகிறவர்களே அதிகம் பேர். இந்துக்கள், கிறித்துவர்கள், இஸ்லாமியர், சீக்கியர்களில் கடவுள் நம்பிக்கைக்காரரே அதிகம் பேர்.

அமெரிக்கக் கிறித்துவ வெள்ளையர்கள், கறுப் பரை மாடுகளைப் போல் - விலங்குகளைப் போல் வதைப்பதைச் செய்பவர்கள். 1860களில் அந்நாட்டின் குடிஅரசுத் தலைவராக இருந்த ஆப்ரகாம் லிங்கன் கறுப்பு நிற அடிமைகளுக்கு விடுதலை அளித்தார் என்பதாலேயே ஒரு திரைப்படக் கொட்டகையில் சுட்டுக் கொல்லப்பட்டார்.

1945 முதல் உலக நாடுகளின் இயற்கை வளங் களையும், மனிதர்களின் மூளை உழைப்பையும் சுரண்டி, அமெரிக்க வெள்ளையரைக் கொழுக்க வைப் பதில் அமெரிக்கருக்குத் தீராத ஆர்வம். அவர்களின் கட்டுப்பாட்டில் இயங்கும் அய்க்கிய நாடுகள் அவை, அதன் பிரிவு அமைப்பான உலகப் பாதுகாப்பு அவை யம், உலக வங்கி, பன்னாட்டு நிதியம் மற்றும் முத லாளித்துவ நாடுகள் அமெரிக்கரின் ஆதிக்கத்துக்குத் துணைபோகின்றன. இந்தியாவும் துணைபோகிறது.

அமெரிக்காவின் 2010ஆம் ஆண்டைய மக்கள் தொகைக் கணக்குப்படி - மொத்த மக்கள் தொகை 31 கோடி. இவர்களுள் 4 கோடிப் பேர் அயல்நாடுகளி லிருந்து அமெரிக்காவில் குடியேறியவர்கள். இந்த 4 கோடிப் பேருள் 1.1 கோடிப்பேர் சட்ட ஏற்புப் பெறாமல் குடியேறியோர்.

இந்தியாவிலிருந்து அமெரிக்காவில் குடியேறிய இந்துக்கள் பல இந்துக்கோவில்களையும், இந்திய சீக்கியர்கள் பல குருத்துவாரக்களையும், இஸ்லாமியர் கள் பல மசூதிகளையும் அங்குக் கட்டியுள்ளனர். தனியார் நிறுவனங்களிலும், அரசு நிறுவனங்களிலும், வேலை பார்ப்போர்; சிறிய - பெரிய வணிகம் செய் வோர் எனப் பல தொழில்களில் இவர்கள் ஈடுபட் டுள்ளனர்.

இந்தியாவிலிருந்து 1982இல் அமெரிக்காவுக்குச் சென்ற சத்வந்த்சிங் (65) என்ற சீக்கியர் ஒரு வணிகர். தன் சொந்தப் பணத்தைக் கொண்டு அமெரிக்காவில் விஸ்கன்சின் மாகாணத்தில், ஓக் கிரீக் என்ற இடத்தில் சீக்கியக் குருத்வாரா ஒன்றைக் கட்டுவித்தார்.

அங்கு 5.8.2012 ஞாயிறு அன்று, தொழுகை நேரத்தில், துப்பாக்கியுடன் ஒரு வெள்ளையர் நுழை வதைக் கண்ட இரண்டு குழந்தைகள் அலறிக் கூச்சல் போட்டுள்ளனர். கண் இமைக் கும் நேரத்தில் அவன் துப் பாக்கியால் சுட்டு 5 பேரைக் கொன்றான். அவ னோடு உடைவாளைக் கொண்டு போராடிய மேற்படி சத்வந்த் சிங் என்பவரையும் சுட்டுக் கொன்றுவிட்டு, தானே சுட்டுக் கொண்டு அந்த வெள்ளை இன வெறியனும் மாண்டான்.

வேட் மைக்கேல் பேஜ் (40) என்ற அந்த வெள்ளை இன வெறியன் யார்?

அமெரிக்காவில் வெள்ளையர் இனவெறியை - கறுப்பர், யூதர் பேரில் கொலைவெறியை வளர்க்கும் புதிய நாசிச அமைப்பின் இசைக்குழுவில் ஒரு பாடகனாக இருந்த ஓர் இராணுவ வீரன், அவன்.

அவன் வலக் கைப் பக்கம் தோளுக்கும் கீழே - இனவெறிக் கொள்கையைக் கொண்ட நாசிச முழக் கங்களை, கெல்டிக் முறையில் 14 இடங்களில் பச்சை குத்திக் கொண்டிருந்தான்.

அவனால் சில மணித்துளிகளில் சீக்கியக் குருத்து- வாராவில் சுட்டு வீழ்த்தப்பட்டவர்கள் ஆண்கள் சிதாசிங் (41), இரஞ்சித் சிங் (49), பிரகாஷ் சிங் (39), ஷோபால்க் சிங் (84), போராடிய சத்வந்த் சிங் (65) அய்வர்; பரம்ஜித் கவுர் (41) எனும் பெண்மணி ஒருவர் - ஆக 6 பேர் ஆவர். 30 பேர் காயம் அடைந் தனர்; 3 பேர் படுகாயம் அடைந்தனர். சத்வந்த் சிங் எதிர்த்துப் போராடிய இடைப்பட்ட சற்றுநேரத்தில், ஆண்களும் பெண்களும் குழந்தைகளும் உயிருக்கு அஞ்சி குருத்துவாராவிலிருந்து ஓடிவிட்டனர்.

தன் மகன் இப்படிப்பட்ட படுகொலை செய்துவிட் டதைக் கேள்விப்பட்ட கொலையாளியின் தாயார் லாரா லைன் பெரும் அதிர்ச்சிக்கு உள்ளாகி வருத்தம் தெரிவித்துள்ளார்.

இதற்கு அமெரிக்க அதிபர் ஒபாமா வருத்தம் தெரி வித்து, 10.8.12 வரையில் இதற்காகத் துக்கம் கொண் டாடும் அறிகுறியாக அமெரிக்கத் தேசியக் கொடியை அரைக்கம்பத்தில் பறக்க விடும்படிக் கூறி, எல்லோரும் ஆன்ம ஆய்வு செய்ய வேண்டுமென அறிவுறுத்தி யுள்ளார்.

கொலையாளியின் முன்னாள் காதலியான - செவிலியர் மிஸ்ட்டி குக் என்பவரும் இதேபோல் கறுப்பர் இன வெறுப்பாளர்கள் குழுவில் ஈடுபட்டவர் என்பதும், அவரும் துப்பாக்கி வைத்திருப்பதும் கண்டு பிடிக்கப்பட்டுள்ளது.

ஏன் இவ்வளவு கொடுமை நடந்தது?

இந்தியப் பார்ப்பனர்கள் பிறவி உயர்வு என்கிற ஆயுதத்தைக் கொண்டே இந்து மதத்திலுள்ள பெரிய எண்ணிக்கையுள்ள மக்களை - 95 விழுக்காடு பேரை மனத்தாலும், சிந்தனையாலும், செயலாளலும் பச்சை அடிமைகளாக ஆக்கி வைத்திருப்போர். “சாதி உயர்வு” என்கிற அதுவே அவர்களுக்குத் துப்பாக்கி - சுழல் துப்பாக்கி - பீரங்கி எல்லாம்.

அமbரிக்க வெள்ளை அதிகார வர்க்கமும், ஆளும் வர்க்கமும் - சீக்கியர்கள் பலமுறை பாதுகாப்புக் கோரி முறையீடு செய்தும்கூட, அவர்கள் எந்த நடவடிக் கையும் எடுக்கவில்லை.

கறுப்பரை வெறுத்துக் கொலை செய்வது போலவே தொழிலாளர்களைச் சுட்டுக்கொல்லுவதும் அமெரிக்க வெள்ளையரின் வழக்கம்.

24.8.12 வெள்ளி அன்று ஜெஃப்ரி ஜான்சன் என்பவன் 2 தொழிலாளர்களைச் சுட்டுக்கொன்றான்.

அமெரிக்காவில் துப்பாக்கி இல்லாத வீடோ, ஆளோ இல்லை என்கிற அளவுக்கு இனவெறுப்பு - மத வெறுப்பு - மனித வெறுப்பு காரணமாக வளர்க்கப் பட்டுவிட்டது.

முஸ்லீம் ஆதிக்க உணர்வினரால் 2001 செப்டம்பர் 11இல் அமெரிக்க உலக வணிக இரட்டைக் கோபுரங்கள் தகர்க்கப்பட்ட பிறகு, அமெரிக்கருக்கு இஸ்லாமியர் பேரிலான ஆத்திரம் வளர்ந்துவிட்டது. ஒசாமா பின்லேடன், அந்நிய நாட்டில் அமெரிக்கரால் சுட்டுக்கொல்லப்பட்ட பிறகும், ஆப்கனில் தலிபன் என்கிற மதவெறியர் களைக் கொல்லுவது என்கிற பேரால் தானடித்த மூப்பாக அமெரிக்கா ஆப்கனிஸ்தானில் குண்டுவீசிக் கொல்கிறது.

அய்ரோப்பியர் துப்பாக்கிகளை வைத்துக் கொண் டிருப்பதை அநாகரிகம் என்று கருதுகிறார்கள். ஆனால் அமெரிக்கர்கள் தங்கள் நாட்டுப் பேராதிக்கத்தைக் காப்பாற்றிக் கொள்ள - துப்பாக்கி வைத்திருப்பதும், வெளியிடங்களில் அதை ஏந்திச் செல்வதும் சுடுவதும் சமூகத் தற்காப்புக்குத் தேவை என்று நம்புகிறார்கள்.

துப்பாக்கியைப் பெருக்கி வைத்திருக்கிற - மற்ற 22 முதலாளித்துவ நாடுகளில் துப்பாக்கிச் சூட்டினால் நடந்துள்ள கொலைகளைப் போல 20 மடங்கு எண் ணிக்கையான கொலைகள், அமெரிக்காவில் நடந்து விட்டதாக அண்மையில் வெளிவந்த ஒரு கணக்கு மூலம் அறிய முடிகிறது.

அமெரிக்காவில் உள்ள முஸ்லீம்களில் பெரும் பாலோர் அல்-கொய்தாவின் ஆதரவாளர்கள் என அமெரிக்கரில் 9 கோடிப்பேர் நம்புகின்றனர். முஸ்லீம் மதத்தினரையும் அவர்கள் வெறுக்கின்றனர்.

அந்த வெறுப்பின் காரணமாக-வெளிப்பாடாக அமெரிக்கர்கள், மிசௌரி பகுதியில் உள்ள இஸ்லா மியரின் மசூதியை, 6.8.12 திங்கட்கிழமை தீ வைத்து எரித்துச் சாம்பலாக்கிவிட்டனர். இதே மசூதியில் 4.7.12இல் தீ விபத்து ஏற்பட்டது. இதுபற்றிய துப்பும் அறியப்படவில்லை.

அமெரிக்கர் வெள்ளை இனவெறி - கறுப்பர் இன வெறுப்பு வெறி, கொலை வெறி இவற்றுடன் கிறித்துவ மதவெறி - இஸ்லாமிய மத அழிப்பு வெறி பிடித்து அலைகின்றனர்.

இன்று, அசாமில் நடக்கும் மதக் கலவரம் மதb வறிக் கலவரமே.

இந்தியாவில் உள்ள இந்துக்களும், இந்து மதத்தை நம்பாத பழங்குடிகளும் இஸ்லாமிய எதிர்ப்பு வெறி - கிறித்துவ மத எதிர்ப்பு வெறி பிடித்து அலைகின்றனர்.

அசாமில் ஏற்பட்டுள்ள இந்த இஸ்லாமிய எதிர்ப்பு வெறி வளர்ப்புக்கு. 1980 தேர்தலின் போது விதிட்ட வர், இந்திரா காங்கிரசுத் தலைவி இந்திரா காந்திதான்.

இன்றைய அசாமிலும், அசாமின் பகுதியான போடோ சமவெளிப் பகுதியில் உள்ள கோக்ரஜாரிலும் இஸ்லாமியர்கள் - பங்களாதேஷ் அகதிகள், பங்களா தேசிலிருந்து கள்ளத்தனமாக நுழைந்தவர்கள் - ஆகியவர்களின் எண்ணிக்கையும் - அங்கிருந்து வந்த பழங்குடிகளின் எண்ணிக்கையும் அசாமில் பெரு கினால் - சிறுபான்மை மத மக்களின் ஆதிக்கம் அசாமிய வாக்கு வங்கியில் பெருகி விடும் என்ற பொய்யை - தீமையான சிந்தனையைப் பரப்பியவரே இந்திரா காந்திதான்.

அப்படிச் சொல்லி ஒரே கல்லில் இரண்டு மாங் காய்களை அடிக்க இந்திரா திட்டமிட்டார்.

