Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
கீற்றில் தேட
கீற்றினை வளர்த்தெடுக்க
உதவுங்கள்...

vanam_370அந்தி வான்வெளி
சிந்தும் செவ்வொளி
சந்த வண் கவி
தந்த தென்னிடம்.

மஞ்சள் தூறலாய்
கொஞ்சும் இளவெயில்
செஞ்சொல் மாலையை
நெஞ்சுள் கோர்த்தது.

மாலை வேளையில்
நீல வானதன்
மேலை மூலை, செங்
கோலம் மின்னுது.

சங்கு மல்லிகை
தங்கள் இதழ்களில்
தங்கும் தேன் மணம்
எங்கும் தூவுது.

பரிதி சிதறிய
குருதி நிறவொளி
பருகி அல்லிப்பூ
விரியும் செம்மையாய்.

மந்த மாருதம்
வந்து தோய்ந்திட
அந்த வேளையில்
சிந்தை இன்புறும்.

கூடு சென்றிடக்
கூடும் பறவைகள்
பாடும் பாடலால்
சூடும் வாழ்த்தினை.

- சி.விநாயக மூர்த்தி 

கீற்றில் வெளியாகும் படைப்புகள்/பின்னூட்டங்கள், எழுதியவரின் சொந்தக் கருத்துக்களே! அவை கீற்றின் நிலைப்பாடல்ல. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். படைப்புகளை அனுப்ப வேண்டிய முகவரி: editor@keetru.com. அநாகரிகமான பின்னூட்டங்கள் பகுதியாகவோ அல்லது முழுமையாகவோ நீக்கப்படும்.

Add comment


Security code
Refresh