Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

தொடர்புடைய படைப்புகள்

கருஞ்சட்டைத் தமிழர்

தென்னவர் பண்பை, வீரம்

     தேக்கிய போர்வாள்! நாட்டை

மன்னவர் ஆண்ட பாட்டை

     மறத்தமிழ் வெற்றிப் பாட்டை

கன்னலாய்த் தமிழை அள்ளி

     கவிதையாய் வடித்த பாட்டை

பொன்வரி பெரியார் பாட்டை

     புகழ்பட விரித்தார் நன்னன்!

கோபுரம் சாய்ந்த தம்மா!

     கொடிதமிழ் அறுந்த தம்மா!

யாவரும் போற்றும் பண்பில்

     இடியொன்று விழுந்த தம்மா!

மேவிடும் கருவூ லத்தை

     மின்னலும் கிழித்த தம்மா!

தேனடை எரிந்த தென்றால்

     தேற்றுவார் உண்டோ? உண்டோ?

வீறுடைத் தமிழு ணர்வில்

     விசைகொண்ட நடையும் எங்கே?

காருடைக் கருத்தைச் சுமந்த

     கனிமொழி நாவும் எங்கே?

பேருடைப் புகழ்சேர் தங்கம்

     பீரிட்ட ஒளியும் எங்கே?

வேருடைத் தமிழின் தேக்கு

     விசையென சாய்ந்த தம்மா!

பெரியாரை உணர்ந்தவரே! திராவி டத்தில்

     பெருங்கடலாய்க் கொள்கைஅலை முழக்கம் செய்தீர்!

நரியாரின் சூழ்ச்சிகளை அறுத்தெ றிந்தே

     நாடெங்கும் மேடையிலே முழக்கம் செய்தீர்!

அரிதாரம் பூசிவந்த அவாள்கள் கொண்ட

     ஆணவத்தை அன்றன்று வெட்டிச் சாய்த்தீர்!

பரியாக வலம்வந்தீர்! திராவி டத்தின்

     பைந்தமிழே! நன்னனாரே! மீண்டும் வாரீர்!

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Comments   

0 #1 avudaiappan 2017-11-21 20:04
periyaar not tamilar ...kannadar
Report to administrator
0 #2 thamizh 2017-11-26 07:31
@ avudaiappan neenga yen pirappal avarai kannadar endru sollanum. yetharkaka ippadi parpanargalin kaikooliyaga irukirirgal. periyar entha saathiyil pirantha varayinum avar vazhnthathu thamilar kalukkaga
Report to administrator

Add comment


Security code
Refresh