அசாமில் வெள்ளையர்கள் காலூன்றுவதற்கு முன்னர் “அஹோம்” (AHOM) என்கிற பிற்படுத்தப்பட்ட வகுப்பைச் சார்ந்தவர்கள் அசாமை ஆளும் அரசர் களாக இருந்தனர். பின்னாளில் காங்கிரசில் அவர்கள் செல்வாக்குப் பெற்று, ஒரு அஹோம் முதலமைச்சர் ஆனார். ஆனால் அசாமின் நில உடைமையும், கல்வி உடைமையும், அதிகார ஆதிக்கமும் பார்ப்பனர், காயஸ்தர், கொலிதா என்கிற உயர்சாதிக்காரர்களிடமே இருந்தன. இந்த மேல்சாதியினர் காங்கிரசில் செல் வாக்குப் பெற முடியவில்லை.

இப்படிச் செல்வாக்கு வரமுடியாததற்கு மூல காரணம் அஹோம் வகுப்பினர் பெரும்பான்மை யினராக இருந்ததுதான். அதை மறைக்க விரும்பிய இந்திராகாந்தி - “அசாமியர் அல்லாதார் எண்ணிக்கை 1971க்குப் பிறகு அசாமில் பெருகிவிட்டது” என்று ஒரு பெரிய பொய்த் தேற்றத்தை உருவாக்கினார்.

“அசாமியர் அல்லாதாரே, வெளியேறுங்கள்” என்ற ஒரே முழக்கத்தை எழுப்பித்தான், அசாமில் உள்ள கோஸ்வாமி என்கிற பார்ப்பனர்களும், மகிந்தா போன்ற காயஸ்தர் வகுப்பு மாணவர்களும், கொலிதா வகுப்பைச் சார்ந்த புகான் போன்ற மாணவர்களும் சேர்ந்து, இளைய தலைமுறையைச் சார்ந்த அசாமி யரிடம் எழுச்சியை உண்டுபண்ணி, ‘அசாம் கண பரிஷத்’ என்கிற கட்சியின் மூலம், பதவியைப் பிடிக்கச் செய்தார்.

இவர்கள் பிற்படுத்தப்பட்டோரின் இடஒதுக்கீட்டுக் கும் எதிரிகள். எனவே பிற்படுத்தப்பட்டோர் இடஒதுக் கீட்டுக்காக இவர்களை எதிர்த்து “ஒன்றுபட்ட அசாமிய வகுப்புரிமை இயக்கம்” (United Reservation Movement Council of Assam - URMCA) என்ற ஓர் இயக்கத்தைத் தொடங்கினர்; சந்தோஷ் ராணா, வாஸ்கர் நந்தி ஆகியோர் மூலம் தொடர்பு கொண்டு என்ன அசாமுக்கு அழைத்தனர். 1986-1987இல் மேற்குவங்காளத்திலும், அசாமிலும் மார்க்சிய இளைஞர்களுடன் இணைந்து, மிதிவண்டியிலும், பேருந் திலும், தொடர்வண்டியிலும் பயணித்துப் பரப்புரை யை நான் மேற்கொண்டேன்.

 

கோக்ரஜாரில் பிரம்மா என்ற இளைஞர் தலை மையில், இயங்கிய சமவெளி போடோக்கள் பேரணி யையும் நான் தொடங்கிவைத்து உரையாற்றினேன். இவர்கள் யூனியன் தகுதி கோரியே போராடினார்கள். மலைவாழ் போடோக் களுக்கு எதிராக இவர்களைத் தூண்டி விட்டவரும், காங்கிரசார் மூலம் இவர்களுக்கு நிதி அளித்தவரும் இந்திராகாந்திதான்.

அங்கு களப்பணியாற்றிய நான் அறிந்த உண்மை என்ன?

பிரம்மபுத்ரா ஆறு பாயும் அங்குள்ள செழுமை யான நிலங்களில் பெரும் பகுதி கோஸ்வாமி என்கிற பார்ப்பனர்களுக்கும், கொலிதா, காயஸ்தர் என்கிற மேல்சாதியினருக்கும் சொந்தம். இந்தச் சாதியினர் உழுவது, பறம்பு அடிப்பது, பயிர் நடுவது, களை யெடுப்பது, அறுப்பது, அடிப்பது என்கிற எதையும் செய்யாத சாதிகளைச் சார்ந்தவர்கள்.

இப்படிப்பட்ட உடலுழைப்பு வேலைகளைச் செய் வதற்கென்று - பழைய கிழக்குப் பாகிஸ்தானிலிருந்து (இன்றைய பங்களாதேஷ்) நிலமற்ற இஸ்லாமியக் குடும்பங்களையும், பழங்குடியினர் - தாழ்த்தப்பட் டோர் குடும்பங்களையும் இந்த மேல்சாதி நில உடைமைக்காரர்கள்தான் தன்னலம் கருதி 1920 களில் அழைத்து வந்தனர். அவர்கள் கள்ளத்தனமாக அசாமுக்குள் நுழைந்தவர்கள் அல்ல. நான் 1986-87இல் போனபோது 60 ஆண்டுகளாக அவர்கள் அங்கே வாழ்ந்தார்கள்; இன்றும் வாழ்கிறார்கள். அவர் களை “அந்நியர்” என்று கூறுவது மானுட உரி மைக்கும் சட்டத்துக்கும் எதிரானது.

1971இல் பங்களாதேஷ் முகிழ்த்த பிறகு வந்த மிகச் சில இஸ்லாமியரும், பழங்குடியினரும், அங்கே இருந்தார்கள்.

இந்த உண்மைகளை மனத்தில் கொண்டு, இன்று அசாமிலும், கோக்ரஜாரிலும் சிறுபான்மை இஸ்லாமியர்களுக்கு இழைக்கப்படும் வன்கொடு மையை - படுகொலையை நாம் நோக்க வேண்டும்.

அசாமின் ஆட்சிக்குட்பட்டது - “போடோலாந்து பிரதேசத் தன்னிச்சை மாவட்டங்களின் ஆட்சிப்பகுதி.

இப்பகுதியிலுள்ள கோக்ரஜார், போங்கைகோன், சிராங் முதலான மாவட்டங்களில் நடந்த கலவரத்தில் மட்டும் 7.8.12க்குள் 73 பேர் கொல்லப்பட்டுவிட்டனர். 500 சிற்றூர்கள் எரிக்கப்பட்டுவிட்டன. வீடுகளை இழந்த - உயிருக்கு அஞ்சிய 4 இலட்சம் மக்கள் வெளி யேறி, 273 இடங்களில் உள்நாட்டு அகதிகளாகத் தங்கவைக்கப்பட்டுள்ளனர்.

இதற்கு இடையில் இப்படிப்பட்ட கலவரங்களை உண்டாக்க வேண்டுமென்று திட்டமிட்ட இந்துமத வெறியர்களும், இஸ்லாமியத் தீவிரவாதிகளும் 2012 மே முதல் - 300க்கும் மேற்பட்ட சமூக வலைத்தளங் களின் மூலம் இந்தியாவிலுள்ள எல்லா மாநிலங் களிலும் இதுபற்றிய செய்தியைப் பரப்பியிருந்தனர். கலவரம் வெடித்ததற்கு அடிப்படை என்ன?

கள்ளத்தனமாக - பங்களாதேசிலிருந்து நுழைந்த வர்களின் எண்ணிக்கை பெருகிவிட்டது; அவர்களின் வாக்கு வங்கி வலிவாகிவிட்டது. அது அசாமியருக்கு ஆபத்தானது என்பதுதான் காரணம். இது உண் மையா? இல்லை. இது கடைந்தெடுத்த பொய். எப்படி?

1901 மக்கள் தொகைக் கணக்குப்படி அசாம் மக்கள் தொகை 33 இலட்சம். 1901க்கும் 1941க்கும் இடையில் 40 ஆண்டுகளில் ஒட்டுமொத்த இந்திய மக்கள் தொகை - 1901இல் இருந்ததைவிட 74.82 விழுக்காடு கூடி யிருந்தது. அந்த விகிதப்படி, 1941இல் அசாம் மக்கள் தொகை 57.69 இலட்சம் ஆகத்தான் பெருகியிருக்க வேண்டும் - ஆனால் 1941இல் 67 இலட்சமாக உயர்ந்துவிட்டது. இந்தக் கணக்குப்படி 1941க்குள் வெளியிலிருந்து அசாமில் குடியேறியவர்கள் 9.31 இலட்சம் பேர் ஆகும்.. இது கிழக்கு வங்காளத்தி லிருந்து கோக்ரஜார், போங்கோகோன், சிராங், துப்ரி மாவட்டங்களை உள்ளடக்கிய - பழைய - பிரிக்கப்படாத கோல்பரா மாவட்டத்தின் நிலை ஆகும்.

அசாம் தேர்தல் ஆணையர் தந்த கணக்குப்படிப் பார்த்தால், கிழக்கு வங்காளத்திலிருந்து வந்து குடி யேறிய முஸ்லீம்களின் எண்ணிக்கை, இன்று, இன் னும் அதிகமாக இருக்க வேண்டும். ஆனால் அப்படி இல்லை.

1971 மக்கள் தொகைக் கணக்குப்படி, பிரிக்கப் படாத மாவட்டத்தில் கோக்ரஜாரில் இஸ்லாமியர் 17 விழுக்காடு மட்டுமே; 1981இல் கணக்கெடுப்பு இல்லை; 1991இல் 19.3 விழுக்காடு, 2001இல் 20.4 விழுக்காடு மட்டுமே இருந்தனர் (The Hindu, 8.8.2012 – By BANAJIT HUSSAIN).

 

உண்மை நிலை இப்படியிருக்க - அசாம் கலவரத் தை முன்வைத்து மும்பையில் கொலைகளும் தீ வைப்பும் நடந்தன. மும்பை, பெங்களூர், கோவை, சென்னை முதலான பெரிய நகரங்களிலிருந்து - உயிருக்கு அஞ்சிய வடகிழக்கு மாநிலங்களிலிருந்து ஏற்கெனவே பிழைப்புத் தேடிவந்த மக்கள் பல்லாயிரக் கணக்கில் 22.8.12 வாக்கில் தொடர் வண்டிகளில் கூட்டங்கூட்டமாக வெளியேறிவிட்டனர்.

முஸ்லீம்களை ஒழிப்பதையே குறியாகக் கொண்ட பாரதிய சனதா, முதலான கட்சிகள் எரிகிற நெருப்பில் எண்ணெய்யை வாரி வீசுகிற மாதிரியில் - “அசாமிலி ருந்து அந்நிய நாட்டு முஸ்லீம்களை வெளியேற்று!” என ஓலமிடுகின்றன.

இடித்து வைத்த புளிப் பிள்ளையார் மாதிரி உள்ள - அசாமின் பிரதிநிதியாக மாநிலங்கள் அவையில் நுழைந்து, செயல்படாத பிரதமராக உள்ள சோனியா காந்தியின் ஏவலராக - அமெரிக்காவின் கையாளராக விளங்கும் டாக்டர் மன்மோகன் சிங், உள்நாட்டில் அகதிகள், மற்றும் வெளிநாட்டிலிருந்து கள்ளத்தனமாக வந்தவர்கள், 1920களில் அசாமில் குடியேறியவர்கள் என்ற பாகுபாடுகளை அறிந்து, அசாம் வன்முறைக்குத் தீர்வு காணாமல் இருப்பது மாபெரும் குற்றமாகும்.

அசாம் மாநில அரசினர், கோக்ரஜார் கலவரங் களையும், கொலைகளையும் அடக்க, உடனே இராணுவத்தை அனுப்புங்கள் என்று 21-7-12 லேயே அவசரக் கோரிக்கை விடுத்தனர். பிரதமர் மன்மோகன் சிங், இராணுவ அமைச்சர் அந்தோணி மற்றும் அதிகார வர்க்கத்தினர்-‘முஸ்லீம்கள்தானே கொல்லப் படுகிறார்கள் என்று கருதி மந்திகளாகவே இருந்து விட்டனர்.’

இனவெறியும், மதவெறியும் அமெரிக்காவிலும், அசாமிலும் தலைவிரித்தாடுவது போலவே, இன்று பாக்கிஸ்தானிலும், சிறுபான்மை இந்துக்களுக்கு எதிரான மனிதாபிமானம் அற்ற கொடுமைகள் நடக்கின்றன.

இன்றைய பாக்கிஸ்தான் மக்கள் தொகை 18 கோடி. இதில் இந்துக்களின் தொகை வெறும் 36 இலட்சம் மட்டுமே.

இவர்களில் பாக்கிஸ்தானிலிருந்து அனுமதியுடன் இந்தியாவுக்கு வருகிறவர்கள் இரண்டு வகையினர். இந்தியாவில் உள்ள தங்களின் குல தெய்வங்களைக் கும்பிடவும், இந்துமதப் புனித இடங்களைக் கண்டு களிக்கவும் வருகிறவர்கள் ஒருவகை. பாக்கிஸ்தான் காவல்துறையும், அரசு அதிகாரிகளும், கொள்ளைக் காரர்களும், கொலைகாரர்களும், இந்துப் பெண்களைக் கடத்துவோரும் செய்யும் அட்டூழியம் தாங்கமாட்டாமல் அனுமதி பெற்றும் பெறாமலும் இந்தியாவுக்குள் வருவோர் இன்னொருவகை.

பாக்கிஸ்தானிலுள்ள இந்துக்களில் அதிகம் பேர் சிந்து மாகாணத்தில் தான் வாழ்கின்றனர். அங்கு மிர் புர்காஸ் பகுதியிலுள்ளவர்களுக்கு இஸ் லாமியர் இழைக்கும் கொடுமை தாங்காமல் கடந்த 5 மாத காலத்தில் 20 குடும்பத்தினர் இந்தியாவை நோக்கி வந்துவிட்டனர். 18 குடும்பங்கள் இந்தியா வுக்கும், மேலும் சில குடும்பங்கள் துபாய்க்கும் ஓடிவிட் டனர். அதே சமகாலத்தின் மிர்புர்காஸில் உள்ள 70 இந்துக் குடும்பங்களின் வீடுகளில் கன்னம் வைத்துத் திருடிவிட்டனர்.

பணத்துக்காகக் கடத்தப்பட்ட 2 இந்து இளைஞர்கள் பணம் தர முடியாததால் கொல்லப்பட்டுவிட்டனர். இரண்டு பெரிய இந்து வணிகர்களைக் கடத்திச் சென்று கொடுமை செய்து கோடிக்கணக்கான ரூபாயைப் பெற்றுக்கொண்டு விடுவித்தனர்.

சிந்து மாகாணம் ஜகோபபாத் என்ற ஊரைச் சார்ந்த 14 வயதுள்ள இந்துப் பெண்ணை, 7.8.12 அன்று கடத்திச் சென்று கற்பழித்துக் கொடுமை செய்தனர். அப்பெண்ணின் கதி பற்றி இன்றுவரை ஏதும் தெரியவில்லை.

இவ்வளவு கொடுமைகளையும் விளக்கி இந்து பஞ்சாயத்துத் தலைவர் இலட்சுமண்தாஸ் பெர்வா னியும்; சிந்து சட்டமன்ற முன்னாள் உறுப்பினரான இன்னொரு பெர்வானியும் பாக்கிஸ்தான் அதிகாரி களிடம் முறையிட்டும் ஒரு நடவடிக்கையும் எடுக்கப்பட வில்லை. இவற்றைக் கேட்கவே உள்ளம் நடுங்குகிறது (The New Indian Express, 13.8.2012, Page 9).

இந்து, இஸ்லாம், கிறித்துவ மதங்கள், “ஆண்டவன் படைப்பில் அனைவரும் சமம்” என்றே கூறுவதாக மதவாதிகள் சாதிக்கின்றனர்.

‘ஜிகாத்’ என்பது மதமாற்றப் போராட்டமல்ல; “புனிதப் பயணம்” என்று இஸ்லாம் கற்பிக்கிறது.

“வலக் கன்னத்தில் அறைந்தால் இடக் கன்னத்தையும் திருப்பிக்காட்டு” என்று இயேசு உரைத்தார் என, கிறித்துவ மதம் கற்பிக்கிறது.

இந்து மதம் அப்படிச் சொல்லுவது இல்லை. “பிறவியில், மனிதருள், உயர்வு, தாழ்வு உண்டு” என்றே கற்பிக்கிறது.

அமெரிக்கரும், இந்தியர்களும், பாக்கிஸ்தானி யரும் - அந்நாடுகளின் அரசுகளும், மக்களும் காட்டு விலங்காண்டிக் காலத்துக்கே இன்றைய மக்களை இழுத்துச் செல்லுகிறார்கள்.

இவர்களை இழுத்துக் கீழே போட்டுத் துவைக்க வேண்டியவர்கள் மக்களே! மக்களே!

 வே. ஆனைமுத்து

Pin It

அரியானா மாநிலம் குர்கான் மாவட்டத்தில் மானே சரில் 200 ஏக்கர் பரப்பில் அமைந்துள்ள மாருதி சுசுகி மகிழுந்துச் தொழிற்சாலையில் கடந்த சூலை 21ஆம் நாள் கதவடைப்புச் செய்யப்பட்டது. அது ஒரு மாதம் கழித்து - ஆகசுட்டு 21 அன்று மீண்டும் இயங்கத் தொடங்கியுள்ளது.

3000 தொழிலாளர்கள் வேலை செய்த - ஒரு நாளைக்கு 1500 மகிழுந்துகள் இரண்டு ஷிப்டுகளில் உற்பத்தி செய்த மாருதி சுசுகி தொழிற்சாலையில் 21.8.2012 அன்று 300 தொழிலாளர்களைக் கொண்டு ஒரு ஷிப்டு மட்டும் இயக்கி 150 மகிழுந்துகள் மட்டும் உற்பத்தி செய்யத் தொடங்கி இருக்கிறது.

மாருதி சுசுகி தொழிற்சாலையில் மொத்தம் 3300 தொழிலாளர்கள் வேலை செய்தனர். இவர்களில் 1600 பேர் நிலையான தொழிலாளர்கள். மற்றவர்கள் ஒப்பந்தத் தொழிலாளர்கள். இவர்கள் தவிர்த்து மேற்பார்வையாளர்கள், மேலாளர்கள் என 700 பேர் வேலை செய்கின்றனர். இப்போது மாருதி நிருவாகம் நிலையான தொழிலாளர்கள் 500 பேரை வேலை யிலிருந்து நீக்கிவிட்டது. ஆயிரத்துக்கும் மேற்பட்ட தொழிலாளர்கள் மீது கொடிய குற்றவியல் பிரிவுகளின் கீழ் வழக்குகள் போட்டுள்ளது. மாருதி நிறுவனம் போர்க்கோலம் பூண்டு தொழிலாளர்களை இவ்வளவு கடுமையாக ஒடுக்குவதும், தண்டிப்பதும் ஏன்?

18.7.2012 அன்று காலை 8.30 மணிக்கு மாருதி தொழிற்சாலையில் ஜியாலால் என்ற தலித் தொழி லாளியைச் சங்ராம்குமார் என்ற மேற்பார்வையாளர் அவருடைய சாதியின் பெயரைச் சொல்லித் திட்டினார். இதையடுத்து இவர்கள் இருவருக்கும் இடையே கடுமையான வாய்ச் சண்டையும் கைகலப்பும் நடந்தது. அந்த மேற்பார்வையாளர் மாருதி நிர்வாகத் திடம் ஜியாலால் குறித்துப் புகார் தெரிவித்தார். ஜியாலாலும் தொழிற்சங்கத்தில் தன் சாதியைச் சொல்லிச் சங்ராம் குமார் இழிவுபடுத்தியதாகத் தெரிவித்தார்.

மாருதி நிருவாகம் ஜியாலாலை அழைத்து என்ன நடந்தது என்று விளக்கம் கேட்டிருக்க வேண்டும். அல்லது தொழிற்சங்கப் பொறுப்பாளர்களுடன் இது குறித்துப் பேசியிருக்க வேண்டும். ஆனால் இவ்வாறு செய்யாமல் ஜியாலாலைப் பணியிலிருந்து இடை நீக்கம் செய்வதாக அதிரடியாக அறிவித்தது. இந்த அநீதியை அறிந்து தொழிலாளர்கள் கொதிப்படைந் தனர். எனவே தொழிற்சங்கத்தின் பொறுப்பாளர்கள் மாருதி நிருவாக அதிகாரிகளைச் சந்தித்தனர். நடவடிக் கை எடுப்பதானால் மேற்பார்வையாளர், தொழிலாளி இருவர் மீதும் எடுக்க வேண்டும். இல்லாவிடில் ஜியாலாலின் பணி இடைநீக்க ஆணையைத் திரும்பப் பெற வேண்டும் என்று வலியுறுத்தினர்.

பேச்சுவார்த்தையில் கலந்துகொண்ட அதிகாரிகள் பணிஇடைநீக்கத்தை விலக்கிக் கொள்ள இசைந்தனர். ஆனால், தம் மேலதிகாரிகளுடன் தொலைப்பேசியில் பேசிய பிறகு தம் முடிவிலிருந்து பின்வாங்கினர். இச் செய்தியை அறிந்த தொழிலாளர்கள் பொறுமையிழந் தனர். அந்நிலையில் பேச்சுவார்த்தையில் ஈடுபட்டி ருந்த தொழிற்சங்கத் தலைவர்களை மாருதி நிறு வனத்தின் அடியாட்கள் கடுமையாக மிரட்டியதாகக் கூறப்படுகிறது. அதனால் தொழிலாளர்கள் தங்கள் கையில் கிடைத்த பொருள்களை எடுத்து தொழிற் சாலையின் இயந்திரங்களைத் தாக்கினர். மேலதிகாரி களையும் அடித்தனர். இந்தக் கலவரத்தில் மூண்ட தீயில் மாருதி சுசுகி ஆலையின் மனிதவளத்துறைப் பொது மேலாளர் அவனிஷ் குமார் காலில்பட்ட காயம் காரணமாகத் தப்பிக்க முடியாமல் தீயில் சிக்கி மாண்டார். பலர் காயமடைந்து மருத்துவமனையில் சேர்க்கப்பட்டனர். இவர்களில் 35 பேர் பல்வேறு துறைகளைச் சேர்ந்த மேலாளர்கள் என்று மாருதி நிருவாகம் கூறியது.

தொழிலாளர்கள் திட்டமிட்டே மேலாளர் அவனிஷ் குமாரைக் கொலை செய்தனர்; மேலதிகாரிகளையும், தொழிற்சாலையின் இயந்திரங்களையும் தாக்கினர் என்று மாருதி நிருவாகம் அளித்த அறிக்கையை ஊடகங்கள் அப்படியே வெளியிட்டன. தொழிலாளர் களின் கொலைவெறிச் செயலால் அயல்நாடுகளி லிருந்து மூலதனம் வருவது தடைப்படும் என்று பெருமுதலாளிகளின் - வணிகர்களின் அமைப்பான அசோசேம் ஒப்பாரி வைத்தது. ஆயினும் அடுத்த சில நாள்களில் - குறிப்பாக ஆங்கிலச் செய்தி ஏடுகளில் மாருதி நிருவாகத்தின் புறக்கணிப்பாலும், அடக்கு முறைகளாலும் தொழிலாளர்களிடம் கனன்று கொண்டி ருந்த மனக்குமுறல், சூலை 18 அன்று வெடிக்கும் நிலைக்குத் தள்ளப்பட்டது எப்படி என்பது குறித்து விரிவான செய்திகள் வெளிவந்தன.

சுசுகி சப்பான் நாட்டின் பன்னாட்டு நிறுவனம். அதன் மொத்த மகிழுந்து உற்பத்தியில் 48 விழுக்காடு இந்தியாவின் மாருதி சுசுகி ஆலையில் நடைபெறு கிறது. சொகுசு வகை மகிழுந்துகளான சுவிப்ட், டிசைனர், ஏ-ஸ்டார், செடான் ஆகியவை மானேசர் ஆலையில் தயாரிக்கப்படுகின்றன. அரியானாவில் உள்ள குர்கான் - மானேசர் - பவால் பகுதிகளில்தான் இந்தியாவின் ஆட்டோமொபைல் உற்பத்தியில் 60 விழுக்காடு நடைபெறுகிறது. இந்திய அளவில் ஆண்டிற்கு 30 இலட்சம் மகிழுந்துகள் தயாரிக்கப்படு கின்றன.

இந்தியாவின் மக்கள் தொகை 121 கோடி. இதில் 3இல் 1 பகுதியினராக உள்ள 40 கோடி மக்கள் உயர் வருவாய்ப் பிரிவினராக உள்ளனர். இவர்களுக்கான நவீன நுகர்வுப் பொருள்களைத் தயாரிப்பதைக் குறிவைத்தே அயல்நாட்டு மூலதனங்கள் இந்தியாவுக் குள் குவிகின்றன. இதுவே நாட்டின் வளர்ச்சிக்கு ஊற்றுக்கண் என்று நடுவண் அரசும் மாநில அரசுகளும் போட்டி போட்டுக் கொண்டு பன்னாட்டு நிறுவனங்களுக்குப் பலவகையான சலுகைகளையும் நிலங்களையும் அளித்து வருகின்றன. எனவே மகிழுந்து உள்ளிட்ட பல்வேறு ஊர்திகள் தயாரிக்கும் தொழிற்சாலைகள் பெருகியுள்ளன. 2004-05இல் 85 இலட்சமாக இருந்த வாகன உற்பத்தி, 2011-12இல் 204 இலட்சமாக உயர்ந்திருக்கிறது.

ஆனால் இதுபோன்ற பன்னாட்டு நிறுவனங்களில் - இந்தியப் பெருமுதலாளிகளின் தொழில் நிறுவனங் களில் - ஆலைகளில் வேலை செய்யும் தொழிலாளர் களின் வருவாயும் வாழ்நிலையும் சீரழிந்து வரு கின்றன. தொழிலாளர்களின் உரிமைகள் பறிக்கப்படு கின்றன. அரசுகளும் காவல்துறையும், முதலாளிய நிறுவனங்களும் கூட்டாகத் தொழிலாளர்கள் மீது அடக்குமுறைகளைக் கட்டவிழ்த்து விடுகின்றன.

1973-74ஆம் ஆண்டில் மூன்று இலட்சம் வேலை நிறுத்தங்கள் நடந்தன. 2010ஆம் ஆண்டில் 429 வேலை நிறுத்தங்கள் மட்டுமே நடந்தன. பெருமுதலாளிகளின் கருணையால் தொழிலாளர் களின் குறைகள் அனைத்தும் நீங்கி, அவர்கள் இன்பவாழ்வில் தோய்ந்திருப்பதன் அறிகுறியா இது? தாராளமயம், தனியார்மயம், உலக மயம் என்ற பெயரில் அரசுகளும் பெருமுதலாளிகளும் தொழி லாளர் வர்க்கத்தை எந்த அளவுக்கு அடக்கி அச்சுறுத்தி ஆட்டிப்படைக்கின்றனர் என்பதன் அடையாளம் அல்லவா இது!

1981-1995க்கு இடைப்பட்ட 15 ஆண்டுகள் காலத்தில் தொழிலாளர்களின் ஊதியம் பணவீக் கத்தின் உயர்வுக்குச் சரி செய்யப்பட்ட (Inflation -

adjusted wages) பின்னரும் 40 விழுக்காடு உயர்ந்திருந்தது. ஆனால் அடுத்த 15 ஆண்டு களில் (1995-2010) இந்த அளவுகோலின்படி இதற்கு நேர் எதிரான போக்கில் தொழி லாளர்களின் ஊதியம் தலைகீழாக 15 விழுக்காடு குறைந்துள்ளது (பொருளாதார வல்லுநர் சி.பி. சந்திரசேகர்).

இதை வேறுவகையில் கூறுவதாயின், 1981-95 களில் உற்பத்தி செய்யப்பட்ட பொருளின் மதிப்பில் தொழிலாளர்களின் ஊதியம் 30.3 விழுக்காடாக இருந்தது. கடந்த 15 ஆண்டுகளில் இது 11.6 விழுக்காடாகக் குறைந் துள்ளது. அதேசமயம், நிறுவனங்களின் இலாபம் 56.2 விழுக்காட்டிலிருந்து 140 விழுக்காடாக அதிகரித்துள்ளது (ஃபிரண்ட்லைன், 24.8.2012).

இந்நிறுவனங்களின் நிகர இலாபம் எப்படி திடீரென இவ்வளவு உயர்ந்தது? தொழிலாளர்களுக்கு முறைப் படித் தரவேண்டிய ஊதியத்தைக் களவாடியதுதான் முதல் காரணம். இதைத்தான் மார்க்சு மிகை மதிப்பின் குவிப்பே திருட்டே? மூலதனம் என்றார். நிலையான தொழிலாளர்களின் எண்ணிக்கையைக் குறைத்து ஒப்பந்தத் தொழிலாளர்களின் எண்ணிக்கை யை உயர்த்தியது மற்றொரு வகையான கள்ளத் தனம். 2000ஆம் ஆண்டில் 38 விழுக்காடாக இருந்த தற்காலிக - ஒப்பந்தத் தொழிலாளர்களுக்கு நிலை யான தொழிலாளர்களுக்கு அளிக்கும் சம்பளத்தில் பாதி கூடத் தரப்படுவதில்லை. மருத்துவ உதவி, தொழிலாளர் நலச் சேமிப்புப் போன்ற செலவுகளைச் செய்ய வேண்டியதில்லை.

கடந்த அய்ந்து ஆண்டுகளில் மாருதித் தொழி லாளர்களின் ஊதியம் 5 விழுக்காடு மட்டுமே உயர்ந்துள்ளது. இதே காலத்தில் நுகர்வோர் குறியீட்டு எண் 50 விழுக்காடாக உயர்ந்துள்ளது. (EPW. 11.8.12) தொழிலாளர்களின் உண்மை ஊதியமும் வாழ்க் கைத் தரமும் எந்த அளவுக்கு வீழ்ச்சியடைந் திருக்கிறது என்பதை இதன் மூலம் நன்கு உணர லாம். அதேசமயம் கடந்த பத்து ஆண்டுகளில் மாருதியின் ஓராண்டின் மொத்த வருவாய் ரூ.900 கோடியிலிருந்து ரூ.36000 கோடியாக அதிகரித்துள்ளது. மாருதி நிறுவனமே அறிவித் துள்ள கணக்கின்படி, இதேகாலத்தில் வரி விதிப் புக்குப் பிந்தைய நிகர இலாபம் ரூ.105 கோடியி லிருந்து ரூ.2289 கோடியாக (2200 விழுக் காடு) உயர்ந்துள்ளது. 2007ஆம் ஆண்டில் மாருதி சுசுகியின் மேலாண்மை இயக்குநர் பெற்ற ஆண்டு வருவாய் ரூ.47.3 இலட்சம். 2010-11இல் இவரது ஊதியம் 2.45 கோடி. அதாவது 419 விழுக்காடு உயர்வு.

மாருதி சுசுகி ஆலையில் மேம்படுத்தப்பட்ட தொழில் நுட்பத்தின் வேகத்திற்கு ஏற்பத் தொழிலாளர்களின் உழைப்பு கசக்கிப் பிழியப்பட்டதே கடந்த பத்து ஆண்டுகளில் இதன் இலாபம் 22 மடங்கு உயர்ந் ததற்கு முதன்மையான காரணமாகும். 50 நொடிக் குள் ஒரு மகிழுந்து தயாராவிட வேண்டும். எனவே ஒவ்வொரு தொழிலாளரும் அப்படி இப்படிக்கூடப் பார்க்க முடியாத அளவுக்குக் கடுமையாக வேலை வாங்கப்பட்டனர். வார விடுமுறை நாள் தவிர ஓராண்டிற்கு ஒன்பது நாள்கள் மட்டுமே தொழிலா ளர்கள் விடுமுறை எடுக்க முடியும். இதற்குமேல் ஒரு நாள் விடுப்பு எடுத்தால், ரூ.1500 சம்பளத்தில் பிடித்தம் செய்யப்படும். இதைப்போலவே வேலைக்கு ஒரு நிமிடம் காலம் கடந்து வந்தால் அரை நாள் சம்பளம் வெட்டு. சம்பளம் இல்லை என்பதால் அந்த அரைநாள் சும்மா இருக்க முடியாது. முழு நாளும் வேலை செய்தாக வேண்டும். உணவு இடைவேளை 30 நிமிடம். கழிப்பறைக்குச் செல்ல 7.5 நிமிடம். கழிப்பறையும் கேண்டீனும் அரை கி.மீ. தொலைவில் உள்ளன. எல்லா இடங்களிலும் கண்காணிப்பு கேமராக்கள். இவ்வாறாக மார்க்சு குறிப்பிட்டுள்ளது போல், தொழிலாளர்கள் உணர்ச்சியற்ற சடப்பொரு ளாக - நடமாடும் பிண்டங்களாக - இயந்திரத்தின் துணை உறுப்பாக ஆக்கப்பட்டுவிட்டார்கள்.

மாருதி நிறுவனத்தின் கட்டுப்பாடு சுசுகியின் முழுக் கட்டுப்பாட்டுக்கு வந்தபின், ‘மாருதி உத்யோக் கம்கார் யூனியன்’-மாருதி நிறுவனத் தொழிலாளர் சங்கம் என்ற கைக்கூலிச் சங்கத்தைச் சுசுகி நிருவாகம் 2001-இல் உருவாக்கியது. பத்து ஆண்டுகளுக்கும் மேலாக இச்சங்கத்தில் தேர்தலே நடத்தப்படவில்லை.

18.7.2012 அன்று மாருதி சுசுகி மகிழுந்து தொழிற்சாலையில் ஏற்பட்ட கலவரத்தில், பொது மேலாளர் அவனிஷ் குமார் தீயில் சிக்கி மாண்டதைத் தொழிலாளர்களின் திட்டமிட்ட கொலையேயாகும் என்று மாருதி நிறுவனம் கூறியது. தினமணி நாளேடு போன்ற சிலவும் ‘எரித்துக் கொலை செய்யப்பட்டார்’ என்றே எழுதின. மேலாளரின் இறப்பு, தொழிலாளர் களையும் அதிர்ச்சியடையச் செய்தது என்பதே உண்மை என்று நேரில் சென்று ஆய்வு செய்த ஊடகவியலாளர்கள் பலரும் கூறுகின்றனர். மேலதி காரியைக் கொன்றால் அதன் விளைவு எவ்வளவு கொடியதாக இருக்கும் என்பதைத் தொழிலாளர்களும் அறிவார்கள். இப்போது காவல்துறை நூற்றுக்கும் மேற்பட்ட தொழிலாளர்களைக் கைது செய்துள்ளது. மாருதி சுசுகி நிறுவனம் நிலையான தொழிலாளர்கள் 500 பேரையும் ஒப்பந்தத் தொழிலாளர்கள் 500 பேரையும் பணிநீக்கம் செய்துள்ளது.

தொழிலாளர்கள் அறவழியில் அமைதியான முறையில் போராட வேண்டும் என்று சில ஏடுகள் அறிவுரை கூறியுள்ளன. ஆனால் இந்த ஏடுகள் பெருமுதலாளிய நிறுவனங்களும், காவல்துறையும், தொழிலாளர் நலத் துறையும், அரசும் கூட்டாகச் சேர்ந்து தொழிலாளர்களின் உரிமைகளை ஒடுக்குவது பற்றியோ, வாழ்வாதாரங்களை நசுக்குவது பற்றியோ வாய்திறப்பதில்லை.

பொருள்கள் தயாரிக்கும் தொழிற்சாலைகளில் இந்தியாவில் 5 கோடி தொழிலாளர்கள் வேலை செய்கின்றனர். இந்தியாவில் 18 முதல் 60 அகவை வரையிலான உழைக்கும் ஆற்றல் உடைய மக்களில் (Work force) இவர்கள் 11 விழுக்காடு மட்டுமே ஆவர். ஆனால் தனியார்மயம் தாராளமயத்தின் பேரால் இவர்கள் அடிமை நிலைக்குத் தள்ளப்பட்டு வருவது பற்றி ‘அகிம்சையை உபதேசிப்போர்’ வாய்மூடி இருப்பது ஏன்?

வாகன உற்பத்தியில் 60 விழுக்காடு நடைபெறும் குர்கான், மற்றும் அதைச் சுற்றியுள்ள பகுதிகளில் அரசின் ‘ஆசீர்வாதத்துடன்’ காவல்துறையும், முத லாளிய நிறுவனங்களின் அடியாள்களும், வெளியார் குண்டர் படையும் உரிமைக்குப் போராட முன்வரும் தொழிலாளர்களைக் காட்டுமிராண்டித்தனமாகத் தாக்கி வருகின்றனர். 2005ஆம் ஆண்டு குர்கானில் ஹோண்டா மோட்டர் தொழிற்சாலையில் தொழிற்சங்க உரிமைக்காகப் போராடிய தொழிலாளர்களை - தொழிற்சாலையில் குருதி வெள்ளம் பாய்ந்தோடும் அளவுக்குத் தாக்கினர். ஆனால் இன்றும் 63 தொழி லாளர்கள் மீது கொலைக் குற்ற வழக்கு உள்ளது. தாக்கிய காவல்துறையினர் மீதோ, நிருவாகத்தினர் மீதோ ஒரு வழக்கும் போடப்படவில்லை. நீதித் துறையும் இக்கொடுமைகளுக்குத் துணைபோகிறது.

கைக்கூலித் தொழிற்சங்கத்திற்கு மாற்றாகத் தங்கள் உரிமைகளைப் பாதுகாத்திடத் தனியாகத் தொழிற்சங்கம் அமைப்பதற்காக 2011ஆம் ஆண்டு கோடையில் மாருதித் தொழிலாளர்கள் நான்கு மாதங்கள் பல்வேறு வகையான போராட்டங்களை அமைதியான முறையில் நடத்தினார்கள். மாருதி நிருவாகம் 33 நாள்கள் ஆலையைக் கதவடைப்புச் செய்தது. தொழிலாளர்களின் உறுதியான போராட் டத்தின் விளைவாகப் புதிய சங்கம் அமைக்கப்பட்டது. முறைப்படி தேர்தல் நடந்தது. ஆனால் தொழிற்சங்கப் பொறுப்பாளர்களை மாருதி நிருவாகம் துரும்பாகக் கூட மதிக்கவில்லை. மேலும் நிலையான தொழிலாளர்கள், ஒப்பந்தத் தொழிலாளர்களின் ஊதிய உயர்வுக்காகவும் - ‘ஒரே பணிக்கு ஓரே ஊதியம்’ என்ற கோட்பாட்டின் படிப் போராடினர். இவ்வாறாகக் கடந்த ஓராண்டாக மாருதி தொழிலாளர்களிடையே நிருவாகத்தின் போக்கால் ஏற்பட்ட மனக்குமுறல் சூலை 18 அன்று வெடித்தது.

முதலாளிகளின் நலன்களைப் பேணுவதற்காக என்று மட்டுமே இந்த அரசும், ஆட்சி நிருவாகமும், காவல்துறையும் செயல்படுகின்ற இப்போதைய போக்கு இப்படியே நீடித்தால், சூலை 18 அன்று மானேசரில் தொழிலாளர்கள் நடத்திய தாக்குதல்களும் நீடிக்கும். ஆளும் வர்க்கம் இதை ஓர் எச்சரிக்கையாக எடுத்துக் கொள்வது அதற்கும் மக்களுக்கும் நாட்டுக்கும் நல்லது.

Pin It

டேவிஸ் : டேய்! ராமானுஜம் எங்கேடா புறப்பட்டு விட்டாய்?

ராமானுஜம் : எங்கள் சொந்த ஊருக்குப் போகிறேன்.

டேவிஸ் : உங்கள் சொந்த ஊருக்கா? எதற்காகப் போகிறாய்?

ரா-ம் : அடடே! என்ன இப்படிக் கேட்கிறாய். தீபாவளிப் பண்டிகை வருகிறதல்லவா, அதற்காகப் போகிறேன்.

டேவிஸ் : என்ன பண்டிகை?

ரா-ம் : தீபாவளிப் பண்டிகை.

டேவிஸ் : தீபாவளியா? அது என்ன பண்டிகை யப்பா? எதற்காக அதைக் கொண்டாடுவது?

ரா-ம் : அப்படிக் கேளு, சொல்லுகிறேன். தீபாவளி என்பது உலகத்துக்குக் கேடு விளைவித்த ஒரு அசுரன், கடவுளால் கொல்லப்பட்ட நாளை மக்கள் கொண்டாடுவதாகும். அதை நீயும் கொண்டாடலாம். இப்பொழுது வெள்ளையனை ஒழித்த நாளை நாம் சுதந்தர நாளாகக் கொண்டாடவில்லையா அதுபோல்.

டேவிஸ் : அப்படியா அந்த அசுரன் யார்? அவன் எப்படி உலகுக்குக் கேடு செய்தான்? அந்தக் காலத்தில் அணுகுண்டு இருந்திருக்காதே. இந்தக் காலத்தில் அணு குண்டு வைத்திருப்பவனையும், இன்னும் மக்கள் சமுதாயத்துக்கு என்ன என்னமோ கேடு செய்கிறவர் களையும் பற்றி நாம் ஒன்றுமே பேசுவதில்லை. அப்படி இருக்க அந்த அசுரன் யார்? அவன் என்ன கேடு செய்தான்?

ரா-ம் : அந்த அசுரன் பெயர் நரகாசூரன். அவன் பூமியிலிருந்து பிறந்தவன். அவன் தகப்பன் மகா விஷ்ணு. அவன் தேவர்களுக்குத் தொல்லை கொடுத் தான். அதனால் மகாவிஷ்ணுவும் அவர் மனைவியும் சேர்ந்து அவனைக் கொன்றுவிட்டார்கள். இனி எவரும் தேவர்களுக்குத் தொந்தரவு கொடுக்கக் கூடாது என்ப தை மக்களுக்கு ஞாபகப்படுத்துவதற்கு ஆக அவன் செத்த நாளைக் கொண்டாடுவது, தெரிந்ததா? இதுதான் தீபாவளித் தத்துவம்.

டேவிஸ் : தெரிந்தது. ஆனால், அதை விளங்கிக் கொள்ள வேண்டும் என்று என் மனம் ஆசைப்படு கிறது. அதாவது, அவன் மகாவிஷ்ணுவுக்கும் பூமிக் கும் எப்படிப் பிறக்க முடியும்? பூமியானது மண்கல் உருவத்தில் இருந்தது. மகாவிஷ்ணுவுக்கு பூமியுடன் எப்படிக் கலவி செய்ய முடிந்தது? பூமி எப்படி கர்ப்பம் தரிக்கும்? அதற்கு எப்படிப் பிள்ளை பிறக்கும்? எனக் குப் புரியவில்லையே?

ரா-ம் : அட பயித்தியக்காரனே! மகாவிஷ்ணு நேராகவா போய் கலவி செய்வார். அதற்கு அவருக்கு மனைவிகள் இல்லையா? ஆதலால் அவர் நேராகக் கலவி செய்யவில்லை; மகாவிஷ்ணு பன்றி உருவ மெடுத்தார்.

டேவிஸ் : பொறு, பொறு. இங்கே கொஞ்சம் விளக் கம் தேவை; மகாவிஷ்ணு பன்றி உருவம் ஏன் எடுத்தார்.

ரா-ம் : அதுவா, சரி! சொல்லுகிறேன் கேள். இரண் யாட்சதன் என்று ஒரு இராட்சதன் பூமியைப் பாயாகச் சுருட்டிக்கொண்டு கடலுக்குள் போய் ஒளிந்து கொண் டான்.

டேவிஸ் : பொறு, பொறு; ஓடாதே; இங்கே எனக்கு ஒரு மயக்கம்.

ரா-ம் : இதிலென்னப்பா மயக்கம்? நான்தான் தெளிவாகச் சொல்லுகிறேனே; பூமியைப் பாயாகச் சுருட்டி எடுத்துக் கொண்டு சமுத்திரத்துக்குள் ஓடி ஒளிந்து கொண்டான் என்று.

டேவிஸ் : சரி, அது அர்த்தமாச்சுது.

ரா-ம் : பின்னே, எது அர்த்தமாகவில்லை? சும்மா தொல்லை கொடுக்கிறாயே?

டேவிஸ் : தொல்லை ஒன்றுமில்லை; உன் சங்கதி தான் என் மூளைக்குத் தொல்லை கொடுக்கிறது; தலை சுற்றுகிறது; அதாவது ஒரு இராட்சதன் - அப்டீன்னா என்ன? அது கிடக்கட்டும். அவன் பெயர் இரண்யாட்சதன். அதுவும் போகட்டும். அவன் கதை அப்புறம் கேட்போம். அந்த இராட்சதன் பூமியை எப்படிச் சுருட்டினான்? பூமிதான் பந்து போல் இருக்கிறதே! அவன் அதைச் சுருட்டுவதானால் ஒரு சமயம் உருட்ட முடியுமே ஒழிய, சுருட்ட முடியாது. அதுவும் போகட்டும்; சுருட்டினான் என்கிறாய். சுருட்டி னான் என்றே வைத்துக் கொள்வோம். சுருட்டினானே அவன், சுருட்டும்போது தான் எங்கே இருந்துகொண்டு சுருட்டினான்? சுருட்டிக் கொண்டு ஓடினானே, எதன் மேல் நடந்து ஓடினான்? ஆகாயத்தில் பறந்துகொண்டே சுருட்டி இருக்கலாம்! ஆகாயத்திலே பறந்துகொண்டே ஓடி இருக்கலாம்! கருடன் மகாவிஷ்ணுவையும் அவர் பெண்டாட்டியையும் தூக்கிக்கொண்டு பறப்பதுபோல் பறந்து இருக்கலாம்! ஆனால், அவன் சமுத்திரத்திற்குள் ஒளிந்துகொண்டான் என்றாயே; அந்த சமுத்திரம் எதன் மேல் இருந்தது? பூமியின் மேல் இல்லாமல் அதுவும் ஆகாயத்தில் தொங்கிக்கொண்டோ அல்லது பறந்துகொண்டோ இருந்தது என்றால் சமுத்திரம் தண்ணீர் ஆயிற்றே, அது ஒழுகிப்போய் இருக்காதா? அப்போது அடியில் ஒளிந்து கொண்டிருப்பவன் தொப் பென்று கீழே பூமியுடன் விழுந்திருக்க மாட்டானா? அல்லது அது வேறு உலகம், இது வேறு உலகமா? நமக்கு ஒன்றும் புரியவில்லையே? இதை எனக்குப் புரிய வைக்க வேண்டும்; நாமும் பி.ஏ., 2வது வருஷம் பூகோளம், வானநூல் சைன்ஸ் படித்தவர்கள்; ஆத லால் இந்த சந்தேகம் வருகிறது. நாம் படிக்காத மடையர்களாய் இருந்தால் குற்றமில்லை. சற்றுச் சொல்லு பார்ப்போம்.

ரா-ம் : இதெல்லாம் பெரியோர்கள் சொன்ன விஷயம். சாஸ்திரங்கள் சொன்ன விஷயம். மதத் தத்துவம். ஆதலால் இவைகளை இப்படியெல்லாம் கேட்கக்கூடாது. நாஸ்திகர்கள்தான் இப்படிக் கேட் பார்கள். கருப்புச் சட்டைக்காரர்கள்தான் இப்படிக் கேட்பார்கள். இத்தனை ஆயிரம் காங்கிரஸ்காரர்கள் இருக்கிறார்களே, ஒரு ஆள் இப்படிக் கேட்பாரா? சோஷியலிஸ்டுகளில் ஒரு ஆள் இப்படிக் கேட்பாரா? நீதான் இப்படிக் கேட்கிறாய்; நீ கருப்புச் சட்டைக்காரன் தான் சந்தேகமில்லை.

டேவிஸ் : நீ என்னப்பா இப்படிப் பேசறே. பி.ஏ. படிக்கிறவனாகத் தெரியவில்லை; பூமிக்குப் பிறந்தான் என்றாய்! பூமியைப் பாயாகச் சுருட்டிக் கொண்டு போனான் என்கிறாய்! எப்படிப் பிறந்தான்? எப்படித் தூக்கிக் கொண்டு-எப்படிப் போனான்? என்றால், கோபப்படுகிறாய்! இந்தக் கதையைப் பண்டிகையாக வைத்துக் கோடிக்கணக்கான மக்கள் கொண்டாடுகிறார் கள் என்கிறாய். சர்க்கார் இதற்கு லீவு விடுகிறது. பல லட்சம் பிள்ளைகள் அன்று படிப்பதைவிட்டுத் தெரு சுற்றுகிறார்கள்; இவ்வளவு பெரிய சங்கதியைக் கேட்டால் என்னைக் கருப்புச் சட்டை என்கிறாய்; கருப்புச் சட்டை போடாதவனுக்குப் புத்தியே இருக்கக் கூடாதா? புத்தி கருப்புச் சட்டைக்குத்தான் சொந்தமா? சரி அதிருக்கட்டும் அப்புறம் அவன் ஓடிப்போய் சமுத்திரத்தில் ஒளிந்துகொண்டான்; அப்புறம்?

ரா-ம் : ஒளிந்துகொண்டான்; பூமியில் இருந்தவர் கள் எல்லாம் போய் மகாவிஷ்ணுவிடம் முறையிட்டார்கள்.

டேவிஸ் : இரு, இரு இது, பூமியைச் சுருட்டின போது பூமியில் இருந்தவர்கள் ஓடிவிட்டார்களோ? நோட்டீஸ் கொடுத்துவிட்டுத்தான் சுருட்டினானோ?

ரா-ம் : நீ என்னப்பா சுத்த அதிகப் பிரசங்கியாக இருக்கிறே! ஓடிப்போய் முறையிட்டார்கள் என்றால், “எப்படிப் போனார்கள்” “வெங்காயம் வீசை என்ன விலை” “கருவாடும் கத்தரிக்காவும் போட்டுக் குழம்பு வெச்சால் நல்லா இருக்குமா?” என்பது போன்ற அதிகப் பிரசங்கமான கேள்விகளை முட்டாள்தனமா கேட்கிறாயே?

டேவிஸ் : இல்லை, இல்லை கோபித்துக் கொள்ளாதே! சரி; சொல்லித்தொலை. முறையிட்டார்கள், அப்புறம்?

ரா-ம் : முறையிட்டார்கள், அந்த முறையீட்டுக்கு இரங்கி, பகவான் மகாவிஷ்ணு உடனே புறப்பட்டார். சமுத்திரத்தினிடம் வந்தார். பார்த்தார் சுற்றி; எடுத்தார் பன்றி அவதாரம்; குதித்தார் தண்ணீரில்; கண்டார் பூமியை; தன் கொம்பில் அதைக் குத்தி எடுத்துக் கொண்டு வந்து விரித்தார். புரிஞ்சுதா?

டேவிஸ் : புரியாட்டா, கோபித்துக் கொள்ளுகிறாய்; அதிகப் பிரசங்கி என்கிறாய்; சரி புரிந்தது; விரித்தார் பூமியை; பிறகு என்ன நடந்தது?

ரா-ம் : பிறகா, பூமியை விரித்தவுடன், அந்தப் பூமிக்கு ஒரு சந்தோஷம் ஏற்பட்டது. ஒரு குஷால் உண்டாயிற்று. பூமி அந்தப் பன்றியைப் பார்த்தது. அந்தப் பன்றி இந்தப் பூமியைப் பார்த்தது. அந்தச் சமயம் பார்த்து மன்மதன் இரண்டு பேரையும் கலவி புரியச் செய்துவிட்டான். அப்புறம் சொல்ல வேண்டுமா! கலந்தார்கள்; பிறந்தது பிள்ளை.

டேவிஸ் : சரி; இங்கே என் சொந்த சங்கதி கேட்கிறேன்; கோவிச்சுக்காதே.

ரா-ம் : சரி கேள்.

டேவிஸ் : வராகம் என்பது பன்றி. அது ஒரு மிருக ரூபம்; சரிதானா?

ரா-ம் : சரி.

டேவிஸ் : பூமி கல்மண் உருவம்; சரிதானா?

ரா-ம் : சரி.

டேவிஸ் : இது இரண்டும் எப்படிக் கலவி புரியும்? எப்படிக் கருத்தரிக்கும்?

ரா-ம் : பாத்தியா பாத்தியா; இதுதான் போக்கிரித் தனமான கேள்வி என்பது. கடவுள் பார்த்து எப்படி வேண்டுமானாலும் செய்யலாமல்லவா?

டேவிஸ் : என்னப்பா இராமானுஜம், பாத்தியா பாத்தியா என்று சாயபு மாதிரி பாத்தியா கொடுக்கிறே. இது ஒரு பெரிய செக்ஷுவல் சையன்சு சங்கதி. இதைக்கேட்டால் போக்கிரித்தனமான கேள்வி என் கிறாய்; சரி! இதைப்பற்றி பிரின்ஸ்பாலைக் கேட்கலாம். அப்புறம் அந்தப் பிள்ளை என்ன ஆச்சுது?

ரா-ம் : அந்தப் பிள்ளைதான் நரகாசூரன்.

டேவிஸ் : இந்தப் பெயர் அதற்கு யார் இட்டார்கள். தாய், தந்தையர்களா?

ரா-ம் : யாரோ ‘அன்னக்காவடிகள்!’ இட்டார்கள்? அதைப்பற்றி என்ன பிரமாதமாய்க் கேட்கிறாய்? எனக்கு அவசரம். நான் போகவேண்டும்; என்னை விடு.

டேவிஸ் : சரி போகலாம். சீக்கிரம் முடி. அப்புறம்?

ரா-ம் : அந்த நரகாசூரன் தேவர்களுக்குத் தொல் லை கொடுத்தான். அவனை மகாவிஷ்ணு கொன்றார்.

டேவிஸ் : அடப்பாவி! கடவுளுக்குப் பிறந்தவனா, தேவர்களுக்குத் தொல்லை கொடுத்தான்? அப்படி யென்றால் தேவர்கள் என்ன அவ்வளவு அயோக்கி யர்களா?

ரா-ம் : இல்லேப்பா. இந்த நரகாசூரனின் பொல்லாத வேளை. தேவர்கள் கிட்டே அவன் வாலாட்டினான். அவர்கள் சும்மா விட்டுவிடுவார்களா?

டேவிஸ் : அதற்காகத் தகப்பன் மகனுக்குப் புத்தி சொல்லாமல் ஒரே அடியாகக் கொன்றுவிடுவதா?

ரா-ம் : அது அவர் இஷ்டம். அதைக் கேட்க நாம் யார்? “தேவரனையர் கயவர் அவரும் தாம்-மேவன செய்தொழுகலான்” என்று நாயனார் சொல்லி இருக்கிறார். ஆதலால் நாம் அது ஏன், இது ஏன் என்று கேள்வி கேட்கலாமா?

டேவிஸ் : சரி கொன்றார். அதற்கும் தீபாவளிக்கும் என்ன சம்பந்தம்?

ரா-ம் : அதைக் கொண்டாட வேண்டிய அவசியம் ஏன் என்றால், இனிமேல் எவனும் தேவர்களுக்குத் தொல்லை கொடுக்கக் கூடாது என்பதற்காக, அதை ஞாபகத்தில் வைப்பதற்கு அதை நினைவூட்டுவதற்கு (ஆக) நாம் அடிக்கடி கொண்டாட வேண்டியது.

டேவிஸ் : தேவர்கள் எங்கிருக்கிறார்கள்?

ரா-ம் : வான் தேவர்கள் வானத்தில் (மேல் லோகத்தில்) இருக்கிறார்கள்; பூதேவர்கள் இந்தப் பூமியில் இருக்கிறார்கள்!

டேவிஸ் : இந்தப் பூமியில் இருக்கும் தேவர்கள் யார்?

ரா-ம் : அடமுட்டாள்! அதுகூடவா தெரியாது; அது தான் பிராமணர்கள். பிராமணர்கள் என்றாலே பூதே வர்கள்தானே. அகராதியைப் பார்.

டேவிஸ் : பிராமணர்கள் என்பவர்கள் என்ன வகுப்பு?

ரா-ம் : என்ன வகுப்பு? நாங்கள் தான்.

டேவிஸ் : நீங்கள் என்றால், நீ அய்யங்கார்; நீங்கள் தானா?

ரா-ம் : நாங்கள் மாத்திரம் அல்ல அப்பா. நாங்களும், அய்யர், ஆச்சாரி, சாஸ்திரி, சர்மா, தீட்சதர் முதலிய வர்கள்.

டேவிஸ் : அப்படி என்றால் பார்ப்பனர்கள் யாவரும் பூதேவர் என்கிறாய்.

ரா-ம் : ஆமா! ஆமா!! கல்லாட்டமா ஆமா!!!

டேவிஸ் : சரி, தொலைந்து போகட்டும். நீங்கள் தேவர்கள் என்றே வைத்துக் கொள்வோம்; உங்களுக் குத் தொல்லை கொடுக்க அசுரர், ராட்சதர் ஒருவரும் இந்த உலகத்தில் இல்லையே? இங்கிருப்பவர்களை எதற்கு ஆகப் பயப்படுத்தத் தீபாவளி கொண்டாட வேண்டும்?

ரா-ம் : இங்கேயே அசுரர் ராட்சதர் இல்லை என் கிறாய். இந்தக் கருப்புச் சட்டைக்காரர்கள் சு.மக்கள், தி.கழகத்தார்கள் இவர்கள் எல்லாம் யார்? பிராமணர் களைப் பார்த்து பொறாமைப்படுகிறவர்கள். குறை சொல்லுகிறவர்கள். அவர்களைப் போல் வாழ வேண்டு மென்பவர்கள், வேதசாஸ்திர புராண இதிகாசங்களைப் பகுத்தறிவால் ஆராய்ச்சி செய்கிறவர்கள் முதலிய இவர்கள் எல்லோரும் இராக்கதப் பதர்கள், இரக்கமே இல்லாத அரக்கர்கள் தெரிந்ததா? அவர்களுக்குப் பயம் உண்டாவதற்கு ஆக தேவர்களுக்கு இடையூறு செய்தால் நாசமாய்ப் போய்விடுவாய் என்று அறிவு றுத்துவதற்கு ஆகத்தான் தீபாவளி கொண்டாடுவ தாகும். இதுதான் இரகசியம், மற்றபடி ‘கதை எப்படி இருந்தால் என்ன?’

டேவிஸ் : அப்படியா? நீங்கள் 100க்கு 3 பேர், நீங்கள் அல்லாதவர்கள் 100க்கு 97 பேர். எப்படி எத்தனை நாளைக்கு இப்படி மிரட்ட முடியும்?

ரா-ம் : அதைப் பற்றிக் கவலைப்படாதே. காங்கிரஸ் ஸ்தாபனம் இருக்கிறது. இந்தத் தொண்ணூறு பேர்களில் ஒரு பகுதி விபீஷணர்களாக, அனுமார்களாக இருந்து பிராமணத் தொண்டாற்றவும் எதிரிகளை ஒழிக்கவும் பயன்படுத்துவதற்கு மற்றும் பண்டிதர் கூட்டம், படித்துவிட்டு உத்தியோகத்துக்குக் காத்துக்கிடக் கும் கூட்டம் கோவில் மடம் தர்ம்ஸ்தாபனத்தில் இருக்கும் கூட்டம், புத்தகக் கடைக் கூட்டம், பூசாரிக் கூட்டம், பிரபுக் கூட்டம், பாதிரிக் கூட்டம், மேற்பதவி வகிக்கும் உத்யோகஸ்தர் கூட்டம், தாசிக் கூட்டம், சினிமாக் கூட்டம், நாடகப் பிழைப்புக் கூட்டம், கலைவித்துவான் கள் கூட்டம், அரசியல் பிழைப்புக்காரர் கூட்டம், தேசபக்தர்கள் தியாகிகள் கூட்டம் இப்படியாக இடறி விழும்படி சர்வம் பிராமண அடிமையாம் என்பதுபோல் இருக்கும் போது 100க்கு 3, 100க்கு 97 என்ற கணக்கு முட்டாள்தனமான கணக்கு ஆகும்.

டேவிஸ் : ஓஹோ! அப்படியா? சரி, சரி, தீபாவளி என்பதன் தத்துவமும் இரகசியமும் தெரிந்துகொண் டேன். நன்றி, வணக்கம்.

ரா-ம் : சரி நமஸ்தே, ஜே ஹிந்து!

(சித்திரபுத்திரன் என்னும் பெயரில் தந்தை பெரியார் எழுதியது. ‘விடுதலை’ 28.10.1956)

Pin It

1926இல் தன்மான இயக்கம் கண்டார்: தன்மானக் கொள்கையின் வெற்றி எவ்வளவு?

தந்தை பெரியார் அவர்கள் 26.12.1926இல் தம் 47ஆம் அகவையில், தன்மான இயக்கம் கண்டார். அந்த இயக்கத்தின் நிறுவனர் அவர்; இயக்கத்துக்குக் கொள்கை வகுத்தவர் அவர். இத்துடன் மட்டுமா? அக்கொள்கைகளைப் பரப்புநராகவும் - 47 ஆண்டுக்காலம் தமிழகத்திலும் கேரளத்திலும் வடபுலத்திலும் இடைவிடாது உழைத்தார். என்னென்ன கொள்கைகளை வெற்றி பெறச் செய்ய அப்படி உழைத்தார்?

1. மனிதருள் பிறவியால் உயர்வு, தாழ்வு இல்லை. பிறப்பால் எல்லாரும் சமம்.

2. தன்மானத்தைப் பறிகொடுக்கும் மத மூடச்சடங்குகளைச் செய்திட முந்துவதை வெறுக்கச் சொன்னார்; ஒதுக்கச் சொன்னார். அச்சடங்குகளைச் செய்வதற்கென்று மாற்று இனத்தவனை அழைக்காதீர்கள் எனக் கூறினார்.

3.            ஆணுக்கு உள்ள எல்லா உரிமைகளும் பெண்ணுக்கும் உண்டு என்பதை நாம் உணரவும், பின்பற்றவும் அறிவுரை கூறினார்.

4.            அய்ம்புலன்களுக்கும் எட்டாத - ஆராய்ச்சியில் தட்டுப்படாத - எல்லாவல்லமையும் உள்ள கடவுள் இருப்பதாக நம்புவதையும், அந்த நம்பிக்கையின் அடிப்படையில் கோவில்கள், மடங்கள் அமைத்தல் - கல்லுருவத்தை - செம்பு உருவத்தை - அய்ம் பொன் சிலையை வணங்காதீர்கள்; நேரம், சிந்தனை, பணம், உடலுழைப்பு இவற்றை அதற்காகப் பாழாக்காதீர்கள் என்று கற்பித்தார்.

இவ்வளவு கொள்கைகளையும் நெடுங்காலம் கற்பித்தவர்கள் புத்தரும், புலேவும், தந்தை பெரியாரும், பெர்ட்ரண்ட் ரஸ்ஸலுமே ஆவர். இவர்களின் கொள்கைகள் ஏறக்குறைய ஒரே தன்மையானவை.

தன்மான இயக்கம் பிறந்த 1926இல் எழுத்தறிவு பெற்றவர்கள், இந்தியாவிலும், தமிழகத்திலும் 100க்கு 10 பேருக்கு மேல் இல்லை.

இன்று 2012இல் தமிழகத்தில் 100க்கு 85 பேர் எழுத்தறிவு பெற்றவர்கள். எழுத்தறிவு பெறாதவர்களில் அதிகம் பேர் கீழ்ச்சாதிச் சூத்திரரும் ஆதித் திராவிடருமே ஆவர். இவர்களிலும் அதிகம் பேர் பெண் மக்களே; நாட்டுப்புற மக்களே!

இவ்வளவு கல்வி வளர்ச்சிக்கு ஏற்ற விகிதத்தில், கல்பொம்மையை - செப்புச் சிலையை - அய்ம்பொன் சிலையைக் கும்பிடாமல் எத்தனை விழுக்காடு பேர் உருவாகி உள்ளனர்? அந்தச் சிலைகளுக்கு உரிமையாக ஆயிரக்கணக்கான கோடி ரூபா பெறுமான சொத்து இருப்பதை யார் - எப்படி - ஏன் காப்பாற்றுகிறார்கள்?

கல்வி பெற்ற மக்களும், அம்மக்கள் கற்ற பயனற்ற கல்வியும், மத வேத ஆகமச் சட்டங்களும், அதிகார வர்க்கமும், நீதிமன்றங்களும் இவற்றைக் காப்பாற்றுகின்றன. அதாவது இவற்றை - இந்த அமைப்பை அப்படியே காப்பாற்றுவது அரசே!

இந்தப் பணியைச் செய்கிற இன்றைய அரசை - அரசமைப்பை - அதன் கிளை அமைப்புகளை அல்லது கட்டுமானங்களைக் குலைக்காத வரையில், எவ்வளவு சிறப்பாக, இன்னும் எத்தனை ஆண்டுகளுக்கு நாம் பெரியாருக்கு விழா எடுத்தாலும் - அது பெரியார் கொள்கை வெற்றியின் பரிமாணத்தை - அளவை வளர்க்க உதவுமா? உதவாது; இது உறுதி.

தமிழன், தெலுங்கன், மலையாளத்தான், கன்னடத்தான், இந்திக்காரன், வங்காளத்தான் எல்லோருமே இதுபற்றிக் கவலைப்படுவதே இல்லை.

இத்தனை மொழிகளைப் பேசுகிறவர்களும் - இவர்களிலுள்ள எல்லா இந்துக்களும் இத்தன்மை உள்ளவர் களாகவே 2012லும் வாழ்கிறார்கள். மாற்றானை-மேல்சாதிக்காரனை மதித்து அழைத்தே எல்லாம் செய்கிறார்கள்.

இவர்கள் எல்லோருமே வீட்டு நிகழ்ச்சிகள், சமய நிகழ்ச்சிகள், கோவில் நிகழ்ச்சிகள் எல்லாவற்றிலுமே அவரவர் தாய் மொழியைப் புறந்தள்ளிவிட்டு, தேவமொழி என நம்பி சமஸ்கிருதத்தையே ஏற்கின்றனர்; எல்லா வகுப்பினரும், எல்லா உள்சாதியினரும் பார்ப்பான் உயர்ந்தவன் - சமயச் சடங்குகள் செய்ய உரிமையும் தகுதியும் படைத்தவன்; நம் முன்னோர் காலந்தொட்டு வருகிற இந்தப் பழைய நடப்பை - பழக்கவழக்கத்தை நாம் கைவிடக்கூடாது என்பதில் - மொழி, வாழும் பகுதி, படிப்புத் தகுதி, செல்வத் தகுதி, பதவித் தகுதி என்கிற எல்லாவற்றையும் தூக்கியெறிந்துவிட்டு, ஒரு கணமும் சிந்திக்க மறுத்து - பார்ப்பனியக் கோட்பாட்டை - பார்ப்பனரின் உயர்சாதித் தன்மையை - பிறவி காரணமான வருண சாதியை - சாதியச் சடங்கைக் கட்டிக் காப்பதில் பிடிவாதமாக உள்ளனர். அரசு தரும் கல்வி, அரசு அறியத் தனியார் தரும் கல்வி, மதக் கல்வி நிலையங்கள் தரும் கல்வி; அறிவை அழிக்கவோ, வளர்க்கவோ ஏற்ற வலிமை படைத்த அரசு மற்றும் தனியார் செய்தி ஊடகங்கள்; அரசு நிருவாக அங்கம், உயர்நீதி - உச்சநீதிமன்றங்கள்; நாடாளுமன்றச் சட்டங்கள்; இந்திய அரசமைப்புச் சட்டம் எல்லாமே பழக்கவழக்கத்தை - இந்து, இஸ்லாம், சீக்கியம், கிறித்துவம், பவுத்தம், சமணம் ஆகிய எல்லா மதங்களிலும் உள்ள மேலே கண்ட நிலைமைகளை அப்படியே காப்பாற்றிட மட்டுமே உள்ளன.

47 ஆண்டுக்காலம் தன்னை மறந்து மாடாக உழைத்தார், பெரியார். அவர் மறைந்து 39 ஆண்டுகள் முடியப் போகின்றன.

இந்த 86 ஆண்டுக்காலத்தில் தமிழகத்தில் பெரியார் பெயரிலான இயக்கங்களால் - அவருடைய இனமானக் கொள்கைகளால் வாழ்வு பெற்றவர்களால், சிலை வணக்க ஒழிப்பு-பார்ப்பனப் புரோகித ஒழிப்பு போன்ற எந்த எந்தக் கொள்கையில் - எந்த எந்த வேலைத் திட்டத்தில் எத்தனைத் தப்படிகள் மேலே ஏறினோம்-ஏறினார்கள் என்று நாம் எண்ணிப் பார்த்தோமா? கணக்குப் பார்த்தோமா? அப்படி அளந்து பார்ப்பதால் பெரியாருக்கு இழுக்கு நேருமா? நேராது!

இப்படியெல்லாம் கணக்குப் பார்ப்பது கூடாது - அது நம் பணி ஆகாது - அளந்து பார்க்காமல், கணக்குப் பார்க்காமல் பெரியார் காலத்தில் அவர் செய்த பரப்புரையை விடப் பல மடங்கு அளவில் பரப்புரை செய்தலே நம் கடமை - வீடுதோறும், தெருதோறும் - சிற்றூர் தோறும் அப்பரப்புரையைச் செய்வோம் - அதைத் தொடர்ந்து செய்வோம் - அதுவே பெரியார் கொள்கை வெற்றிக்கு அடையாளம் என்பது பகுத்தறிவா? பக்தி வழியா? குறி தெரியாத குருட்டுத்தனமா? எனச் சிந்திக்க வேண்டாமா? சிந்திப்போம், வாருங்கள்!

கூட்டாகச் சிந்திப்போம்! தனித்தனி முத்திரைகளைப் பதித்துக் கொண்டு, “தந்தை பெரியாரின் தலைசிறந்த பக்தர்களாக” நாம் ஆனால் போதாது, நாம் வாழுங்காலத்திலேயே பெரியாரின் கொள்கைகளை வெற்றி பெற வைப்பதற்கேற்ற நமக்கான ஓர் அரசை அமைப்போம், வாருங்கள்! அதை அன்னியில் வேறு வழி இருந்தால், அன்புகூர்ந்து - அது என்ன என்பதை ஆர அமர எண்ணிக் கூறுங்கள்!

பெரியார் கொள்கைகளை வெற்றி பெறச் செய்ய இவை தேவை; தேவை.

- வே. ஆனைமுத்து

Pin It

அன்று இராகவன் வீடு திரும்பும் போது மிகவும் மகிழ்ச்சியாக இருந்தான். நீண்ட நாள் போராட்டமாக இல்லாவிட்டாலும் அது கடுமையான போராட்டமாகத் தான் இருந்தது. பால் விலை உயர்வு, மின்கட்டண உயர்வு, பெட்ரோல் விலை உயர்வு, பேருந்துக் கட்டண உயர்வு போன்ற பல விலை உயர்வுகளைச் சமாளிக்க, ஊதிய உயர்வு வேண்டும் என்று அவன் சார்ந்திருந்த தொழிற்சங்கம் கடுமையாகப் போரா டியது. மற்ற தொழிற்சங்கங்களும் போராடிய போதி லும், இராகவன் சார்ந்திருந்த தொழிற்சங்கம் தான் முதலாளிகளின் மயக்குமொழிப் பேச்சுகளுக்கு, உட னுக்குடன் பதிலடி கொடுத்து ஊதிய உயர்வை மறுக்க முடியாதபடியான வாதங்களைச் செய்து வெற்றி பெற்றது. தொழிற்சங்கத்தின் செயற்குழு உறுப்பின ரான இராகவனின் திறமையான பேச்சுகளும், சமயோசித நடவடிக்கைகளும் ஊதிய உயர்வுக் கோரிக்கை முழுமையான வெற்றி பெற முக்கியமான காரணங்களாக இருந்தன. கோரிக்கையில் வெற்றி பெற்றது மட்டுமல்லாது, அதற்குத் தன்னுடைய வாக்கு வன்மை உறுதியான பங்கு வகித்தது பற்றியும் இராகவனுக்கு மகிழ்ச்சியாக இருந்தது. இதனால் தொழிற்சங்கத்தின் மற்ற உறுப்பினர்கள் மட்டுமல் லாது, வேறு தொழிற்சங்க உறுப்பினர்களிடமும் அவனுடைய புகழ் பரவியது. தன் மகிழ்ச்சியை மனைவியிடம் அவன் பகிர்ந்து கொண்டான்.

சிறிது நேர மகிழ்ச்சிக் கலகலப்புக்குப் பிறகு விலைவாசி உயர்வினால் ஏற்பட்டு இருக்கும் அதிகமான பணத்தேவையையும், ஊதிய உயர்வால் கிடைக்கப் போகும் அதிகப் பணத்தையும் கணக்குப் போட்டுப் பார்த்த இராகவனின் மனைவி இரண் டுக்கும் இடையில் சிறிய இடைவெளி இருப்பதை உணர்ந்து அதை இராகவனிடம் காட்டினாள். மேலும் ஊதிய உயர்வுக்குப் பின் ஏற்படும் விலையேற்றத் தையும் சுட்டிக்காட்டி இடைவெளி இன்னும் அதிக மாகும் எனத் தொழிற்சங்கவாதியான இராகவனுக்குத் தெரியும். எனவே இவன் மனம் துணுக்குற்றது. இவ்வளவு சிரமப்பட்டுப் போராடி வெற்றி பெற்றும், பழைய வாழ்க்கைத் தரத்தைத் தக்க வைத்துக் கொள்ள முடியாது போல் இருக்கிறதே என்று அறிந்து வருத்தம் அடைந்தான். இனி வருங்காலத்தில் ஊதிய உயர்வுப் போராட்டத்தின் போது அதிகமான எச்சரிக் கையுடன் இருக்க வேண்டும் என்று நினைத்துக் கொண்டான். வரவு செலவுகளுக்கு இடையில் ஏற்படப் போகும் இடைவெளியை நிரப்ப என்ன செய்ய வேண்டும் என்று கேட்ட மனைவியின் குரல் கேட்டு, சிந்தனையில் இருந்து விழித்துக் கொண்ட இராகவன் ஏதாவது செய்கிறேன் என்று தாழ்ந்த குரலில் கூறினான்.

இராகவன் நீர் சுத்திகரிப்புக் கருவிகளை உற்பத்தி செய்து, விற்பனை செய்யும் நிறுவனம் ஒன்றில் தொழில்நுட்ப நிபுணனாக வேலை பார்க்கிறான். நீர் சுத்திகரிப்புக் கருவி பழுதடைந்தால் அதை நிவர்த்தி செய்து கொடுப்பது தான் அவனுடைய வேலை. அவனுக்கு மாதச் சம்பளமும், பழுதடைந்த கருவியை நிவர்த்தி செய்து கொடுக்கும் எண்ணிக் கைக்கு ஏற்ப ஊக்க ஊதியமும் கிடைக்கும். இப் பணியில் மிகுந்த திறமைசாலி என்று பெயர் பெற்றவன். தன் வருமானத்தைப் பெருக்கிக் கொள்ள வேண்டும் என்றால் அவன் பழுது நீக்க வேண்டிய கருவிகளின் எண்ணிக்கை அதிகரிக்க வேண்டும். ஆகவே தனக்குத் தரப்பட்டுள்ள பகுதிகள் அல்லாமல் கூடுதல் பகுதிகளைத் தன் பொறுப்பில் தரும்படி கேட்டுப் பெற்றுக்கொண்டான். அதாவது தனது பழைய வாழ்க்கைத் தரத்தைத் தக்கவைத்துக் கொள்ள அவன் கூடுதல் உழைப்பை அளிக்க வேண்டி இருந்தது.

காலம் இப்படியாகச் சென்று கொண்டிருந்த போது, இராகவன் வேலை பார்த்துக் கொண்டிருந்த நிறுவனம் ஒரு புதிய நீர் சுத்திகரிப்புக் கருவியை வடிவமைத்து உருவாக்கி வெளியிட்டது. பழைய கருவியை விட இது அதிக சுத்தமான குடிநீரைத் தரும் என்று கூறப்பட்டது. விற்பனையாளர்கள் அனைவரும் புதிய கருவியைப் பற்றி விளக்கி விற்பனையை மேம்படுத்த வேண்டும் என்று கேட்டுக் கொள்ளப்பட்டனர். விற்பனைப் பிரிவின் மேலாளராக இருந்த மோகன், இராகவனுக்கு நெருங்கிய நண்பர். அவர் விற்பனைப் பிரதிநிதிகளிடம் புதிய கருவியைப் பற்றியும் அதன் சிறப்பு அம்சங் களைப் பற்றியும் மக்களிடம் விளக்கிக் கூறி அதன் விற்பனையை மேம்படுத்த வேண்டும் என்று கேட்டுக் கொண்டான். விற்பனைப் பிரதிநிதிகளும் மேலாளர் மோகன் கூறியபடி எல்லா முயற்சிகளையும் எடுத்துக் கொண்டு இருந்தனர். ஆனால் விற்பனை சூடுபிடிக் காமல் மெதுவாகவே போய்க் கொண்டு இருந்தது.

ஆனால் இரண்டு மாதங்களுக்குப்பின் தட்சிணா மூர்த்தி என்ற விற்பனையாளர் புதிய கருவியின் விற்பனையைப் பெருமளவில் உயர்த்திக் காட்டினார். மோகனுக்கு வியப்பாக இருந்தது. மற்றவர்களால் முடியாததை இவன் மட்டும் எப்படிச் செய்து முடிக் கிறான்? ஒரு நாள் அவனைத் தனியே அழைத்துப் பலபடப் பாராட்டி அந்த இரகசியத்தைக் கேட்டான். ஆனால் தட்சிணாமூர்த்தி அது தன்னுடைய பேச்சுத் திறமை என்று மட்டும் கூறி, வேறு எதுவும் சொல்ல மறுத்துவிட்டான். தட்சிணாமூர்த்தியின் வளர்ச்சியைப் பார்த்தால் எங்கே அவன் தன்னையும் மிஞ்சிப் போய்விடுவானோ என்று மோகன் அச்சப்பட்டான்.

மோகனின் அச்சம் உண்மையானது. தட்சிணா மூர்த்தியின் திறமை, நிறுவனத்தின் மேலாண்மை இயக்குநர் வரை தெரிய ஆரம்பித்துவிட்டது. ஒருநாள் மேலாண்மை இயக்குநர் தட்சிணாமூர்த்தியை அழைத்துப் பாராட்டினார். நிறுவனம் அவனுடைய திற மையை மேலும் விரிவாகப் பயன்படுத்த விரும்புவ தாகவும் அதற்காக அவன் என்ன எதிர்பார்க்கிறான் என்பதைத் தெரிவித்தால் முதலாளியிடம் கூறிப் பெற்றுத் தருவதாகவும் கூறினார். தட்சிணாமூர்த்தியும் தனக்கு விற்பனைப் பிரிவின் தலைமைப் பதவி வேண்டும் என்றும், சம்பளம் மட்டுமல்லாது, கருவி கள் விற்பனையில் கமிஷன் வேண்டும் என்றும், கருவிகளைப் பழுதுபார்க்கும் நிபுணர்கள் தனக்குக் கீழ் வர வேண்டும் என்றும் கேட்டுக் கொண்டான். உயர் பதவிக்கு வரும் பொழுது உயர்ந்த ஊதியம் வருவதால் விற்பனையில் வரும் கமிஷன் பற்றிப் பொருட்படுத்த வேண்டியதில்லை என்று கூறிய மேலாண்மை இயக்குநர், பழுது பார்க்கும் நிபுணர் களை விற்பனைப் பிரிவின் கீழ்க்கொண்டு வருவது எப்படிச் சரியானதாக இருக்கும் என்றும் கேட்டார்.

மேலாண்மை இயக்குநரின் வினாவிற்குத் தட்சிணாமூர்த்தி அளித்த விடையில் அவனுடைய திறமையின் இரகசியம் தெரிந்தது. தன்னுடைய விற் பனைப் பிரிவுப் பகுதியில் பணியாற்றும் பழுதுபார்க் கும் நிபுணர்கள் பழைய கருவிகளைப் பழுதுபார்க்கும் பொழுது கருவியில் ஏதாவது ஒரு குறையை வைத்து விடுவார்கள் என்றும், இது வாடிக்கையாளர்களுக்குப் பெரும் தலைவலியைக் கொடுக்காமல் சிறு, சிறு பிரச்சனைகள் ஏற்படும்படி பார்த்துக் கொள்ளப்படும் என்றும், நாளடைவில் இது பழைய கருவியை விட்டுவிட்டுப் புதிய கருவியை வாங்கலாம் என்ற மனநிலையை உருவாக்குவதற்கு வசதியாக இருக்கும் என்றும், தன்னுடன் ஒத்துழைக்கும் பழுதுபார்க்கும் நிபுணர்களுக்கு இதற்காக ஏதாவது பரிசைக் கொடுப் பதாகவும் தெரிவித்தான். விற்பனையில் கமிஷன் கிடைத்தால் தான் அதில் ஒரு பகுதியைப் பழுது பார்க்கும் நிபுணர்களுக்கு வழங்க முடியும் என்பதால் கமிஷன் கேட்டதாகவும், பழுதுபார்க்கும் நிபுணர்களில் யார் யாரை எந்தெந்தப் பகுதியில் வேலை அளிக்க வேண்டும் என்ற அதிகாரம் தன் கையில் இருந்தால் தான் ஒத்துழைக்கும் நிபுணர்களையும், ஒத்துழைக் கத் தெரியாத (!?) நிபுணர்களையும் வைக்க வேண் டிய இடத்தில் வைத்து விற்பனையைப் பெருக்க முடியும் என்றும் கூறினான்.

தட்சிணாமூர்த்தியின் விடையைக் கேட்ட மேலாண்மை இயக்குநர் மலைத்துப் போனார். இவ்வளவு நுணுக்கங்கள் (!?) தெரிந்த ஒருவன் உயர்நிலைக்கு வந்தால் தன்னையும் விழுங்கி விடுவானோ என்று அஞ்சினார். ஆனால் முதலாளி யின் உறவினர் என்பதால் தான் தனக்கு மேலாண் மை இயக்குநர் பதவி கொடுக்கப்பட்டு இருக்கிறது என்பதைப் புரிந்து கொண்ட அவர், அந்த உறவு முறை தன்னைக் காப்பாற்றும் என்று நம்பினார். முதலாளியிடம் பேசி நல்ல முடிவைக் கூறுவதாகக் கூறி அவனை அனுப்பி வைத்தார்.

இரு நாள்களில் மீண்டும் அழைத்து, அவன் கேட்ட விற்பனைப் பிரிவுத் தலைமைப் பதவியை அளிக்கவும், அவன் கேட்டபடியே கமிஷன் தொகை கொடுக்கவும் முதலாளி ஒப்புக்கொண்டதாகத் தெரிவித் தார். நிபுணர்களை விற்பனைப் பிரிவின் கீழ்க் கொண்டு வந்தால் தேவையற்ற குழப்பம் ஏற்படும் என்றும், இருப்பினும், நிபுணர்களில் யார், யாரை எந்தெந்தப் பகுதியில் போடுவது என்பது பற்றி அவனிடம் இரகசியமாகக் கேட்டுத் தெரிந்து கொண்டு அதன்படி தன்னை நடந்து கொள்ளும்படி முதலாளி கூறி இருப்பதாகவும் தெரிவித்தார். இந்த ஏற்பாட்டிற்கு ஒப்புக்கொண்டு தட்சிணாமூர்த்தி பதவி உயர்வைப் பெற்றான். அதிலும் தனக்கு மேலதிகாரியாக இருந்த மோகனை விட உயர்ந்த பதவி அவனுக்குக் கிட்டியது. மோகன் இதில் சோர்வுற்றான். ஆனால் நிர்வாகமோ, இது அரசுத் துறை அல்ல என்றும், தனியார் துறை என்பதால் திறமை உள்ளவர்கள் மதிக்கப்படுவார்கள் என்றும் மோகனும் தனது திறமையை வளர்த்துக் கொண்டால் உயர்பதவியைப் பெறலாம் என்றும் விளக்கம் கூறியது.

தட்சிணாமூர்த்தி பதவி உயர்வு பெற்றவுடன் அனைவருடனும் கலகலப்புடன் பழக ஆரம்பித்தான். அவ்வப்போது சிலருக்குத் தனிப்பட்ட முறையில் ஆடம்பர உணவு விடுதிகளில் விருந்தளித்தான். அவனுடைய சீரிய (!?) வழிகாட்டுதலில் புதிய கருவி யின் விற்பனை அமோகமாக வளர்ந்தது. முதலா ளிக்கு இலாபம் குவிந்து கொண்டு இருந்தது.

ஒரு நாள் தட்சிணாமூர்த்தி இராகவனை ஒரு ஆடம்பர உணவு விடுதிக்கு அழைத்துச் சென்று விருந்தளித்தான். இடையே பேசிக் கொண்டு இருக்கும் பொழுது அவன் மிகச் சிறந்த பழுதுபார்க்கும் நிபுண னாக இருப்பதைப் பெரிதும் பாராட்டினான். இருந்தும் அவனால் போதிய வருவாய் ஈட்ட முடியாததைப் பற்றியும் மற்ற நிபுணர்களின் வாழ்க்கைத் தரம் இராகவனுடையதைவிட உயர்ந்து இருப்பதைiயும் சுட்டிக்காட்டினான். பிறகு தன்கீழ்ப் பணிபுரியும் விற் பனைப் பிரதிநிதிகள், பழுதுபார்ப்பதில் பிரச்சினையை ஏற்படுத்தி அதன்மூலம் விற்பனையை அதிகரிக்க உதவும் நிபுணர்களுக்குக் கமிஷன் கொடுப்பது பற்றித் தெரியுமா என்று கேட்டான்.

இராகவன் அதிர்ந்து விட்டான். “என்ன அயோக்கி யத்தனம் இது?” என்று சற்று உரக்கவே கேட்டு விட்டான். அவனுடைய குரலில் இருந்த அழுத்தம் அவன் தன்னுடைய வலையில் விழமாட்டான் என்று தட்சிணாமூர்த்திக்கு உணர்த்தியது. அன்று அவனுக்கு அளித்த விருந்து வீண் என்று நினைத்துக் கொண் டான். பின் இராகவனை அமைதியாக வழி அனுப்பி வைத்தான்.

ஆனால் அதன்பிறகு இராகவனின் ஆளுகைக்கு உட்படும் பகுதியின் பரப்பளவு குறைய ஆரம்பித்தது. இராகவன் தன் மேலதிகாரியிடம் போய்க் கேட்டபோது, தான் மேலாண்மை இயக்குநரின் வழிகாட்டுதல்படி நடப்பதாகவும் அதற்குமேல் தனக்கு ஒன்றும் தெரி யாது என்றும் கூறிவிட்டார்.

ஒரு நாள் இராகவன் தன் நண்பன் மோகனிடம் இதைப் பற்றிப் பேசினான். மோகன் அவனிடம் திரைமறைவில் நடக்கும் விவரங்கள் அனைத்தையும் கூறி, அவனுடைய பிரச்சினைக்குத் தட்சிணாமூர்த்தி தான் காரணம் என்றும், அவன் தன்னையும் மிதித்து மேலே சென்ற விவரங்களையும் விவரித்தான். இராகவன் வியப்படைந்தான். அரசு அலுவலகங்களில் தான் கையூட்டு கொடுக்கப்படுகிறது / வாங்கப்படுகிறது என்றால் தனியார் நிறுவனங்களிலுமா இப்படி? அவனால் பொறுத்துக்கொள்ள முடியவில்லை. இதைப் பற்றி முதலாளியிடம் கூறலாம் என்றால் முதலாளியின் முழு ஒப்புதலுடன் தானே இதுபோன்ற கையூட்டுப் பேய் சுதந்திரமாக நடமாடிக் கொண்டு இருக்கிறது? அரசு அலுவலகங்களில் வாங்கப்படும் / கொடுக் கப்படும் கையூட்டுகளைப் பற்றிப் புகார் செய்ய ஊழல் தடுப்பு மற்றும் கண்காணிப்புத் துறை இருக்கிறது. ஆனால் தனியார் நிறுவனங்களில் நடக்கும் இது போன்ற கையூட்டுகளுக்கு எதிராக எப்படிச் செயல் படுவது? இராகவன் திணறினான்.

பிறகு யோசித்துப் பார்த்ததில் அவனுக்கு ஒரு பொறி தட்டியது. தொழிற்சங்கத்தில் இதைப்பற்றிப் பேசினால் என்ன? தொழிற்சங்கத் தலைவரையும் செயலாளரையும் சந்தித்துப் பேசினான். ஆனால் அவர்களோ இதனால் தொழிலாளர்கள் பாதிக்கப்பட வில்லை என்றும், ஆகவே தொழிற்சங்கம் இப்பிரச்சி னையை எடுத்துக்கொள்ள முடியாது என்றும் கூறி விட்டனர். உடனே தான் நேரடியாக இதனால் பாதிக் கப்பட்டு இருப்பதாகக் கூற, இதைப்பற்றி நிர்வாகத் துடன் பேசித் தெரிவிப்பதாகக் கூறினார்கள். நிர்வாகத் துடன் பேசிய பொழுது இராகவனின் சம்பளத்தை எந்தவிதத்திலும் குறைக்கவில்லை என்றும், பழுத டைந்துவிட்டதாகப் புகார்கள் வராததால் தான் அவனு டைய ஆளுகைப் பரப்பு குறைந்து இருக்கிறது என்றும், இது அவனுடைய திறமைக்கு ஒரு சான்று என்றும் அதை நிர்வாகம் பாராட்டவே செய்கிறது என்றும் மற்றபடி வேறு எதுவும் இல்லை என நிர்வாகத்தினர் கூறிவிட்டார்கள். நிர்வாகம் கூறியதை அப்படியே தலைவரும், செயலாளரும் இராகவனிடம் மறுஒலிபரப்புச் செய்தார்கள்.

இராகவனால் பொறுக்க முடியவில்லை. தொழிற் சங்கத்தின் செயல்பாடுகளுக்குத் தானே எல்லை உள்ளது. தொழிற்சங்கம் சார்ந்துள்ள கட்சியின் செயல்பாடுகளுக்கு எல்லை இல்லையே? இராகவன் கட்சியின் மாநிலச் செயலரைச் சந்தித்தான். மாநிலச் செயலரோ சென்ற தேர்தலில் யாருடன் கூட்டு, வரும் தேர்தலில் யாருடன் கூட்டு சேர்வது, இடையில் யாருடன் சேர்ந்து போராடுவது என்பது பற்றித்தான் பேசினாரே ஒழிய, இராகவனின் பிரச்சனையைக் கண்டுகொள்ளவே இல்லை.

இராகவன் இப்பொழுது ஒரு இக்கட்டான நிலை யில் நிற்கிறான். நேர்மையாக வாழ்ந்தால் வருமானம் போதவில்லை. வருமானத்தை அதிகரிக்க வேண்டும் என்றால் முதலாளிகளுக்கு இலாபம் அதிகரிக்கும் வகையில் மக்களை ஏமாற்ற வேண்டி உள்ளது. இதில் எந்தப் பாதையைத் தேர்ந்தெடுப்பது? இராகவன் குழம்பி நின்றான்.

Pin It

உட்பிரிவுகள்